SENSEX
NIFTY
GOLD
USD/INR

Weather

27    C
... ...View News by News Source

Doctor Vikatan: இதயநோயாளிகள் கீரை, காலிஃபிளவர், முட்டைகோஸ் சாப்பிடக்கூடாது என்பது உண்மையா?

Doctor  Vikatan: இதய அறுவை சிகிச்சை செய்துகொண்டவர்கள் கீரை வகைகள், காலிஃப்ளவர், கொண்டைக்கடலை, முட்டைகோஸ் போன்றவற்றைத்  தவிர்க்கச் சொல்வது எதனால் என்று விளக்கவும்? -கலைச்செல்வி வளையாபதி, தோட்டக்குறிச்சி பதில் சொல்கிறார் சென்னையைச் சேர்ந்த, இதயநோய் மருத்துவர் அருண் கல்யாணசுந்தரம் மருத்துவர் அருண் கல்யாணசுந்தரம் நீங்கள் இங்கே குறிப்பிட்டுள்ள அத்தனை உணவுகளையும் இதய நோயாளிகள் தாராளமாகச் சாப்பிடலாம். இவையெல்லாம் ஆரோக்கியமான உணவுகள்தான் என்பதால் எந்தப் பிரச்னையும் இல்லை.  ஒருவேளை மருத்துவர்கள் இவற்றைத் தவிர்க்கச் சொல்லி அறிவுறுத்தியிருந்தால், சில விஷயங்களில் கவனமாக இருக்க வேண்டும். கூமடின் ( Coumadin)  மற்றும் வார்ஃபரின் (Warfarin) எனப்படும் பிளட் தின்னர் (blood thinners)  மருந்துகள் எடுப்பவர்கள் மட்டும் குறிப்பிட்ட சில காய்கறிகள், கீரைகளை மருத்துவர் பரிந்துரைக்கும் அளவில்  எடுத்துக்கொள்ள வேண்டும். கீரை Doctor Vikatan: பீரியட்ஸுக்கு  முன்பே உடலை அதற்குத் தயார்படுத்துவது சாத்தியமா? அதாவது, குறிப்பிட்ட இந்த பிளட் தின்னர் மருந்துகளை எடுப்போர், இந்தக் காய்கறிகள், கீரைகளை ஒரே அளவில் தான் எடுக்க வேண்டி அறிவுறுத்தப்படுவார்கள். இங்கே நீங்கள் குறிப்பிட்டுள்ள உணவுகளில் வைட்டமின் கே சத்து இருக்கிறது. சிலவகை பிளட் தின்னர் மருந்துகளை எடுக்கும்போது, வைட்டமின் கே, அவற்றுடன் எதிர்வினை ஆற்றலாம். மருத்துவர் பரிந்துரைக்கும் அளவைத் தாண்டி உட்கொள்ளும்போது அது சில பிரச்னைகளை ஏற்படுத்தலாம். ஒருவேளை ஒருசில நாள்களில் கீரைகளையோ, காய்கறிகளையோ கொஞ்சம் கூடுதலாக எடுத்துக்கொண்டுவிட்டால், PT/INR என்ற டெஸ்ட்டை செய்து பார்க்க வேண்டியது அவசியம். முட்டைகோஸ் Doctor Vikatan: டிரெட்மில் டெஸ்ட் ரிசல்ட் நார்மல்... அதன் பிறகு ஹார்ட் அட்டாக் எப்படி வந்தது..? மற்றபடி இதயநோயாளிகள் மேற்குறிப்பிட்ட காய்கறிகள், கீரைகளைச் சாப்பிடுவதில் எந்தப் பிரச்னையும் இல்லை. உங்களுக்கு பிளட் தின்னர் பரிந்துரைப்பட்டிருந்தால், உங்கள் மருத்துவர் உணவுக்கட்டுப்பாடு பற்றி வலியுறுத்தி இருந்தால் மட்டுமே குறிப்பிட்ட காய்கறிகள், கீரைகளைத் தவிர்க்க வேண்டுமே தவிர, இதய நோயாளிகள் எல்லோரும் இது குறித்து பயப்பட வேண்டியதில்லை. உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 1 Mar 2024 9:00 am

``ரூ.5 லட்சம் ஊக்கத்தொகையுடன் வேலை வாய்ப்புமருத்துவப் பணியாளர்களை வரவேற்கும் ஆஸ்திரேலியா!

இந்தியா - ஆஸ்திரேலியா இடையேயான மருத்துவம், உடல்நலம் மற்றும் சுகாதாரத் துறையின் உறவை பலப்படுத்துவதற்காக மேற்கு ஆஸ்திரேலியாவின் உடல்நலம் மற்றும் மனநலத்துறையின் அமைச்சர் ஆம்பர் -ஜேட் சாண்டெர்சன் இந்தியாவுக்கு வருகை தந்திருந்தார். சென்னை, ஹைதராபாத், நாசிக் மற்றும் திருவனந்தபுரம் ஆகிய இடங்களுக்குச் சென்று மருத்துவ முதலீடுகளை அதிகரிப்பதற்கான சந்திப்புகளில் ஈடுபட்டார். ஆஸ்திரேலியாவின் உடல்நலம் மற்றும் மனநலத்துறையின் அமைச்சர் ஆம்பர் -ஜேட் சாண்டெர்சன் ``மருத்துவமனை கட்டணங்களை முறைப்படுத்துங்கள்... மத்திய அரசை எச்சரித்த உச்சநீதிமன்றம்! சென்னைக்கு வந்திருந்த அவர் பேசுகையில், இந்திய நகரங்களில் மருத்துவத்துறையில் சென்னை முன்னோடியாகத் திகழ்கிறது. இந்தியாவில் அதிக மருத்துவக் கல்லூரிகளைக் கொண்ட நகரங்களில் சென்னை மூன்றாவது இடத்தில் உள்ளது. இங்கு அதிநவீன மருத்துவ வசதிகளும் அளிக்கப்பட்டு வருகின்றன. மற்ற உலக நாடுகளைவிட இந்தியாவில் உள்ள மருத்துவ தொழில்நுட்பங்கள் மற்றும் மருத்துவ துறையில் ஏற்படக்கூடிய வளர்ச்சி, இந்தியாவை மருத்துவத் துறையில் சிறந்த நாடாக விளங்கச் செய்கிறது. இந்தியாவில் உள்ள திறமையான மருத்துவப் பணியாளர்கள் மேற்கு ஆஸ்திரேலியாவுக்கு வந்து பணிபுரிய எங்கள் அரசாங்கம் உதவியாக இருக்கும். மருத்துவப் பணியாளர்களை வரவேற்கும் ஆஸ்திரேலியா! Deepfake videos: ``48 மணி நேரத்தில் நீரிழிவை குணப்படுத்தலாம் வைரலான மருத்துவரின் வீடியோ! மேற்கு ஆஸ்திரேலியாவில் 21 மருத்துவ ஆராய்ச்சி நிறுவனங்களும், 244 மருத்துவ நிறுவனங்களும் செயல்படுகின்றன. இவற்றில் 24,000 பணியாளர்கள் பணிபுரிந்து வருகின்றனர். இந்தியாவுடன் ஒப்பிடுகையில் மேற்கு ஆஸ்திரேலியாவில் சுகாதார பணியாளர்களின் எண்ணிக்கை குறைவாகவே உள்ளது. அங்கு மருத்துவர்கள், செவிலியர்கள், மருத்துவம் சார்ந்த பணியாளர்களின் தேவை அதிகமாக உள்ளது. பிற மாநிலங்களை ஒப்பிடும்போது மேற்கு ஆஸ்திரேலியாவில் செவிலியர்கள் மற்றும் மருத்துவத் துறையில் பணியாற்றுபவர்களுக்கு நல்ல ஊதியம் வழங்கப்படுகிறது. 2033-ம் ஆண்டுக்குள் 5000 முழு நேர மருத்துவர்கள் மற்றும் செவிலியர்களுக்கு மேற்கு ஆஸ்திரேலியாவில் வேலை வாய்ப்பு உள்ளது. இந்தியாவிலிருந்து திறமையான மருத்துவர்கள், செவிலியர்கள் உள்ளிட்ட மருத்துவப் பணியாளர்களைத் தேர்ந்தெடுக்க ஆர்வமாக உள்ளோம். ஆஸ்திரேலியாவின் உடல்நலம் மற்றும் மனநலத்துறையின் அமைச்சர் ஆம்பர் -ஜேட் சாண்டெர்சன் ஆஸ்திரேலியா: `நாடாளுமன்றத்தில் பாலியல் வன்முறைக்கு ஆளானேன்!' - கண்கலங்க, குற்றம்சாட்டிய பெண் எம்.பி குறைந்தது ஓராண்டு அனுபவம் பெற்றவர்களுக்கு முன்னுரிமை வழங்கப்படும். சிறப்பாகப் பணியாற்றுபவர்களுக்கு 5,40,000 ரூபாய் வரை ஊக்கத்தொகை (Incentives) கிடைக்கவும் வாய்ப்புள்ளது. மேற்கு ஆஸ்திரேலியாவிலுள்ள மருத்துவப் பல்கலைக்கழகங்கள் மற்றும் ஆராய்ச்சி நிறுவனங்களில் படிக்க விரும்பும் மாணவர்களும் விண்ணப்பிக்கலாம். மருத்துவத் துறையில் முதலீடு செய்ய விரும்புபவர்கள், மருந்து நிறுவனங்களும் வரவேற்கப்படுகின்றனர். இரு நாட்டு உறவை வலுவாக்குவதன் வர்த்தகம், முதலீடுகளில் இருநாடுகளும் வளர்ச்சி அடையலாம் என்றார்.

விகடன் 29 Feb 2024 4:53 pm

``மருத்துவமனை கட்டணங்களை முறைப்படுத்துங்கள்...மத்திய அரசை எச்சரித்த உச்சநீதிமன்றம்!

நாடு முழுவதும் உள்ள மருத்துவமனைகளின் கட்டணங்களை முறைப்படுத்த உடனடியாக நடவடிக்கை எடுக்குமாறு மத்திய அரசுக்கு உச்சநீதிமன்றம் அறிவுறுத்தியுள்ளது. முன்னாள் ராணுவ வீரர்கள் இணைந்து நடத்தும் தன்னார்வத் தொண்டு நிறுவனம் தொடுத்த பொதுநல வழக்கை விசாரித்த உச்சநீதிமன்றம் இந்தக் கருத்தைத் தெரிவித்துள்ளது. மருத்துவமனை Deepfake videos: ``48 மணி நேரத்தில் நீரிழிவை குணப்படுத்தலாம் வைரலான மருத்துவரின் வீடியோ! தொடுக்கப்பட்ட வழக்கில், ஒரு கண்ணில் புரை அறுவை சிகிச்சை செய்வதற்கு அரசு மருத்துவமனையில் 10,000 ரூபாய் செலவாகிறது. ஆனால், தனியார் மருத்துவமனைகளில் 30,000 முதல் 1,40,000 ரூபாய் வரை கட்டணம் வசூலிக்கப்படுகிறது. எனவே, மருத்துவமனை ஒழுங்குமுறை சட்டம் 2012-ன் கீழ் கட்டணங்களை முறைப்படுத்த வேண்டும் என்றும் தெரிவிக்கப்பட்டிருந்தது. இந்தச் சட்டத்தின்படி, மருத்துவமனையில் வழங்கப்படும் ஒவ்வொரு சிகிச்சைக்கான கட்டணங்களை அந்தந்த வட்டார மொழிகள் மற்றும் ஆங்கிலத்தில் மருத்துவமனையில் அனைவரும் பார்க்கும் வகையில் காட்சிப்படுத்த வேண்டும். அரசு மருத்துவமனை இவர்கள் விஷயத்தில் மட்டும் ஏன் `திராவிட மாடல்', `பாரத மாடல்' எல்லாம் பல் இளிக்கின்றன..? மேலும் மாநில அரசுகளுடன் கலந்து ஆலோசித்து மத்திய அரசு நிர்ணயித்துள்ள வரம்புக்குள் கட்டணம் வசூலிக்கப்பட வேண்டும். வழக்கை நீதிபதிகள் பி.ஆர் கவாய் மற்றும் சந்தீப் மேத்தா ஆகியோர் அடங்கிய அமர்வு விசாரித்தது. மார்ச் மாதத்துக்குள் மருத்துவனைகளின் கட்டணத்தை நிலைப்படுத்தி அமல்படுத்துவதை மத்திய அரசு உறுதி செய்ய வேண்டும். இந்தப் பிரச்னைக்குத் தீர்வு காண மத்திய அரசு தவறினால், மனுதாரர் கோரியபடி மத்திய அரசின் சுகாதாரத் திட்டத்தை (CGHS) அமல்படுத்துவது பற்றி பரிசீலிக்கப்படும் என்று தெரிவித்துள்ளனர். கோவிட்-19 பெருந்தொற்றின்போது நாடு முழுவதும் முறைப்படுத்தப்பட்ட கட்டணம் நடைமுறைப்படுத்தப்பட்டது. உச்சநீதிமன்றம் கருத்து அடுத்தடுத்து உயரும் கட்டணங்கள்... ஏப்ரல் முதல் குடிநீர், கழிவுநீர் கட்டணம் உயர்வு! மனுதாரர் தனது மனுவில், கட்டணங்களை முறைப்படுத்த மாநில அரசுகள் ஒத்துழைக்காதபட்சத்தில், மத்திய அரசு தனது அதிகாரத்தைப் பயன்படுத்தி பொதுமக்களுக்கு கட்டணங்கள் குறித்த விவரங்களைத் தெரிவிக்க வேண்டும் என்று கோரிக்கை விடுத்துள்ளது குறிப்பிடத்தக்கது. - நவலட்சுமி அண்ணாதுரை

விகடன் 29 Feb 2024 4:44 pm

Deepfake videos: ``48 மணி நேரத்தில் நீரிழிவை குணப்படுத்தலாம்வைரலான மருத்துவரின் வீடியோ!

`48 மணி நேரத்திற்குள் நீரிழிவு நோயைக் குணப்படுத்தக்கூடிய மருந்து உள்ளது' என்று மூத்த நீரிழிவு மருத்துவர் வி மோகன் உத்தரவாதம் அளிக்கும் வீடியோ ஒன்று வைரலாகி பலரின் கண்டனங்களைப் பெற்றுள்ளது. இந்த வீடியோ செயற்கை நுண்ணறிவால் (AI) உருவாக்கப்பட்டது என மருத்துவர் குற்றம் சாட்டியிருக்கிறார்.  திருநெல்வேலி இந்திய மருத்துவ சங்கத்தின் முகநூல் பக்கத்தில் பதிவிடப்பட்டுள்ள இந்த வீடியோவில், அம்மருத்துவர் ஹிந்தியில் பேசுகிறார். அந்த மருந்து விளம்பரத்தில், மருத்துவர் மோகனின் உண்மையான காணொளியையும் அவரது குரலில் மாற்றப்பட்ட பதிப்பையும் இணைத்துள்ளனர். வல்லுநர்கள் ஏஐ உடன் இணைத்து இந்த வீடியோ (Deepfake videos) உருவாக்கப்பட்டு இருக்கலாம் என்று கூறியுள்ளனர். இது குறித்து மோகன் நவம்பர் 2023-ல் தமிழ்நாடு காவல்துறை சைபர் செக்யூரிட்டி பிரிவில் புகார் அளித்துள்ளார். அதனை தொடர்ந்து அதிகாரிகள் அந்த வீடியோவை நீக்கினர். ஆனால், மீண்டும் அந்த வீடியோ சோஷியல் மீடியாவில் பரவத்தொடங்கி இருக்கிறது என்கிறார் மருத்துவர்.  Doctor (Representational Image) Doctor Vikatan: சர்க்கரைநோய் கிடையாது; தினமும் இனிப்பு சாப்பிடலாமா..? உடலுக்கு நல்லதா? மருத்துவர் மோகன் இது குறித்து கூறுகையில், ``குரல் என்னைப் போலவே ஒலிக்கிறது; ஆனால், உதடு ஒத்திசைவு மோசமாக உள்ளது. இது போலியானது என்று நான் ஒரு செய்தியைப் பதிவிட்டேன். ஆனால், நான் மருத்துவம் பார்க்கும் நோயாளிகள் உட்பட எனக்குத் தெரிந்த பலர் அவர்களுக்கு மருந்தைப் பரிந்துரைக்க முடியுமா என்று என்னிடம் கேட்டனர். நீரிழிவு நோயிலிருந்து குணமடைவது சாத்தியம். ஆனால், அது மருந்துகள், உணவுமுறை மற்றும் உடற்பயிற்சி மூலம் மட்டுமே சாத்தியமாகுமே தவிர, வேறு எந்த மந்திர நிவாரணமும் சாத்தியமில்லை’’ என்று கூறியுள்ளார். இதுபோன்ற போலி வீடியோக்களின் எண்ணிக்கை அதிகரித்து வருவதாக மருத்துவ சங்கங்கள் கூறுகின்றன. சில சந்தர்ப்பங்களில், வீடியோக்களில் வருவது உண்மையான மருத்துவர்கள் இல்லை என்றும் கூறியுள்ளனர்.  ``வெள்ளை நிற கோட் அணிந்தவர்கள் பெரும்பாலும் AI-ஆல் உருவாக்கப்பட்ட பாட்கள் (Bot). `சர்க்கரை மிட்டாய் மற்றும் பெருஞ்சீரகம் கலந்த பாலுடன் கூடிய பாதாம், மூளை நோய்களை குணப்படுத்தும்'… `தாவர செல்களில் இருந்து உருவாக்கப்படும் மாயாஜால மாத்திரைகள் எடை இழப்பைத் தூண்டும்'… போன்ற போலி வீடியோக்கள் வலம் வருகின்றன. அச்சுறுத்தும் AI (Deepfake videos) வெளிநாட்டில் உறவினர்; AI குரல் மோசடியில் ரூ1.4 லட்சம் ஏமாந்த பெண்... உஷார் மக்களே! இந்தப் போலி வீடியோக்களை உருவாக்குவது எளிதானது. இப்போது இலவசமாக ஸ்மார்ட்போன் ஆப்களில் கூட அவற்றை எளிதாக உருவாக்குவதற்கான கருவிகள் உள்ளன. ஆனால், இதுபோன்ற போலிச் செய்திகள் ஆபத்தை விளைவிக்கும். சம்பவம் குறித்து உடனடியாக கடும் நடவடிக்கை எடுக்கும்படி நாங்கள் அரசுக்குக் கடிதம் எழுதுவோம். இது குறித்து மருத்துவர்கள் மற்றும் நோயாளிகளுக்கு விழிப்புணர்வை ஏற்படுத்த வேண்டிய நேரம் இது என்று நாங்கள் உணர்கிறோம்’’ என்று ஐஎம்ஏ தமிழ்நாட்டின் தலைவர் டாக்டர் கே எம் அப்துல் ஹசன் கூறியுள்ளார்.

விகடன் 29 Feb 2024 3:24 pm

Doctor Vikatan: சர்க்கரைநோய் கிடையாது; தினமும் இனிப்பு சாப்பிடலாமா..? உடலுக்கு நல்லதா?

Doctor Vikatan: எனக்கு தினமும் ஏதேனும் ஸ்வீட் சாப்பிடும் வழக்கம் உண்டு. சர்க்கரைநோய்  இல்லை. தினமும் ஏதேனும் ஒரு வேளை உணவுடன் இனிப்பு சாப்பிட்டால்தான் உணவு உண்ட முழுமையான உணர்வே கிடைக்கிறது. இதைத் தவிர்க்க முடியவில்லை. என்ன செய்வது? பதில் சொல்கிறார் கோயம்புத்தூரைச் சேர்ந்த டயட்டீஷியன் கற்பகம்   டயட்டீஷியன் கற்பகம் Doctor Vikatan: பீரியட்ஸுக்கு  முன்பே உடலை அதற்குத் தயார்படுத்துவது சாத்தியமா? ஒருவருக்கு அடிக்கடி இனிப்பு சாப்பிட வேண்டும் எனத் தோன்ற பல காரணங்கள் இருக்கலாம். அவற்றில் சில உடல்ரீதியான காரணங்களாகவும், சில மனரீதியான காரணங்களாகவும் இருக்கலாம். பெரும்பாலும் இனிப்புத்தேடல் என்பது ரத்தத்தில் குளுக்கோஸ் சமநிலையின்மையின் அறிகுறியாகவே வெளிப்படும். ரத்தத்தில் சர்க்கரை அளவு குறையும்போது, ஏதேனும் இனிப்பாகச் சாப்பிட வேண்டும் போலத் தோன்றும். அடுத்து இந்த விஷயத்தில் உங்கள் தூக்கமும் கவனிக்கப்பட வேண்டும். நீங்கள் என்ன சாப்பிடுகிறீர்கள், எத்தனை மணி நேரம் தூங்குகிறீர்கள் என்பதையும் கவனிக்க வேண்டும். தூக்கம் Doctor Vikatan: மாட்டிறைச்சியில் சத்துகள் அதிகம் என்பது உண்மையா... அடிக்கடி சாப்பிடலாமா? ஒரு மனிதருக்கு தினமும் 8 மணி நேரத் தூக்கம் முக்கியம். அந்தத் தூக்கம் கிடைக்காதபோது, காலையில் எழுந்ததும் எதையாவது சாப்பிட வேண்டும் என்று தோன்றும். அந்த உணவுத்தேடல், சிலருக்கு இனிப்பு சாப்பிட வேண்டும் போலவும், சிலருக்கு உப்பான உணவுகள் சாப்பிட வேண்டும் போலவும், வேறு சிலருக்கு கார்போஹைட்ரேட் உணவுகள் சாப்பிட வேண்டும் போலவும் தோன்றலாம். பெண்களுக்கு மாதவிடாய்க்கு முன்பு, உடலில் நிகழும் ஹார்மோன் மாற்றங்களின் விளைவாக இனிப்புத் தேடல் இருப்பது இயல்பு. தினமும் மதிய உணவுக்குப் பிறகு இனிப்பு சாப்பிடுவது, இரவு உணவுக்குப் பிறகு இனிப்பு சாப்பிடுவது என பலகாலமாக நீங்கள் பின்பற்றும் பழக்கம், உங்கள் நினைவில் பதிந்து, அதை  தினமும் செய்யவைத்துவிடும் என்று ஆய்வுகள் சொல்கின்றன.  மாதவிடாய் Doctor Vikatan: சர்க்கரை நோயாளிகள் பேரீச்சம்பழம் (Dates) சாப்பிடலாமா? இனிப்பு உணவுகளின் மீதான அடிக்ஷன் காரணமாகவும் இப்படி தினமும் ஸ்வீட் சாப்பிடும் பழக்கம் தொடரலாம். அதேபோல, மக்னீசியம் குறைபாடு காரணமாகவும்  இனிப்புத் தேடல் ஏற்படலாம்.  உடலுக்கு ஏதோ சத்து தேவைப்படுகிறது, ஆனால் அது குறைவாக இருக்கிறது என்ற நிலையில், அது இப்படி இனிப்புத் தேடலாக வெளிப்படும். இந்தப் பழக்கத்தை எளிதாகச் சமாளிக்கலாம். நீங்கள் தினமும் சாப்பிடும் உணவில் கார்போஹைட்ரேட், புரோட்டீன் இருக்க வேண்டும். புரோட்டீன் என்பது பால், முட்டை, நட்ஸ், சீட்ஸ், பருப்பு வகைகள், முளைகட்டிய பயறுகள், அசைவ உணவுகள் என பல வழிகளில் நமக்குக் கிடைக்கும். புரோட்டீன் அதிகமுள்ள உணவுகளைச் சாப்பிடும்போது நமக்கு வயிறு நிறைந்த உணர்வு ஏற்படும். அதனால் உணவுத் தேடல் இருக்காது. புரோட்டீன் அவள் பதில்கள் 71: 700 மில்லி ஜூஸ்... அடிக்கடி குடிப்பது ஆரோக்கியமானதா? தினமும் 2 முதல் 3 லிட்டர் தண்ணீர் குடிக்கிறீர்களா என்பதும் முக்கியம். உடலில் நீர்ச்சத்து குறையும்போதும்  இனிப்பான உணவுகளைச் சாப்பிடும் உணர்வோ, உப்பான உணவுகளின் மீது ஈர்ப்போ ஏற்படலாம். நட்ஸ், சீட்ஸ், வாழைப்பழம் போன்றவற்றில் மக்னீசியம் உள்ளதால், அதுவும் இந்த வகை இனிப்புத் தேடலைத் தடுக்கும். தினமும் இனிப்பு சாப்பிடுவது என்பது உங்கள் கலோரி அளவுகளை அதிகரித்து, உடல் பருமனுக்கு வழி வகுக்கும். பல் சொத்தைக்கும் காரணமாகும். உடல் பருமன் அதிகரித்தால் நீரிழிவு உள்ளிட்ட பல பிரச்னைகளும் வரும் என்பதால் இந்தப் பழக்கத்தைக் கட்டுப்படுத்துவதுதான் சரியானது. அதையும் மீறி கட்டுப்படுத்த முடியாத பட்சத்தில் மருத்துவ உதவியை நாடுங்கள். உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 29 Feb 2024 9:00 am

Sexual Health: `டார்லிங் டார்லிங் டார்லிங்'படத்துல வர்ற அந்த சீன்... - காமத்துக்கு மரியாதை 147

மனமும் உடலும் நிறைந்து காமத்தை அனுபவிக்கிற வயது வாழ்வின் மத்தியில்தான் என்கிறார்கள் பாலியல் நிபுணர்கள். யதார்த்தமாக யோசித்தாலும் நடுத்தர வயதில்தான், தாம்பத்திய உறவில் சம பகிர்தல், 'என்ன நினைச்சுப்பாளோ / நினைச்சுப்பாரோ' என்ற பயமற்ற ஈடுபாடு, அனுபவம் என்று பல ப்ளஸ் இருக்கும். ஆனால், நம் நாட்டில் நிலைமையே வேறு மாதிரிதான் இருக்கிறது. 'பிள்ளைங்க எல்லாம் வளர்ந்துட்டாங்க. இனிமே இதையெல்லாம் கொஞ்சம் அடக்கி வாசிக்கணும் அல்லது தவிர்த்துடணும்' என்று முடிவெடுத்து விடுகிறார்கள் பலர். பிள்ளைகளுக்குத் திருமணமாகியிருந்தாலோ 'பேரன், பேத்தி எடுக்கிற வயசுல இதென்ன கருமம்' என்று அருவருப்பு காட்டுகிறார்கள் சிலர். இதில் இன்னொரு வகையும் இருக்கிறது. 'இந்த ஆளு சின்ன வயசுல தினமும் தண்ணியடிச்சிட்டு வந்து என்னை அடிப்பான். எனக்கு விருப்பமில்லைன்னாலும் விட மாட்டான். இப்பதான் நான் நிம்மதியா இருக்கேன்' என்பதுதான் அது. இள வயதில் மனைவியை அவமரியாதையாக நடத்துகிற கணவர்களுக்கு, மத்திம வயதிலும் இறுதியிலும் மனைவியின் பராமரிப்பு வேண்டுமானால் கிடைக்கலாம். நட்பும் காமமும் அவ்வளவாக கிடைப்பதில்லை. விதிவிலக்குகள் இருக்கலாம். Sex education Sexual Health: தாம்பத்தியம் போரடிக்குதா..? இதை டிரை பண்ணுங்க... | காமத்துக்கு மரியாதை 146 திருமணமான புதிதில், பல காலம் அடக்கிவைத்த உணர்வை வெளிப்படுத்துகிற வேகத்துடன் இருக்கிற காமம், கருத்தரிப்பு, குழந்தை என்னும் அடுத்தகட்டத்தில் கொஞ்சம் அடக்கி வாசிக்கும். குழந்தைகள் வளர ஆரம்பிக்கையில், 'ஒரு வாரம், இல்ல பத்து நாளைக்கு முன்னாடி சேர்ந்திருந்தோமா' என்று ஞாபகப்படுத்திக் கொள்கிற அளவில்தான் பெரும்பாலும் தாம்பத்திய உறவுக்கு முக்கியத்துவம் கொடுக்கப்படுகிறது. நடுத்தர வயதிலிருந்துதான், காமத்தை நிதானமாக அனுபவிக்க முடியும். ஆனால், இன்றைக்கு நாற்பதுகளின் இறுதியிலும், ஐம்பதுகளிலும் இருக்கிற தம்பதிகளிடையேயான செக்ஸ் வாழ்க்கை பெரும்பாலும், காமத்தை நிதானமாக அனுபவிப்பதாக இல்லை. மனநல மருத்துவர் அசோகன் பேசுகையில், ''இளவயசுல கணவனும் மனைவியும் டூ வீலர்ல போறப்போ பார்த்தீங்கன்னா, அவங்களுக்கு நடுவுல இடைவெளியே இருக்காது. சில வருடங்கள்ல குழந்தைகள் நடுவுல உட்கார்ந்து சின்ன இடைவெளியை ஏற்படுத்தினாலும் கணவரோட தோள் மேல மனைவியோட கை இருக்கும். நடுத்தர வயசுல இருக்கிற கணவன் - மனைவி டூ வீலர்ல போறப்போ கவனிச்சா, நடுவுல ஒருத்தர் உட்காரலாம்கிற அளவுக்கு இடைவெளி இருக்கும். அப்படியே நெருங்கி உட்கார்ந்திருந்தாலும், வீட்டு சம்பந்தமான ஏதோவொரு விவாதம் ஓடிட்டு இருக்கும். பிள்ளைகளோட மேற்படிப்பு, கல்யாணம்னு எத்தனையோ பிரச்னைகள் மனசுக்குள்ள ஓடிட்டிருந்தாலும், மனசுக்குப் பிடிச்ச பாட்டு காதுல விழறப்போ அதை ரசிக்கிறோம்தானே... அதே மாதிரிதான் தாம்பத்திய உறவும். வாய்ப்பு கிடைக்கிறப்போ பார்த்துக்கலாம்னு இல்லாம, வாய்ப்பை ஏற்படுத்தி உறவு வெச்சுக்கணும். Family Sex & Health: படுக்கையறையின் பவர்ஃபுல் டெக்னிக்... ஃபாலோ பண்ணுங்க..! - காமத்துக்கு மரியாதை - 145 நடுத்தர வயசு காமம் பத்தி பேசுறப்போ, 'டார்லிங் டார்லிங் டார்லிங்' படத்துல வர்ற ஒரு சீனும், 'வரவு நல்ல உறவு' படத்துல வர்ற ஒரு சீனும் எனக்கு நினைவுக்கு வருது. 'டார்லிங் டார்லிங் டார்லிங்' படத்துல சுமனோட அப்பா கேரக்டர், 'எங்க ரூம்ல ஒருநாளும் லைட் எரிஞ்சதில்லை. நானும் உங்க அம்மாவும் அந்தளவுக்கு செக்ஸ்க்கு மரியாதை கொடுக்கிறோம்' என்பார். 'வரவு நல்ல உறவு'ல விசு கேரக்டர் தன்னோட மனைவி கேரக்டர்கிட்ட, 'நமக்குன்னு தனியா ஒரு ரூம் இருக்கணும்' என்பார். அந்தப் படங்கள்ல ஆண் கேரக்டர்கள் பேசினாலும் நிஜத்துல இந்த உணர்வு கணவன், மனைவி ரெண்டு பேருக்குமே இருக்கணும். ரெண்டு பேருமே எமோஷனலா அட்டாச் ஆகியிருக்கணும். அப்படியிருந்தா, சாதாரணமா பேசுறப்போவே உடம்புக்குள்ள குறுகுறுன்னு ஏதோ பொங்கும். பல வருஷங்களுக்கு முன்னாடி நிகழ்ந்த இரவுகளெல்லாம் நினைவுக்கு வரும். Dr. Asokan தாம்பத்திய உறவில் foreplay மட்டும் போதுமா..? - காமத்துக்கு மரியாதை - 144 வளர்ந்த பிள்ளைகளுக்கு பெற்றோர் ஆகிட்டதாலேயே வீட்டுக்குள்ள பாடக்கூடாது, ஒருத்தருக்கு ஒருத்தர் சாப்பாடு பரிமாறிக்கக்கூடாது, அப்படி பரிமாறுறப்போ சாப்பிடுற கணவன் / மனைவி தோள் மேல கை வைக்கக்கூடாது அப்படின்னு எந்தக் கட்டுப்பாடும் கிடையாது. சின்ன வயசுல அரை வேக்காடு உணவும் பிடிக்கும்; ஜீரணிக்கும். அதுவே நடுத்தர வயசுல நீரிழிவு, ரத்த அழுத்தத்துக்கு ஏத்தபடி பக்குவமா சமைச்சுதானே சாப்பிடணும். அந்த மாதிரிதான் மத்திம வயது தாம்பத்திய உறவும். வேகம் குறைச்சலா இருக்கும். உறுப்பு வறட்சியா இருக்கும். ஆனா, அன்பு அதிகமா இருந்தா இதெல்லாம் ஒரு பிரச்னையே இல்லை. தோணும்போதெல்லாம் உங்க பெட்ரூம் லைட்ஸ் அணைக்கப்படட்டும்'' என்கிறார் டாக்டர் அசோகன்.

விகடன் 28 Feb 2024 6:00 pm

Doctor Vikatan: பீரியட்ஸுக்கு  முன்பே உடலை அதற்குத் தயார்படுத்துவது சாத்தியமா?

Doctor Vikatan: பீரியட்ஸுக்கு சில நாள்கள் முன்பிருந்தே மனநிலையிலும் உடல்நிலையிலும் நிறைய மாற்றங்களை உணர்கிறோம். சில நாள்கள் மிகுந்த உற்சாகமாக உணர்கிறோம். இன்னும் சில நாள்களில் அதீத எரிச்சலாக உணர்கிறோம்.  பீரியட்ஸ் சுழற்சிக்கும் இதற்கும் ஏதேனும் தொடர்பு உண்டா.... பீரியட்ஸ் நாள்களை சிரமமின்றி எதிர்கொள்ள, முன்கூட்டியே உடலைத் தயார்படுத்துவது என்பது சாத்தியமா? பதில் சொல்கிறார் சென்னையைச் சேர்ந்த மகளிர் மற்றும் மகப்பேறு மருத்துவர் நித்யா ராமச்சந்திரன். நித்யா ராமச்சந்திரன் Doctor Vikatan: மாட்டிறைச்சியில் சத்துகள் அதிகம் என்பது உண்மையா... அடிக்கடி சாப்பிடலாமா? உங்களுக்கு 28 நாள்களுக்கொரு முறை மாதவிடாய் வருகிறது என வைத்துக்கொள்வோம். அதை 4 நிலைகளாகப் பிரிக்கலாம்.  அதன்படி 1 முதல் 7 நாள்கள்வரை  'மென்ஸ்டுரல் ஃபேஸ்', 8 முதல் 13 நாள்கள் வரை 'ஃபாலிக்குலர் ஃபேஸ்', அடுத்த 14-21  நாள்கள்வரை  'ஓவுலேட்டரி ஃபேஸ்' ம், அதற்கடுத்த நாள்களை, 22 முதல் 28 நாள்கள்வரை 'லூட்டியல் ஃபேஸ்' என்றும் சொல்கிறோம். மாதத்தின் எல்லா நாள்களிலும் ஒரே மாதிரி உணவுகளைச் சாப்பிடுவது, ஒரே மாதிரியான உடற்பயிற்சிகளைச் செய்வது என்றிருக்காமல், மேற்குறிப்பிட்ட இந்த நான்கு நிலைகளுக்கேற்ப உணவுப்பழக்கத்தையும் உடற்பயிற்சிகளையும் மாற்றிக் கொண்டால், பீரியட்ஸ் சுழற்சியில் ஹார்மோன்களின் ஏற்ற, இறக்கங்களால் உடல், மனநலனில் ஏற்படும் அசௌகர்யங்களை ஓரளவு சமாளிக்கலாம். வாக்கிங் Doctor Vikatan: சர்க்கரை நோயாளிகள் பேரீச்சம்பழம் (Dates) சாப்பிடலாமா? அதன்படி,  1 முதல் 7 நாள்கள் வரை, பீரியட்ஸின் போதான ரத்தப் போக்கு காரணமாக உடலும், மனமும் அமைதியற்று, பலவீனமாக இருக்கும். இந்த நாள்களில் வெதுவெதுப்பான சூப், காய்கறி ஸ்டியூ, இரும்புச்சத்து அதிகமான கீரைகள் போன்றவற்றை அதிகம் சாப்பிடலாம். உடலை வருத்திச் செய்கிற உடற்பயிற்சிகளைத் தவிர்த்து வாக்கிங் போன்ற மிதமான பயிற்சிகளைச் செய்யலாம். 8 முதல் 13 நாள்கள் வரையிலான ஃபாலிக்குலர் ஃபேஸ் நடக்கும்போது, ஹார்மோன் அளவுகள் மெள்ள மெள்ள ஏறத் தொடங்கும்.  அதனால் உங்கள் எனர்ஜி லெவலும் அதிகரிக்கும். உற்சாகமாக உணர்வீர்கள். இந்த நாள்களில் காய்கறிகள், பழங்கள், மீன், முட்டை, சர்க்கரைவள்ளிக் கிழங்கு போன்றவற்றைச் சாப்பிடலாம். கடினமான உடற்பயிற்சிகள், நடனம் போன்றவற்றைச் செய்யலாம். உடற்பயிற்சி ரத்தச் சரித்திரம் - 6 - பீரியட்ஸ் ‘ஆன் தி வே...’ - அலெர்ட் செய்யும் அறிகுறிகள்! 14 முதல் 22 நாள்கள் வரையிலான ஓவுலேட்டரி ஃபேஸ் நடக்கும்போது, முட்டை விடுவிக்கப்படும் அண்டவிடுப்பு நிகழும். அது சினைக்குழாய் வழியே பயணம் செய்து, உயிரணுவைச் சந்தித்தால் கருத்தரிக்கும். ஈஸ்ட்ரோஜென் அளவு அதிகமாகும். கற்பனை சக்தியும் அதிகரிக்கும். இந்த நாள்களில் மக்னீசியம் அதிகமுள்ள டார்க் சாக்லேட், கீரை, முட்டை, காலிஃப்ளவர், புரொக்கோலி போன்றவற்றை அதிகம் சாப்பிடலாம். கடினமான பயிற்சிகளைக்கூட செய்ய உடல் தயாராக இருக்கும். 23 முதல் 28 நாள்கள் வரையிலா லூட்டியல் ஃபேஸ் எனப்படும் நிலையில், புரொஜெஸ்ட்ரான் ஹார்மோன் அளவு அதிகரிக்கும்.  எனர்ஜி குறையும். வெளியே செல்ல விருப்பமின்றி, வீட்டிலேயே இருக்கத் தோன்றும். இந்த நாள்களில், ஸ்ட்ராபெர்ரி, உருளைக்கிழங்கு, சர்க்கரைவள்ளிக் கிழங்கு போன்றவற்றைச் சாப்பிடலாம். ஏரோபிக்ஸ் பயிற்சிகளைச் செய்யலாம். உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 28 Feb 2024 9:00 am

``Zinc பாடி பில்டிங்கிற்கு உதவும்மனநோயால் 39 நாணயங்கள், 37 காந்தங்களை விழுங்கிய நபர்!

டெல்லியில் உள்ள சர் கங்கா ராம் மருத்துவமனைக்கு 26 வயதுடைய நபர் ஒருவர் வந்திருக்கிறார். இவர் 20 நாள்களுக்கும் மேலாகத் தீராத வயிற்று வலி மற்றும் வாந்தியால் அவதிப்பட்டுள்ளார். அவரால் எதையும் உண்ணவும் இயலவில்லை. இவரை மூத்த மருத்துவர் தருண் மிட்டல் பரிசோதனை செய்தார்.  Stomach pain (Representational Image) மது அருந்தினால் குளிர் விலகுமா? மருத்துவ விளக்கம்..! அந்நபரின் உறவினர்கள் கடந்த சில வாரங்களாக அவர் நாணயங்கள் மற்றும் காந்தங்களைச் சாப்பிட்டதையும், மனநோயால் பாதிக்கப்பட்டு அதற்காக சிகிச்சையில் இருப்பதையும் கூறியுள்ளனர். அவர்கள் வைத்திருந்த எக்ஸ்ரேவில் அவரது வயிற்றில் நாணயங்கள் மற்றும் காந்தங்கள் இருப்பது தெரிந்தது. உட்கொள்ளப்பட்ட காந்தங்கள் மற்றும் நாணயங்கள் குடலில் அடைப்பை ஏற்படுத்தி இருப்பது சிடி ஸ்கேனில் தெரிந்தது. உடனடியாக அவருக்கு அறுவை சிகிச்சை செய்யப்பட்டது. அறுவை சிகிச்சையில் சிறுகுடலின் இரண்டு வெவ்வேறு இடங்களில் (Loop) நாணயங்கள் மற்றும் காந்தங்கள் இருந்தன. காந்தத்தின் ஈர்ப்பு தன்மை காரணமாக இரண்டு குடல்களும் ஒன்றோடு ஒன்று ஒட்டி அரித்து இருந்தன. வெற்றிகரமாக குடலில் இருந்த அனைத்து நாணயங்களும் காந்தங்களும் நீக்கப்பட்டு, குடல்கள் இணைக்கப்பட்டன. surgery (Representational Image) முடி உண்ணும் பழக்கம்: வயிற்றில் 3 கிலோ முடி... அறுவை சிகிச்சைக்குத் தள்ளப்பட்ட சிறுமி! மருத்துவர்கள் அவரது வயிற்றில் இருந்து 1, 2, 5 ரூபாய் காசு என மொத்தம் 39 நாணயங்களையும், இதயம், நட்சத்திரம், புல்லட் மற்றும் முக்கோண வடிவிலான 37 காந்தங்களையும் நீக்கியதாகக் கூறியுள்ளனர். ஆரோக்கியமான நிலையில் ஏழு நாள்களுக்கு பிறகு அவர் டிஸ்சார்ஜ் செய்யப்பட்டார்.  இது குறித்து அந்த நபர் கூறுகையில், ``உடலைக் கட்டமைக்க ஜிங்க் உதவுகிறது என்று கருதியதால் நாணயங்களையும் காந்தங்களையும் உட்கொண்டேன். நாணயங்களில் ஜிங்க் உள்ளது. காந்தங்கள் நாணயங்களை குடலிலேயே தங்க வைப்பதால், உடலில் ஜிங்க் உறிஞ்சப்படுவதற்கு வசதியாக இருக்கும் என்று நம்பினேன்’’ என்று கூறியுள்ளார்.   Zinc சாப்பிட்டால் பாடி பில்டிங்கிற்கு உதவும் என இளைஞர் செய்த காரியம் பலரையும் திடுக்கிட வைத்துள்ளது.

விகடன் 27 Feb 2024 6:23 pm

Bilkis Bano: பரோலில் வெளிவரும் குற்றவாளிகள்....`இதுதான் இந்திய ரேப் கல்ச்சர்' - சின்மயி கண்டனம்!

பில்கிஸ் பானு வழக்கில் விடுதலை செய்யபட்ட 11 குற்றவாளிகள் சமீபத்தில், உச்ச நீதிமன்றத்தின் உத்தரவின் பேரில் மீண்டும் சிறைக்குள் தள்ளப்பட்டனர்.  பில்கிஸ் பானு வழக்கின் குற்றவாளிகள் Doctor Vikatan: மஞ்சள் காமாலை (jaundice) அறிகுறிகளை உடனடியாகத் தெரிந்துகொள்ள முடியாதா? குஜராத் மாநிலம் பஞ்சமஹால் மாவட்டத்தில் உள்ள கோத்ரா துணைச் சிறையில் ஜனவரி 21 அன்று இவர்கள் சரணடைந்தனர். ஆனால், இது எதுவும் எங்களைக் கட்டுப்படுத்த முடியாது என அவர்கள் பரோல் கேட்டு விண்ணப்பிக்கின்றனர். அவர்களின் விருப்பத்திற்கு இணங்க குஜராத் உயர் நீதிமன்றமும் வரிசையாக பரோல் வழங்குகிறது.  குற்றவாளிகளில் ஒருவரான ரமேஷ் சந்தனா என்பவர் மார்ச் 5 அன்று நடக்கவிருக்கும் தன் சகோதரன் மகன் திருமணத்தில் பங்கேற்பதற்காக 10 நாள்கள் பரோலில் வெளிவந்துள்ளார்.  பில்கிஸ் பானு வழக்கில் கைது செய்யப்பட்ட குற்றவாளிகள் பரோலில் வெளிவருவது இது முதல் முறையல்ல. சரணடைந்த 16 நாள்களிலேயே தன் மாமனார் இறந்துவிட்டார் என்று மற்றொரு குற்றவாளி, பிப்ரவரி 5 அன்று 5 நாள்கள் பரோலில் வெளிவந்தார். பில்கிஸ் பானு வழக்கில் மீண்டும் சிறைக்குள் சென்றவர்கள் சப்பை கட்டுக் கட்டி பரோலில் வெளிவருவது பலரின் எதிர்ப்பையும் பெற்றுள்ளது.   சின்மயி பதிவு! பில்கிஸ் பானு வழக்கு: குற்றவாளிகளை மீண்டும் சிறைக்கு அனுப்பிய நீதிபதி பி.வி.நாகரத்னா... யார் இவர்?! இந்தநிலையில் பாடகி சின்மயி தனது எக்ஸ் தள பக்கத்தில்,  ``கல்யாணம்    கருமாதி    பிறந்த நாள்னு ஊர்ல இருக்க    கன்விக்ட் செய்யப்பட்ட   ரேபிஸ்ட்டுக்கு Parole ஓ parole தான், இது தான் இந்திய ரேப் கல்ச்சர்.’’ எனத் தனது எதிர்ப்பை வெளிப்படுத்தி இருக்கிறார். இவரின் பதிவு பலரின் வரவேற்பை பெற்றதோடு, வைரலாகி வருகிறது. பில்கிஸ் பானு வழக்கில் குற்றவாளிகளுக்கு குஜராத் அரசு இணக்கம் காட்டுவது குறித்து நீங்கள் என்ன நினைக்கிறீர்கள்?!

விகடன் 27 Feb 2024 4:58 pm

Cough Syrup: சுகாதாரமற்ற இருமல் சிரப், உயிரிழந்த 68 குழந்தைகள்... இந்தியர் உள்பட 23 பேருக்கு சிறை!

நொய்டாவைச் சேர்ந்த மரியான் பயோடெக் லிமிடெட் சுகாதாரமற்ற இருமல் சிரப்புகளை தயாரித்துள்ளது. இந்த நிறுவனம் தயாரிக்கும் மருந்துகளை இறக்குமதி செய்து விற்பனை செய்யும் குராமாக்ஸ் மெடிக்கலில் செயல் இயக்குநராகப் பணியாற்றியவர், இந்தியரான சிங் ராகவேந்திர பிரதாப்.  baby Doctor Vikatan: மஞ்சள் காமாலை (jaundice) அறிகுறிகளை உடனடியாகத் தெரிந்துகொள்ள முடியாதா? இந்த நிறுவனம் தயாரித்த `Dok 1 Max Syrup' உட்கொண்டதால் டிசம்பர் 2022-ல் முதன்முதலில் 18 குழந்தைகள் இறந்ததாக உஸ்பெகிஸ்தானின் சுகாதார அமைச்சகம் தெரிவித்தது. முதற்கட்ட விசாரணையில், இருமல் மருந்தில் எத்திலீன் கிளைகோல் என்ற நச்சுப்பொருள் இருப்பது தெரிந்தது. எத்திலீன் கிளைகோல் மற்றும் டைஎத்திலீன் கிளைகோல் நச்சு பொருள்களை உட்கொள்ளும் போது, வாந்தி, வலிப்பு, சுவாச அமைப்பு பாதிக்கப்படுவதோடு, கடுமையான சிறுநீரக செயலிழப்பு ஏற்படும் அபாயம் உள்ளது. இந்த நிலையில் இந்த மருந்தை உட்கொண்ட 86 குழந்தைகள் பாதிக்கப்பட்டதோடு, 68 குழந்தைகள் இறந்தனர்.   விசாரணையும் தீர்ப்பும்… உஸ்பெகிஸ்தான் நீதிமன்றத்தில் நடைபெற்ற இவ்வழக்கின் விசாரணையில், அரசு வழக்கறிஞர் சைத்கரீம் அகிலோவ், இருமல் சிரப் தயாரிப்புகளை பரிசோதிப்பதைத் தவிர்ப்பதற்காக, அதிகாரிகளுக்கு சுமார் 27 லட்சம் லஞ்சம் கொடுக்கப்பட்டதாக குற்றம் சாட்டினார். தரமற்ற, போலி மருந்துகளை விற்பனை செய்தல், போலி ஆவணங்கள் தயாரித்தல், வரி ஏய்ப்பு செய்தல் மற்றும் அதிகாரிகளுக்கு லஞ்சம் கொடுத்தல் போன்ற குற்றங்கள் விசாரணையில் நிரூபிக்கப்பட்டன. court order -Representational Image `இந்தியாவில் தயாராகும் இந்த இருமல் சிரப் ஆபத்தானது' - எச்சரிக்கும் WHO; என்ன மருந்து அது? அதனையடுத்து இந்தியரான சிங் ராகவேந்திரா பிரதாப்பிற்கு அதிகபட்ச தண்டனையாக 20 ஆண்டுகள் சிறைத்தண்டனை விதிக்கப்பட்டது. தவிர, இறக்குமதி செய்யப்பட்ட மருந்துகளுக்கு உரிமம் வழங்கும் பொறுப்பில் இருந்த முன்னாள் மூத்த அதிகாரிகளுக்கும் சிறைத் தண்டனை விதிக்கப்பட்டது.  சிரப் காரணமாக இறந்த 68 குழந்தைகள், மாற்றுத்திறனாளிகளாக மாறிய மற்ற நான்கு குழந்தைகளின் குடும்பங்களுக்கு 80,000 அமெரிக்க டாலர் (இந்திய மதிப்பில் 66,29,436 ரூபாய்) இழப்பீடு வழங்குமாறு குற்றவாளிகளில் ஏழு பேருக்கு நீதிமன்றம் உத்தரவிட்டது.  மருந்தினால் பாதிக்கப்பட்ட மற்ற எட்டு குழந்தைகளின் பெற்றோர்களுக்கு 16,000 அமெரிக்க டாலர்கள் (ரூ.13,25,887) முதல் 40,000 அமெரிக்க டாலர்கள் (ரூ.33,14,718) வரை வழங்க உத்தரவிட்டுள்ளது.

விகடன் 27 Feb 2024 2:36 pm

Doctor Vikatan: மாட்டிறைச்சியில் சத்துகள் அதிகம் என்பது உண்மையா... அடிக்கடி சாப்பிடலாமா?

Doctor Vikatan: என்னுடைய நண்பன்  வாரத்துக்கு மூன்று நாள்களுக்கு பீஃப் (மாட்டிறைச்சி) சாப்பிடுகிறான். மற்ற அசைவ உணவுகளைவிட, மாட்டிறைச்சியில் ஏராளமான சத்துகள் உள்ளன என்று, வெறும் பீஃப் மட்டுமே சாப்பிடுகிறான். இப்படிச் சாப்பிடுவது சரியானதா....? மாட்டிறைச்சியில் மற்ற அசைவ உணவுகளைவிட அதிக சத்துகள் உள்ளனவா? பதில் சொல்கிறார், சென்னையைச் சேர்ந்த, ஸ்போர்ட்ஸ் அண்ட் ப்ரிவென்ட்டிவ் ஹெல்த் டயட்டீஷியன் ஷைனி சுரேந்திரன். ஷைனி சுரேந்திரன் Doctor Vikatan: மஞ்சள் காமாலை (jaundice) அறிகுறிகளை உடனடியாகத் தெரிந்துகொள்ள முடியாதா? சீனர்கள் ஒலிம்பிக் உள்ளிட்ட விளையாட்டுப் போட்டிகளில் ஏராளமான பதக்கங்களை வெல்வதைத் தொடர்ந்து பார்க்கிறோம். அதன்  ரகசியம் என அவர்கள் குறிப்பிடுவது மாட்டிறைச்சி உணவுகள்.  குறிப்பாக, பீஃப் சூப் எடுத்துக்கொள்வார்கள்.  விளையாட்டுப் பயிற்சியின்போதுகூட நிறைய பீஃப் சூப் குடித்துக்கொண்டே இருப்பார்கள். அதில் இயற்கையான க்ரியாட்டின் ( Creatine ) இருப்பதால், தசைகளின் அடர்த்திக்குப் பெரிய அளவில் உதவுகிறது. தவிர, அந்த உணவு உடல் வலிமையைக் கூட்டி, உடலில் இரும்புச்சத்தின் அளவையும் அதிகரிக்கக்கூடியது. அப்படியானால், விளையாட்டு வீரர்களுக்குத்தான் பீஃப் உணவுகள் ஏற்றவையா என்ற கேள்வி வரலாம். விளையாட்டு போட்டி எல்லோருமே பீஃப் உணவுகள் சாப்பிடலாம். அதில் மிகச் சிறந்த புரதச்சத்து இருக்கிறது. மக்னீசியம், செலீனியம், மாங்கனீஸ், குரோமியம் போன்ற சத்துகளும் அபரிமிதமாக உள்ளன. அதனால் சருமம், நகங்கள் மற்றும் கூந்தல் ஆரோக்கியம் மேம்படும். சருமத்தின் எலாஸ்டிக் தன்மையைக் காத்து, இளமையோடு வைத்திருக்க கொலாஜென் மிகவும் அவசியம். வயதாக, ஆக இது குறையத் தொடங்கும். சிலர் அதை ஈடுகட்ட, சப்ளிமென்ட்டாக எடுத்துக்கொள்வார்கள். அதற்கு பதிலாக பீஃப் உணவுகளை எடுத்துக்கொள்வது இயற்கையாகவே உடலில் கொலாஜென் உற்பத்தியை அதிகரிக்க உதவும். காய்கறி, பழங்கள் Doctor Vikatan: கிளாஸ் ஸ்கின் (Glass skin) எனப்படும் கண்ணாடி சருமம் எல்லோருக்கும் சாத்தியமா? மூட்டுகளின் ஆரோக்கியத்துக்கும் மாட்டிறைச்சி மிகவும் நல்லது. இத்தனை நல்ல விஷயங்கள் இருந்தாலும், பீஃப் உணவுகளோடு நார்ச்சத்து மிகுந்த காய்கறிகள், பழங்கள், முளைகட்டிய தானியங்கள், சுண்டல், பாலிஷ் செய்யாத அரிசி போன்றவற்றை அதிகம் எடுத்துக்கொள்ள வேண்டும்.  அதைத் தவிர்த்து உங்கள் நண்பரைப் போல வெறும் பீஃப் உணவுகள் மட்டுமே சாப்பிட்டால்,  பெருங்குடல் புற்றுநோய் (Colon cancer)  தாக்கும் அபாயம் மிக அதிகம் என்பதை கவனத்தில் கொள்ளவும். உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 27 Feb 2024 9:00 am

Tinder: ஒரு நாளைக்கு 500 புரொஃபைல்களை ஸ்வைப் செய்த நபர்... கடைசியில் என்ன ஆனார் தெரியுமா..?

ஆன்லைன் டேட்டிங் தளமான `Tinder’-க்கு அடிமையாகி, சிகிச்சை பெருமளவுக்கு ஒருவர் சென்ற சம்பவம் பலரையும் திடுக்கிட வைத்துள்ளது. கவனத்தையும் உடல்நலத்தையும் சிதறடிக்கக்கூடிய ஆயுதம் நம் கைகளிலேயே மொபைல் போன் வடிவத்தில் இருக்கிறது. ஃபேஸ்புக், எக்ஸ், இன்ஸ்டா என மொபைலை திறந்தாலே மணிக்கணக்கில் நேரம் விழுங்கப்படுகிறது. இப்படி டேட்டிங் ஆப்பில் தனது மனநலத்தை ஒருவர் தொலைத்திருக்கிறார். டேட்டிங் Happy Teeth: வாய் துர்நாற்றம் நீங்க இந்த 3 விஷயம் பண்ணினா போதும்! I Bad Breath இன்றைய சூழலில் பிரபலமாக அறியப்படும் ஒரு டேட்டிங் ஆப் `Tinder’. இந்த ஆப் மூலமாக தெரியாத நபர்களைத் தொடர்பு கொண்டு பேசி, சந்தித்து, அவர்களுடன் பழகி உறவை வளர்த்துக் கொள்ள முடியும். தங்களுக்குப் பொருத்தமான நபர்களை அவர்களின் புரொஃபைல் பார்த்து தேர்வு செய்து கொள்ளலாம். இதற்காக இடது அல்லது வலது புறமாக ஸ்வைப் செய்தால் போதும், பலரின் புரொஃபைல் வந்தவண்ணம் இருக்கும். இன்றைய காலகட்டத்தில் மில்லியன் கணக்கானோர் இந்த ஆப்பை பயன்படுத்தி வருகின்றனர். பிரிட்டிஷை சேர்ந்த ஒருவர், இந்த ஆப்பை பயன்படுத்தி தனது புரொஃபைலை எத்தனை பெண்கள் லைக் செய்கிறார்கள் என்பதை அறிய முயன்றுள்ளார். அவருக்கு பெரும்பாலும் பெண்களைச் சந்திப்பதிலோ, தனக்கான பொருத்தமான பெண்ணை காண்பதிலோ விருப்பம் இல்லை.  தன்னுடைய புரொஃபைலுக்கு எத்தனை லைக்ஸ் வருகிறது என்பதில் மட்டும் மனம் குதூகலித்து இருக்கிறது. இதற்காக அதிக புரொஃபைல்களை ஸ்வைப் செய்ய ஆரம்பித்து இருக்கிறார். ஒரே நேரத்தில் 10 பெண்களோடு பேசுவார், அவர்கள் அழைப்புக்காக காத்திருக்க ஆரம்பித்தார்.  யாரையாவது வெளியே அழைத்து அவர்களுடன் இணக்கமாகி உறவில் இருந்தாலும் அது அவருக்கு பிடிக்கவில்லை. மீண்டும் ஆப்பிற்கு சென்று புரொஃபைல்களை ஸ்வைப் செய்ய ஆரம்பித்துள்ளார். ஒருநாளைக்கு 500 புரொஃபைல்களை ஸ்வைப் செய்யும் அளவிற்கு அடிமையாகி உள்ளார். stress `திருமணம் தாண்டிய உறவுகளுக்கான ஆப்'... பயனாளர்களில் 2 மில்லியன் பேர் இந்தியர்கள்! அதனை தொடர்ந்து டிப்ரெஷன் மற்றும் பார்டர்லைன் பெர்சனாலிட்டி டிஸ் ஆர்டர் (Depression and Borderline personality disorder) என்ற மனநல பிரச்னையால் பாதிக்கப்பட்டிருக்கிறார். இதற்காக சிகிச்சை எடுத்துக் கொண்டவர், டேட்டிங் ஆப்பை பயன்படுத்துவதை தற்போது முற்றிலும் நிறுத்தியுள்ளார்.  இது குறித்து அந்த நபர் கூறுகையில், ``நான் எல்லோருடைய புரொஃபைலையும் வலதுபுறமாக ஸ்வைப் செய்து, விளையாட்டில் முழுமையாக மூழ்கியதால், என் சுய உணர்வை இழந்தேன். ஒரு பெண் எனது மெசேஜுக்கு பதிலளிக்கவில்லை என்றால், அது என்னை மிகவும் பாதித்தது. இது போன்ற ஆப்கள் எனது முழு மனநிலையையும் பர்சனாலிட்டியையும் பாதித்தது’’ என்று கூறியுள்ளார்.   உங்கள் நேரத்தை அதிகம் திருடும் ஆப் எதுவென்று நீங்கள் நினைக்கிறீர்கள், கமென்டில் சொல்லுங்கள்!

விகடன் 26 Feb 2024 4:38 pm

Doctor Vikatan: சர்க்கரை நோயாளிகள் பேரீச்சம்பழம் (Dates) சாப்பிடலாமா?

Doctor Vikatan: சர்க்கரை நோயாளிகள் பேரீச்சம்பழம் சாப்பிடலாமா... உலர் திராட்சை, அத்திப்பழம் சாப்பிடலாமா? பதில் சொல்கிறார் பெங்களூரைச் சேர்ந்த கிளினிகல் டயட்டீஷியன் மற்றும் வெல்னெஸ்  நியூட்ரிஷனிஸ்ட் ஸ்ரீமதி வெங்கட்ராமன் ஸ்ரீமதி வெங்கட்ராமன் Doctor Vikatan: மஞ்சள் காமாலை (jaundice) அறிகுறிகளை உடனடியாகத் தெரிந்துகொள்ள முடியாதா? எந்த உணவையும் சாப்பிட்ட பிறகு  ரத்தச் சர்க்கரை அளவு  எவ்வளவு அதிகரிக்கிறது என்பதைக் குறிப்பது 'கிளைசெமிக் இண்டெக்ஸ்' (Glycemic Index ). இந்த கிளைசெமிக் இண்டெக்ஸானது, டிரை ஃப்ரூட்ஸில் சிறப்பாக இருப்பதாக பல ஆய்வுகள் சொல்கின்றன. உலர் பழங்களில், குறிப்பாக பேரீச்சம் பழத்தில் மக்னீசியம், பொட்டாசியம், இரும்புச் சத்துகள் இருப்பதால் இவை ஆரோக்கியமானவைதான். பேரீச்சம் பழத்தில் கிளைசெமிக் இண்டெக்ஸ் குறைவுதான். ஹெச்பிஏ1சி (HbA1c) எனப்படும் மூன்று மாத சராசரி ரத்தச் சர்க்கரை அளவானது கட்டுப்பாட்டில் இருப்பவர்கள் பேரீச்சம் பழம் எடுத்துக்கொள்ளலாம். ஆனால், எத்தனை எடுத்துக்கொள்கிறோம் என்பது மிக மிக முக்கியம். Dry Fruits Doctor Vikatan: அடிக்கடி சளி, மூச்சு விடுவதில் சிரமம், அலுவலகத்தில் அசௌகர்யம்... தீர்வு உண்டா? பழ ஜூஸ் அல்லது பிரெட் சாப்பிடுவதைவிட, உலர் பழங்கள் சாப்பிடுவது சிறந்தது என பல ஆய்வுகள் சொல்கின்றன். அந்த வகையில் 2 பேரீச்சம்பழம் சாப்பிடலாம். 100 கிராம் ஃப்ரெஷ் பேரீச்சம்பழத்தில் 75 கிராம்  அளவு கார்போஹைட்ரேட் இருக்கிறது. ஆனாலும், அதைச் சாப்பிடுவதால் கிளெசெமிக் இண்டெக்ஸ் அளவு அதிகம் கூடுவதில்லை. 2 பேரீச்சம் பழம் என்பதும் நீரிழிவு கட்டுப்பாட்டில் உள்ளவர்களுக்கு மட்டுமே என்பதை கவனத்தில் கொள்ள வேண்டும்.  மூன்றுமாத ரத்தச் சர்க்கரை அளவு கட்டுப்பாட்டை மீறி இருப்பவர்கள் எடுக்கக்கூடாது. உலர் திராட்சையைப் பொறுத்தவரை  அதில் 60 சதவிகிதம் சர்க்கரைச்சத்து இருக்கிறது. அதனால், அதை அப்படியே சாப்பிடுவதற்கு பதிலாக, தண்ணீரில் ஊறவைத்துச் சாப்பிடலாம். அதை தயிரில், ஓட்ஸ் கஞ்சியில், சாலட் தயாரிப்பில் என எப்படி வேண்டுமானாலும் சேர்க்கலாம். அதுவும் உங்கள் மூன்றுமாத சராசரி சர்க்கரை அளவு கட்டுப்பாட்டில் இருப்பதைப் பொறுத்தே முடிவு செய்யப்பட வேண்டும். HbA1c Doctor Vikatan: சர்க்கரை நோயாளிகளுக்கு ஏற்ற எண்ணெய் எது? உணவில் தேங்காய் சேர்க்கலாமா..? அத்திப்பழத்தைப் பொறுத்தவரை ஃப்ரெஷ்ஷான பழத்தில் கிளெசெமிக் இண்டெக்ஸ் ரொம்பவே குறைவு. அதில் ஆன்டி ஆக்ஸிடன்ட்ஸ் அதிகம் என்பதால் எடுத்துக்கொள்ளலாம். உலர் அத்திப்பழத்தோடு ஒப்பிடுகையில், ஃப்ரெஷ்ஷான பழம் சிறந்தது. உலர் அத்திப்பழத்தை ரத்தச் சர்க்கரை அளவு கட்டுப்பாட்டில் உள்ளவர்கள் மட்டுமே எடுத்துக்கொள்ளலாம். உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 26 Feb 2024 9:00 am

Sexual Health: தாம்பத்தியம் போரடிக்குதா..? இதை ட்ரை பண்ணுங்க... | காமத்துக்கு மரியாதை 146

மூடிய அறைக்குள், கணவன் - மனைவிக்கு இடையேயான காமத்தில் எந்த எல்லைகளும் கிடையாது என்பது உண்மைதான். அதே நேரம் பரஸ்பரம் எதிர்பார்ப்பில் பரஸ்பர விருப்பமும் இருக்க வேண்டுமல்லவா? இந்த இடத்தில்தான் ஓரல் செக்ஸ் (Oral Sex) தம்பதிகளிடையே பிரச்னையாகி விடுகிறது. ஓரல் செக்ஸ் அசிங்கம், தவறு என்றொரு காலம் இருந்தது. இப்போதோ, செக்ஸில் விதவிதமாக ஃபேன்டஸி எதிர்பார்க்கிற தலைமுறையின் காலம். இந்த நிலையில், ஓரல் செக்ஸ் தாம்பத்திய வாழ்க்கையை எந்தளவுக்கு மகிழ்ச்சியாக வைத்திருக்கும் என்பதையும், இதைச் செய்யும்போது எப்படியெல்லாம் கவனமாக இருக்க வேண்டும் என்பதை பற்றியும் இளம் தலைமுறையினருக்குச் சொல்ல வேண்டிய கடமையிருக்கிறது. இதற்காக பாலியல் மருத்துவர் காமராஜிடம் பேசினோம். Sexual Wellness Sex & Health: படுக்கையறையின் பவர்ஃபுல் டெக்னிக்... ஃபாலோ பண்ணுங்க..! - காமத்துக்கு மரியாதை - 145 ''பல காலம் ஒரே துணையுடன் காமம் அனுபவிக்கையில் அலுப்புத் தட்டவே செய்யும். அதனால் வெரைட்டி எதிர்பார்க்க ஆரம்பிப்பார்கள், குறிப்பாக ஆண்கள். அதிலொன்றுதான் ஓரல் செக்ஸ். உங்களுக்கு ஓர் உண்மை தெரியுமா கணவர்களே... உங்கள் வாழ்க்கைத்துணையான பெண்ணை உச்சகட்டத்துக்குக் கொண்டு செல்வதற்குச் சுலபமான, சரியான வழி இந்த ஓரல் செக்ஸ்தான். ஆண்கள் சுலபமாக உச்சகட்டம் அடைந்துவிடுவார்கள். பெண்கள் உச்சகட்டம் அடைவது கடினம். அதை தன் மனைவிக்கு ஏற்படுத்த வேண்டுமென்றால், சம்பந்தப்பட்ட ஆணுக்கு செக்ஸ் குறித்த அறிவு நிரம்ப இருக்க வேண்டும். ஆணுறுப்பு த்ரீ இன் ஒன் வேலைபார்க்கக் கூடியது. சிறுநீரை வெளியேற்றும்; விந்துவை வெளியேற்றி குழந்தை பெற்றுக்கொள்ள உதவும்; இதன் மூலம் தாம்பத்திய உறவையும் அனுபவிக்கலாம். குறிப்பாக உச்சகட்டத்தை. ஆனால், பெண்ணின் பிறப்புறுப்பில் மேலேயுள்ள மூன்று வேலைகளுக்கும் தனித்தனிப் பகுதிகள் இருக்கின்றன. சிறுநீர் வெளியேறுவதற்குத் தனி வழி, குழந்தைப்பிறப்புக்கு தனி வழி, தவிர, உச்சகட்டம் (Orgasm) அடைவதற்கான க்ளிட்டோரிஸ் என்று தனிப்பகுதியே இருக்கிறது. பெண்ணுறுப்பில் இது சின்னப்பகுதி என்றாலும் உச்சகட்டத்தைப் பொறுத்தவரைக்கும் ஆணுறுப்புக்குச் சமமானது. Oral Sex தாம்பத்திய உறவில் foreplay மட்டும் போதுமா..? - காமத்துக்கு மரியாதை - 144 தாம்பத்திய உறவு வைத்துக்கொள்கிறார்கள்; குழந்தை பெற்றுக்கொள்கிறார்கள் என்றாலும், பெரும்பாலான பெண்கள் வாழ்க்கையில் உச்சக்கட்டத்தை அடைந்திருக்கவே மாட்டார்கள். காரணம் பெரும்பாலான ஆண்களுக்கு செக்ஸ் பற்றிய சரியான தெளிவு இருப்பதில்லை. அதுபற்றிய சரியான புத்தகங்களை அவர்கள் படிப்பதும் இல்லை. அப்படியே சில ஆண்களுக்குப் பெண்ணின் உச்சகட்டத்துக்கான க்ளிட்டோரிஸ் பற்றி தெரிந்தாலும் 'நான் உச்சகட்டத்தை அடைஞ்சுட்டேன். அவ அடையலைன்னா எனக்கென்ன' என்கிற தவறான மனப்பான்மையுடன் இருந்துவிடுகிறார்கள். சரி, ஓரல் செக்ஸுக்கும் க்ளிட்டோரிஸுக்கும் என்ன சம்பந்தம் என்று பார்ப்போம். க்ளிட்டோரிஸை கணவர் நாவால் தூண்டினார் என்றால், மனைவிக்கு உச்சகட்டம் கிடைத்துவிடும். ஓரல் செக்ஸில் விருப்பமில்லாதவர்கள் நகமில்லாத சுத்தமான விரல் வைத்தும் செய்யலாம். நான் ஏற்கெனவே சொன்னதுபோல, ஓரல் செக்ஸ் ஆண்களுக்கு வெரைட்டியில் ஒன்று மட்டுமே.. பெண்களுக்கோ அது உச்சகட்டம் அடைவதற்கான சரியான வழி. இது தெரியாமல்தான் சிலர் திருமணம் தாண்டிய உறவில் ஈடுபட ஆரம்பிக்கிறார்கள். அதற்கு பதில் தாம்பத்திய உறவில் ஈடுகிற பொசிஷன்களை மாற்றலாம் அல்லது பெட்ரூம், ஹால், ஷவருக்கடியில் என்று இடங்களை மாற்றிக்கொள்ளலாம். அல்லது ஓரல் செக்ஸும் செய்யலாம். வாழ்க்கை முழுக்க ஒரேயொரு துணை என்றாலும் போரடிக்காது'' என்றவர், ஓரல் செக்ஸ் செய்யும்போது கவனமாக இருக்க வேண்டிய விஷயங்களைப் பற்றியும் விவரிக்க ஆரம்பித்தார். உறவில் ஈடுபடுபவர்களில் ஒருவருக்கு பால்வினை நோய்கள் இருந்தால், அவை மற்றவருக்கும் தொற்றவே செய்யும். அந்த வகையில் வழக்கமான செக்ஸ் செய்யும்போது, என்னென்ன பால்வினை நோய்கள் வருவதற்கு வாய்ப்பிருக்கிறதோ அவையனைத்தும் ஓரல் செக்ஸ் செய்யும்போதும் வரலாம். அதே நேரம், ஓரல் செக்ஸ் செய்வதால் வரக்கூடிய பால்வினை நோய்கள் என்று தனியாக எதுவும் இல்லை. Sexologist Kamaraj Premature Ejaculation: விந்து முந்துதல்.. ஈஸியா சரி செய்யலாம்! I காமத்துக்கு மரியாதை - 143 ஓரல் செக்ஸ் பாதுகாப்பு என்று பலரும் நினைத்துக்கொண்டிருக்கிறார்கள். கருத்தரிக்க முடியாது என்ற வகையில் பாதுகாப்புதான். அதே நேரம் இது கணவன் - மனைவிக்கிடையே நடக்கிறது என்றால் பிரச்னையில்லை. மூன்றாம் நபருடன் ஈடுபட்டு, அவர் வேறு யாருடனாவது உறவு வைத்திருந்தால்... பால்வினை நோய்கள் வாய் மற்றும் முகப்பகுதியில் வந்துவிடலாம். ஹெச்.ஐ.வி வரக்கூடிய வாய்ப்புகூட இருக்கிறது. ஆணுறுப்பில் ஸ்மெக்மா என்றொரு திரவம் சுரக்கும். சுத்தமின்மை, பல உறவுகள் என்று இருந்தால், மிகவும் அரிதாகப் பெண்களின் தொண்டையில் கேன்சர் போன்ற பிரச்னை வரலாம் என சில ஆய்வுகள் தெரிவிக்கின்றன. ஒருவனுக்கு ஒருத்தி, ஒருத்திக்கு ஒருவன் என்று வாழ்கிற தம்பதிகளிடையே ஓரல் செக்ஸினால் பிரச்னை வராது. அவர்கள் பிறப்புறுப்புகளைச் சுத்தமாக வைத்துக்கொண்டால் மட்டும் போதும். பொதுவாக பிறப்புறுப்பைச் சுத்தப்படுத்த சோப் பயன்படுத்த வேண்டாம் என்றுதான் இரு பாலினருக்குமே சொல்வோம். ஆனால், ஓரல் செக்ஸ் செய்யவிருக்கிறீர்கள் என்றால், பேபி சோப் பயன்படுத்தி உறுப்புகளைச் சுத்தம் செய்வது கட்டாயம். ஓரல் செக்ஸின்போது, கணவன் காண்டம் அணிந்துகொண்டால், மனைவிக்கு நல்லது. அதேபோல், கணவன் தன்னுடைய நாவில் `டங் டம்' (Tonguedom) அணிந்துகொள்ளலாம்.''

விகடன் 25 Feb 2024 6:00 pm

Happy Teeth: வாய் துர்நாற்றம் நீங்க இந்த 3 விஷயம் பண்ணினா போதும்! I Bad Breath

Bad Breath பிரச்னைக்கான தீர்வுகள் வாய் துர்நாற்றத்துக்கான காரணங்களை கடந்த அத்தியாயத்தில் பார்த்தோம். அதற்கான தீர்வுகள் பற்றி இந்த அத்தியாயத்தில் பேசியிருக்கிறார் சென்னையைச் சேர்ந்த முக சீரமைப்பு அறுவை சிகிச்சை மருத்துவர் சுரேஷ் வீரமணி வாய் துர்நாற்றம் I Bad Breath Happy Teeth: காலை உணவைத் தவிர்த்தால் வாய் துர்நாற்றம் ஏற்படுமா? #Bad Breath வாய் துர்நாற்றம் இருப்பதைக் கண்டறிவதற்கென்று பிரத்யேக அறிகுறிகள் எதுவும் இருக்காது. நாம் சுயமாகவே உணர்ந்துகொண்டால்தான் தெரிய வரும். சில நேரங்களில் குடும்பத்தினர், நண்பர்கள் சொல்லக்கூடும். வாய் துர்நாற்றத்துக்கு மவுத் ஃபிரெஷ்னர், மவுத்வாஷ் போன்ற எதுவும் தீர்வாகாது. Tooth Pick வேண்டாமே! மவுத் வாஷ் தொடர்ச்சியாகப் பயன்படுத்துவதே துர்நாற்றத்துக்கு வழிவகுக்கலாம். அதில் சேர்க்கப்பட்டிருக்கும் ஆல்கஹால் வாயில் வறட்சியை ஏற்படுத்தும். இது தொடரும்போது துர்நாற்றம் (Bad Breath) ஏற்படும். Tooth Pick வேண்டாமே! அதேபோல சிலருக்கு உணவு உட்கொண்டதும் 'டூத் பிக்' (Tooth Pick) பயன்படுத்தி பற்களைச் சுத்தப்படுத்தும் பழக்கம் இருக்கும். இது முற்றிலும் தவறானது. 'டூத் பிக்' பயன்பாட்டை பல் மருத்துவர்கள் பரிந்துரைக்கமாட்டார்கள். 'டூத் பிக்' பயன்படுத்தும்போது இரண்டு பற்களுக்கு நடுவில் கூடுதல் இடைவெளி ஏற்படும். அடுத்த முறை சாப்பிடும்போது அந்த இடைவெளியில் உணவுத்துணுக்குகள் சிக்கலாம். உணவுத் துணுக்குகள் தொடர்ந்து சிக்கும்போது வாயில் துர்நாற்றம் ஏற்படும். உணவு உட்கொண்டதும் வாய்க்கொப்பளித்தாலே போதுமானது. வாயில் சிக்கியிருக்கும் உணவுத் துணுக்குகளை வெளியேற்ற ஃபிளாசிங் (Flossing) செய்வது பயனளிக்கும். ஆனால் நமது நாட்டில் அது அவ்வளவு பிரபலமடையவில்லை. Flossing Happy Teeth: வாய் துர்நாற்றம் நீங்க சூயிங்கம் மெல்வது தீர்வாகுமா? காரணம் கண்டறிக! வாய் துர்நாற்றத்துக்கான காரணத்தை முதலில் கண்டறிய வேண்டும். சர்க்கரை நோய், சொத்தைப் பல், குறட்டை, அஜீரணப் பிரச்னை உள்ளிட்ட உடல்நலப் பிரச்னைகளால் வாய் துர்நாற்றம் ஏற்பட்டிருந்தால் அந்தப் பிரச்னைகளுக்குத் தீர்வு கண்டாலே வாய் துர்நாற்றம் சரியாகிவிடும். புகைப்பழக்கம், மதுப்பழக்கம், கார்பனேட்டடு குளிர்பானங்கள் அடிக்கடி குடிப்பது போன்ற காரணங்களால் வாய் துர்நாற்றம் ஏற்பட்டிருந்தால், அந்தப் பழக்கத்தைக் கைவிட்டால்தான் பிரச்னை சரியாகும். 3 எளிய விஷயங்கள் பொதுவாக 80 சதவிகிதம் பேருக்கு வாய் சுகாதாரத்தைப் பேணாததால்தான் இந்தப் பிரச்னை ஏற்படும். வாய் துர்நாற்றத்தைப் போக்குவதற்கான எளிதான வழி என்னவென்றால் வாய் உலர்ந்து போகாமல் தடுக்க வேண்டும். Dr. Suresh Veeramani Happy Teeth: வலி, கூச்சம்... அறிகுறிகளை வைத்தே பல் பிரச்னையின் தீவிரத்தை அறியலாம்! அதற்கு அடிக்கடி போதுமான அளவு தண்ணீர் குடிக்க வேண்டும். ஏதாவது சாப்பிட்டால் உடனே வாய்க் கொப்பளிக்கும் பழக்கத்தை ஏற்படுத்திக்கொள்ள வேண்டும். ஒரு நாளைக்கு இரண்டு முறை பிரஷ் செய்ய வேண்டும். இந்த மூன்று பழக்கங்களைப் பின்பற்றினாலே பல் சுகாதாரத்தினால் ஏற்பட்ட வாய் துர்நாற்றத்துக்கு தீர்வு கண்டுவிடலாம். இருக்கு.. ஆனா இல்ல! சிலருக்கு வாய் துர்நாற்றம் இல்லாவிட்டாலும் தனக்கு பிரச்னை இருப்பதாகத் தோன்றலாம். அப்படிப்பட்டவர்களும் மருத்துவரை அணுகி சந்தேகத்தைத் தீர்த்துக்கொள்ளலாம். வாய் சுகாதாரம் நன்றாகப் பேணினாலும் வாய் துர்நாற்றம் இருந்தால் மருத்துவரை அணுகி பிரச்னைக்கான காரணத்தைக் கண்டறிய வேண்டும். வாய் துர்நாற்றம் இருந்தால் முதலில் பல் மருத்துவரை அணுக வேண்டும். மருத்துவக் காரணங்களை ஆராய்ந்துவிட்டு தேவைப்பட்டால் அவர் வேறு மருத்துவருக்குப் பரிந்துரைப்பார் என்றார் அவர். Brushing பற்கள் பாதுகாப்பு, சிகிச்சை, வாய் சுகாதாரம் தொடர்பான சந்தேகங்களுக்கு விடைகளையும் ஆலோசனைகளையும் அளிக்கும் Happy Teeth தொடர் ஒவ்வொரு வாரமும் சனிக்கிழமை மாலை 6 மணிக்கு வெளியாகும். பற்கள் பராமரிப்பு பற்றி உங்களுக்கு ஏதேனும் சந்தேகம் இருந்தால், கமென்ட்ஸில் தெரிவிக்கவும். உங்கள் கேள்விகளுக்கு பல் மருத்துவர்கள் பதில் அளிப்பார்கள்.

விகடன் 24 Feb 2024 6:00 pm

Doctor Vikatan: அடிக்கடி சளி, மூச்சு விடுவதில் சிரமம், அலுவலகத்தில் அசௌகர்யம்... தீர்வு உண்டா?

Doctor Vikatan: 35 வயதான எனக்கு அடிக்கடி சளி பிடித்துக்கொள்கிறது, மூச்சுவிடுவதில் தொந்தரவு, அலுவலகத்தில் அசௌகர்யமாக உணர்கிறேன். இந்தப் பிரச்னைக்கு என்ன காரணமாக இருக்கும்.... இதிலிருந்து விடுபட நிரந்தர தீர்வுதான் என்ன? பதில் சொல்கிறார் சென்னையைச் சேர்ந்த நுரையீரல் சிகிச்சை சிறப்பு மருத்துவர் திருப்பதி நுரையீரல் மருத்துவர் திருப்பதி Doctor Vikatan: கீரை சாப்பிட்டால் வயிற்றுப்போக்கு... காரணங்களும் தீர்வுகளும் என்ன? நீங்கள் குறிப்பிட்டிருக்கும் அறிகுறிகளை வைத்துப் பார்க்கும்போது இது  'சைனசைட்டிஸ்' பாதிப்பாகவே தெரிகிறது. இது போன்ற அறிகுறிகள், தொடர்ச்சியாக இல்லாமல், விட்டு விட்டு வருகின்றன, பனிக்காலத்தில் அதிகரிக்கின்றன, தூசு நிறைந்த சூழலில் அதிகரிக்கின்றன, வாசனைப் பொருள்களால் வருகின்றன என்றால் அது தொற்றுநோயாக இருக்க வாய்ப்பில்லை. அலர்ஜியின் காரணமாக ஏற்பட்டதாகவே இருக்கும்.  இந்த அலர்ஜியானது மேல் சுவாசப்பாதையில் இருந்தால் மூக்கிலிருந்து நீர் வடிதல், மூக்கு அடைத்துக்கொள்வது,  தொண்டையைச் செருமியபடி இருப்பது, தும்மல், தலைவலி போன்ற அறிகுறிகள் இருக்கும். இதையே நாம் சைனசைட்டிஸ் (sinusitis ) அல்லது அலர்ஜிக் ரைனிட்டிஸ் ( Allergic rhinitis ) என்று சொல்கிறோம்.  அதுவே, அந்த அலர்ஜியானது நுரையீரலுக்கு வந்துவிட்டால் அதை  ஆஸ்துமா என்று சொல்கிறோம். இதற்கான அறிகுறிகள் தொடர்ச்சியாக இருக்க வேண்டும் என்ற அவசியமில்லை. ஒவ்வாத சூழல், பொருள்கள் போன்றவை பாதிப்பை ஏற்படுத்தலாம். சிகிச்சை எடுக்கும்போது பிரச்னைகளே இருக்காது. ஆஸ்துமா Doctor Vikatan: கடுமையாக வேலை செய்தாலும் வியர்க்காமல் இருப்பது ஏதேனும் பிரச்னையின் அறிகுறியா? மருத்துவப் பரிசோதனையில் சம்பந்தப்பட்ட நபருக்கு வீஸிங் இருப்பது தெரியவரும். ஆஸ்துமாவை உறுதிசெய்ய இன்று நவீன பரிசோதனைகள் பல உள்ளன. அதைக் கண்டறிய சம்பந்தப்பட்ட நபர் முதலில் நுரையீரல் மருத்துவரையோ, இன்டர்னல் மெடிசின் நிபுணரையோ அணுக வேண்டும். அடிக்கடி பாதிப்பு வருவதற்கான காரணங்களைக் கண்டுபிடித்து அதற்கேற்ற சிகிச்சைகளை மருத்துவர்கள் பரிந்துரைப்பார்கள். அலர்ஜி என்பது  குணப்படுத்தக்கூடியதா என்று கேட்டால், அலர்ஜிக்கு காரணமான விஷயங்களில் இருந்து விலகி இருக்கும்போது அது சாத்தியம்தான். உதாரணத்துக்கு, ஒருவர் ஸ்பிரே பெயின்ட்டிங் செய்கிற வேலையில் இருக்கிறார் என வைத்துக்கொள்வோம்.  அவருக்கு பெயின்ட் மூலம் அலர்ஜி தூண்டப்படுகிறது என்ற நிலையில் வேலையை மாற்றிக் கொள்ளும்போது பாதிப்பு சரியாகிவிடும். பெரும்பாலான நேரங்களில் ஒரு நபருக்கு எது அலர்ஜியை உருவாக்குகிறது என்பதைக் கண்டுபிடிக்க முடிவதில்லை.  அலர்ஜி Doctor Vikatan: நுரையீரல் அடைப்பு, மூச்சுத்திணறல்... புகை, பாக்கு பழக்கங்கள் காரணமாகுமா? தூசு ஏற்படுத்தும் ஒவ்வாமைதான் நம்மூரில் மிக அதிகம்.  தூசு இல்லாத சூழலில் வாழ்வதென்பது சாத்தியமும் இல்லை.  முடிந்தவரை அதிலிருந்து விலகி இருப்பதன் மூலம்  அலர்ஜி பாதிப்பிலிருந்தும் விலகி இருக்க முடியும்.  அலர்ஜியை பொறுத்தவரை நிரந்தர நிவாரணம் என்பதைவிட, கட்டுப்பாட்டில் வைத்திருக்க முடியும் என்பதுதான் சரியாக இருக்கும்.  உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 24 Feb 2024 9:00 am

Dangal: தங்கல் நடிகை சுஹானி பட்னாகர் இறப்புக்கு காரணமான `டெர்மடோமயோசைடிஸ்'ஏன்? மருத்துவ விளக்கம்

நடிகை சமந்தா, மயோசைடிஸ் (Myositis) என்ற நோயால் பாதிக்கப்பட்டு தொடர்ந்து சிகிச்சை எடுத்துவரும் நிலையில், டெர்மடோமயோசைடிஸ் (Dermatomyositis) நோயால் பாதிக்கப்பட்டு ’தங்கல்’ பட நடிகை சுஹானி பட்னாகர் (Suhani Bhatnagar) சிறு வயதிலே உயிரிழந்துள்ளார். இதனால் பலரும் அதிர்ச்சி அடைந்துள்ளனர். டெர்மடோமயோசைடிஸ் நோய் என்றால் என்ன, இது எந்த மாதிரியான பாதிப்புகளை ஏற்படுத்தும், இதன் அறிகுறிகள் என்னென்ன, வந்தால் எப்படிக் கண்டறிவது, எந்த மாதிரியான பரிசோதனை எடுக்க வேண்டும், இந்த நோயை சரி செய்ய முடியுமா அல்லது கட்டுப்படுத்த மட்டுமே முடியுமா... எல்லாவற்றையும் பற்றி விளக்கமாகக் கூறுகிறார் சென்னையைச் சேர்ந்த தோல்நோய் சிகிச்சை மருத்துவர் ச.சுகேஷ் கௌதம். Dr. Sukesh Goutham Doctor Vikatan: பீட்ரூட் சாப்பிட்டால் சிறுநீர் சிவப்பாக வெளியேறுமா? ''லட்சத்தில் ஒருவருக்கே... பயம் வேண்டாம்..! டெர்மடோமயோசைடிஸ் என்கிற தோல் தசை வீக்கநோய், தோல் மற்றும் தசைகளில் ஏற்படக்கூடிய முடக்குவாதம் போன்றதொரு அரியவகை தன்னுடல் தாக்குநோய் (autoimmune disease) ஆகும். அதாவது, உடலானது தன்னுடலில் உள்ள சில பகுதிகளை நோய்க்காரணியாக தவறாக அடையாளப்படுத்தி, தனக்கு எதிராக தானே செயல்படும். இது லட்சத்தில் ஒருவருக்கு வர வாய்ப்புள்ளது என ஆராய்ச்சியாளர்கள் கூறுகின்றனர். எதனால் வருகிறது..? டெர்மடோமயோசைடிஸ் நோய் எதனால் ஏற்படுகிறது என்பது இன்று வரை கண்டறியப்படவில்லை. ஆனால் இந்நோய் சில வைரஸ் தொற்றின் விளைவாகவும், பரனோபிளாஸ்டிக் சிண்ட்ரோம் (Paraneoplastic syndrome) எனப்படும் புற்றுநோய் சார்ந்த நோயாகவும் ஏற்படலாம் என்று கருதப்படுகிறது. இதில் இத்தனை வகைகளா..? டெர்மடோமயோசைடிஸ் நோய்களில் பல்வேறு வகைகள் இருக்கின்றன. குறிப்பாக கிளாசிகல் டெர்மட்டொமயோசைடிஸ் (Classical Dermatomyositis) நோய் 30 முதல் 50 வயதுடையவர்களை பாதிக்கும். அதுமட்டுமில்லாமல் ஆண்களைவிட பெண்களைத்தான் இது அதிகமாக பாதிக்கும். ஜுவனைல் டெர்மட்டொமயோசைடிஸ் (Juvenile dermatomyositis) என்ற நோய் குழந்தைகள் மற்றும் பருவ வயதினரை பாதிக்கும். பாரா நியோபிளாஸ்டிக் (Paraneoplastic) வகை, புற்றுநோய் உள்ளவர்களுக்கு ஏற்படக்கூடியது. ஏமயோபதிக் டெர்மடோ மயோசைட்டிஸ் (Amyopathic dermatomyositis) தசைகள் தவிர்த்து தோல் மற்றும் பிற பகுதிகளை பாதிக்கக்கூடிய நோய். பாலி மயோசைடிஸ் ( Polymyositis ) வயதானவர்களுக்கு வரக்கூடிய நோய். Samantha Doctor Vikatan: கீரை சாப்பிட்டால் வயிற்றுப்போக்கு... காரணங்களும் தீர்வுகளும் என்ன? அறிகுறிகள்... டெர்மடோமயோசைடிஸ் நோய் உடலில் தோல், தசை, எலும்புகள், நுரையீரல், இதயம் ஆகிய இடங்களை பாதிக்கும் தன்மையுடையது. நோய் வந்தால், உடலில் சூரிய ஒளிபடக்கூடிய இடங்கள் நீலம் அல்லது சிவப்பு நிறமாக மாறக்கூடும். கை, கால் விரல் மூட்டுகளில் கறுப்பு அல்லது சிவப்பு நிற தடிப்பு, கை கால்களில் வீக்கம், மூச்சுப்பிரச்னை, கண்ணைச் சுற்றி சிவப்பு வளையம் போன்ற அறிகுறிகளை ஏற்படுத்தும். என்னென்ன பாதிப்புகளை ஏற்படுத்தும்..? டெர்மடோமயோசைடிஸ் நோய் குறிப்பாக தசைகளை பாதிக்கும். தோள்பட்டை தசை மற்றும் தொடைப்பகுதி தசைகளையும் பலவீனமாக்கும். இதனால் கை, கால்களை அசைப்பதில் பாதிப்பு ஏற்படும். உடல் எடை குறையும், லேசான காய்ச்சல், பசியின்மை ஏற்படும். முழங்கால் மூட்டுகள் வீங்கும். கண்டறிவதற்கான பரிசோதனைகள் என்னென்ன..? ரத்தப் பரிசோதனை மூலம் தசைகளில் இருந்து வெளிப்படும் அமிலங்கள் ரத்தத்தில் அதிகரித்திருப்பதை அறியமுடியும். தசைகள் மற்றும் தோலில் இருந்து பயாப்ஸி டெஸ்ட் எடுத்துக்கூட இந்த நோயைக் கண்டுபிடிக்கலாம். எலக்ட்ரோமையோகிராபி ஸ்கேன் (Electromyography) மூலம் தசைகளின் செயல்பாடு எப்படி இருக்கிறது என்பதைக் கண்டறிவதன் மூலமும், டெர்மடோமயோசைடிஸ் நோயைக் கண்டுபிடிக்கலாம். Dangal Doctor Vikatan: கடுமையாக வேலை செய்தாலும் வியர்க்காமல் இருப்பது ஏதேனும் பிரச்னையின் அறிகுறியா? சரி செய்ய முடியுமா..? டெர்மடோமயோசைடிஸ் நோயை முழுமையாக குணமடையச் செய்கின்ற மருந்துகள் இன்னமும் கண்டுபிடிக்கப்படவில்லை. தோல் நோய் மருத்துவர் அல்லது வாதவியல் மருத்துவரை அணுகி முறையாக சிகிச்சை பெற்றுவந்தால் நோயைக் கட்டுப்படுத்த முடியும்'' என்பதால், யாரும் இந்த நோயைக் கண்டு பயப்படத் தேவையில்லை என்கிறார் டாக்டர் சுகேஷ் கௌதம். - நவலட்சுமி அண்ணாதுரை

விகடன் 23 Feb 2024 6:26 pm

``ராணிப்பேட்டையில் 541 பேருக்கு புற்றுநோய் பாதிப்பு! - காரணம் கூறிய அமைச்சர் மா.சுப்பிரமணியன்

ம ருத்துவம் மற்றும் மக்கள் நல்வாழ்வுத்துறை அமைச்சர் மா.சுப்பிரமணியன் இன்று ராணிப்பேட்டைக்கு வந்தார். பல்வேறு நிகழ்ச்சிகளில் கலந்துகொண்ட பிறகு, பேசிய அமைச்சர் மா.சுப்பிரமணியன், ‘‘ராணிப்பேட்டை, திருப்பத்தூர், கன்னியாகுமரி மற்றும் ஈரோடு ஆகிய நான்கு மாவட்டங்களில் ‘புற்றுநோய்’ பரிசோதனைகளை முழுமையாக மேற்கொள்ள முடிவுசெய்யப்பட்டது. இந்த மாவட்டங்களைப் பொறுத்தமட்டில் சாயப்பட்டறைக் கழிவுகள், ரப்பர் தோட்டங்கள், தோல் பதனிடும் தொழிற்சாலைகள் போன்றவற்றால் புற்றுநோய் பாதிப்பு அதிகரித்திருக்கிறது. இதற்காகத்தான் தொடக்க நிலையிலேயே புற்றுநோய் பாதிப்பைக் கண்டறிய ரூ.3.31 கோடி மதிப்பீட்டில், கடந்த ஆண்டு நவம்பர் 22-ம் தேதி பரிசோதனைகள் தொடங்கி வைக்கப்பட்டன. அமைச்சர்கள் மா.சுப்பிரமணியன், ஆர்.காந்தி அந்த வகையில், ராணிப்பேட்டை மாவட்டத்தில் மட்டும் 9,566 நபர்களுக்குப் பரிசோதனைகள் முழுமைப் பெற்றிருக்கின்றன. புற்றுநோயைப் பொறுத்தவரை முதல் நிலை, இரண்டாம் நிலை, மூன்றாம் நிலை, நான்காம் நிலை என்றெல்லாம் இருக்கிறது. மூன்றாவது, நான்காவது நிலைகள் கண்டவர்களுக்கு ‘இறப்பு உறுதி’ என்பது மருத்துவர்களால் சொல்லப்படுகின்ற விஷயம். எனவே, ‘புற்றுநோயை ஆரம்ப நிலையிலேயே கண்டறிந்துவிட்டால், அவர்களைக் குணப்படுத்திவிட முடியும்’ என்பதும் மருத்துவ வல்லுநர்களின் கருத்தாக இருக்கிறது. அந்த வகையில், ராணிப்பேட்டையில் 9,566 பேருக்குப் பரிசோதனை மேற்கொள்ளப்பட்டதில் 222 பேருக்கு ‘மார்பக புற்றுநோய்’ உறுதிசெய்யப்பட்டிருக்கிறது. 290 பேருக்கு ‘கருப்பை வாய்ப் புற்றுநோய்’ உறுதிசெய்யப்பட்டிருக்கிறது. 29 பேருக்கு ‘வாய்ப் புற்றுநோய்’ உறுதியாகியிருக்கிறது. அமைச்சர் மா.சுப்பிரமணியன் இந்த மூன்று வகையான புற்றுநோய்களும் தொடக்க நிலையில் இருப்பதால், அதனால் பாதிக்கப்பட்டவர்கள் 100 சதவிகிதம் முழுமையாகக் காப்பாற்றப்படுவார்கள். கடந்த பத்து ஆண்டுகளைக் காட்டிலும், இரண்டு ஆண்டுக்கால பொற்கால ஆட்சியில், தமிழ்நாடு மருத்துவரீதியாக மாபெரும் எழுச்சியைக் கண்டிருக்கிறது. பிற மாநிலங்களுக்கு முன்னோடியாக தமிழகம் திகழ்ந்துக்கொண்டிருக்கிறது’’ என்றார். அப்போது, கைத்தறித் துறை அமைச்சர் ராணிப்பேட்டை காந்தி உடனிருந்தார்.

விகடன் 23 Feb 2024 5:17 pm

Neuralink: ``எண்ணத்தின் மூலமாக கணினி Cursor-ஐ நகர்த்தலாம்எலான் மஸ்க் ஆய்வில் வெற்றி..!

Elon Musk-ன் புதிய முயற்சி: அமெரிக்க தொழிலதிபர் எலான் மஸ்க் 2016-ம் ஆண்டில் 'நியூராலிங்க்' (Neuralink) என்ற நரம்பியல் பிரச்னைகளுக்கு தொழில்நுட்பம் மூலம் தீர்வு காணும் ஸ்டார்ட்அப் நிறுவனத்தைத் தொடங்கினார். முதல்கட்டமாக குரங்கின் மூளையில் 'சிப்' பொருத்தி நடைபெற்ற ஆராய்ச்சி வெற்றியடைந்தது. இந்நிலையில், இதை மனிதர்களுக்குப் பொருத்தி ஆராய்ச்சி செய்வதற்கு அமெரிக்காவின் உணவு மற்றும் மருந்துகள் ஒழுங்குமுறை ஆணையம் (FDA) கடந்த ஆண்டு அனுமதியளித்தது. எலான் மஸ்க் | Elon Musk Doctor Vikatan: கீரை சாப்பிட்டால் வயிற்றுப்போக்கு... காரணங்களும் தீர்வுகளும் என்ன? அதைத் தொடர்ந்து ஒரு நோயாளியின் மூளையில் 'சிப்' பொருத்தி பார்க்கின்சன்ஸ் உள்ளிட்ட நரம்பு மண்டல பாதிப்புகளுக்கு சிகிச்சையளிக்கும் ஆராய்ச்சி தொடங்கியது. அந்த `சிப்'க்கு `லிங்க்' என்று பெயரிப்பட்டது. இந்த `சிப்'பின் மூலம் கணினிக்கும் மூளைக்கும் இடையே நேரடித் தகவல் தொடர்பு தடம் ஏற்படுத்தப்பட்டு, பிரச்னைகளுக்குத் தீர்வு காணும் ஆராய்ச்சி நடைபெற்று வருகிறது. இது தொடர்பாக எலான் மஸ்க் X தளத்தில் வெளியிட்ட பதிவில், ``நரம்பு மண்டல நோயால் பாதிக்கப்பட்ட நோயாளியின் மூளைக்குள் வெற்றிகரமாக சிப் பொருத்தப்பட்டுள்ளது. அவர் தற்போது குணமடைந்து வருகிறார். இது ஆரம்பம் மட்டுமே. இருப்பினும் இது வெற்றி பெற்றிருக்கிறது என்று தெரிவித்திருந்தார். elon musk Doctor Vikatan: கடுமையாக வேலை செய்தாலும் வியர்க்காமல் இருப்பது ஏதேனும் பிரச்னையின் அறிகுறியா? ஆய்வில் முன்னேற்றம் சிப் பொருத்திய நபர் கைகளைப் பயன்படுத்தாமல், அவரது எண்ண ஓட்டத்தின் வழியாகவே கணினி திரையின் கர்ஸரை (Cursor) நகர்த்தும் வகையில் இந்தச் சிகிச்சை வடிவமைக்கப்பட்டிருந்தது. அந்த நபர் அதை வெற்றிகரமாகச் செய்து வருகிறார் என்று எலான் மஸ்க் (Elon Musk) தெரிவித்துள்ளார். இது தொடர்பாக அவரது X தளத்தின் 'ஸ்பேஸ்' பகுதியில் பேசும்போது, இந்தச் செயல்பாடு தொடர்ந்து நடைபெறுவதால் அவருடைய மூளை செயல்பாடும் முன்னேற்றம் அடைந்து வருகிறது. இதுவரை எவ்வித பக்கவிளைவுகளும் ஏற்படவில்லை. அடுத்தகட்டமாக அந்த நோயாளியின் எண்ண ஓட்டத்தின் மூலமாகவே கணினி கர்ஸரை பயன்படுத்தி 'க்ளிக்' (Click) செய்ய வைப்பதற்கான முயற்சி நடைபெற்று வருகிறது. உடல் பருமன் ``மனித மூளைக்குள் சிப் பொருத்தி ஆராய்ச்சி; முதல்கட்டம் வெற்றி..! - எலான் மஸ்க் உடல் பருமன், ஆட்டிஸம், மனச்சோர்வு, மனச்சிதைவு நோய் போன்றவற்றுக்கும் இந்த 'சிப்' பொருத்தி சிகிச்சையளிக்கும் வகையில் நிறுவனத்தை மேம்படுத்த குறிக்கோள் உள்ளது என்றும் எலான் மஸ்க் தெரிவித்துள்ளார். - மேரி இவாஞ்லின் வ

விகடன் 23 Feb 2024 4:00 pm

Doctor Vikatan: கீரை சாப்பிட்டால் வயிற்றுப்போக்கு... காரணங்களும் தீர்வுகளும் என்ன?

Doctor Vikatan: என் வயது 54. கீரை வகைகளை விரும்பிச் சாப்பிடுவேன். ஆனால் கடந்த ஆறு மாதங்களாக முருங்கைக்கீரை சாப்பிட்டால் மறுநாள் பேதியாகிறது. கடந்த இரண்டு மாதங்களாக எந்தக் கீரையைச் சாப்பிட்டாலும் அதன் கடைசி துணுக்கு வயிற்றில் இருக்கும் வரை பேதியாகிறது. காரணம் என்ன... தீர்வு உண்டா? பதில் சொல்கிறார் சென்னையைச் சேர்ந்த யோகா மற்றும் இயற்கை மருத்துவர் யோ. தீபா இயற்கை மருத்துவர் யோ. தீபா Doctor Vikatan: கடுமையாக வேலை செய்தாலும் வியர்க்காமல் இருப்பது ஏதேனும் பிரச்னையின் அறிகுறியா? இந்தப் பிரச்னைக்கு 'போஸ்ட்ப்ராண்டையல் டயரியா' (Postprandial diarrhea) என்று பெயர். சாப்பிட்ட உடன், அந்தச் சத்துகள் உடலில் தங்காமல் உடனே வெளியேறிவிடும். இதனால், வயிற்றுவலி, வாயு பிரிதல் போன்ற பிரச்னைகள் வரலாம். வயிற்றுப்பகுதியில் உள்ள தொற்று, அதிக ஆன்டிபயாடிக் எடுப்பது, மன அழுத்தம் போன்ற பல விஷயங்கள் இதற்கு காரணமாகலாம். வாய் முதல் ஆசனவாய் வரையிலான பகுதியில் ஏதேனும் பிரச்னை இருக்கலாம். 'இரிடபுள் பவல் சிண்ட்ரோம் ' (Irritable Bowel Syndrome ) என்று ஒரு பிரச்னை உண்டு. குறிப்பிட்ட உணவுகளைச் சாப்பிடும்போது மேற்குறிப்பிட்ட அறிகுறிகளை ஏற்படுத்தக்கூடிய பிரச்னை இது. குறிப்பிட்ட உணவுகளை ஏற்றுக்கொள்ளாமல் குடல் வெளியேற்றிவிடும். இரிடபுள் பவல் சிண்ட்ரோம் பிரச்னை உள்ளவர்களுக்கு சில நாள்கள் மலச்சிக்கல் இருக்கும், சில நாள்கள் வயிற்றுப்போக்கு இருக்கும். வயிற்றை இழுத்துப்பிடித்தது போல இருக்கும். வலி இருக்கும்.  முருங்கைக்கீரை என்றில்லை, எல்லா கீரைகளிலும் ஆன்டிஆக்ஸிடன்ட்டுகள் உள்ளன. நார்ச்சத்து, அனைத்து வைட்டமின்கள், இரும்புச்சத்து என சத்துகள் அதிகம். அதற்காக அளவுக்கதிகமாகவும் எடுக்கக்கூடாது. நார்ச்சத்து அதிகமுள்ள உணவு என்பதால் அளவு கடந்து உண்ணும்போது வயிற்றுப்போக்கு ஏற்படும்.  உணவு சகிப்புத்தன்மை (Food intolerance ) எனப்படும் பிரச்னை இருக்கும்போது நாம் உண்ணும் உணவு ஒவ்வாமையை ஏற்படுத்தி, உணவை வெளியேற்றிவிடும். நெஞ்செரிச்சல் வரலாம்... Doctor Vikatan: பீட்ரூட் சாப்பிட்டால் சிறுநீர் சிவப்பாக வெளியேறுமா? கீரைகள் சாப்பிடுவதால் நோய் எதிர்ப்பாற்றல் அதிகரிக்கும். கல்லீரல் ஆரோக்கியமாகும். சருமமும் கூந்தலும் ஆரோக்கியமாகும். கண் பார்வைக்கு நல்லது. ஆனால், உணவு சகிப்புத்தன்மை இருப்பவர்களுக்கு இந்த உணவுகள் ஏற்றுக்கொள்ளாமல் பிரச்னைகளை ஏற்படுத்தலாம். முருங்கைக்கீரைக்கு மலச்சிக்கலை குணப்படுத்தும் தன்மை உண்டு. அதையே அளவுக்கதிகமாக எடுக்கும்போது வயிற்றுப்போக்கு, நெஞ்செரிச்சல் போன்றவை வரலாம். வயிற்று உப்புசம் வரலாம். எதுக்களிக்கும் பிரச்னை ஏற்படலாம். சிலருக்கு ரத்தம் தொடர்பான பிரச்னைகள் இருக்கலாம். பற்களில் ரத்தக் கசிவு இருக்கலாம். சின்ன காயம் பட்டாலும் ரத்தம் வந்துகொண்டே இருக்கும். தட்டணுக்களின் எண்ணிக்கை மிகக் குறைவாக இருக்கும். இந்தப் பிரச்னைகளுக்காக மருந்துகள் எடுக்கும்போது, கூடவே முருங்கைக்கீரையும் சேர்த்து எடுப்பதால் பிரச்னைகள் வரலாம். நமது மூளைக்கும், குடலுக்கும் நெருங்கிய தொடர்பிருப்பதாக பல ஆய்வுகள் சொல்கின்றன. அதனால் அதைத் தூண்டும்வகையில் அக்குபஞ்சர் சிகிச்சை மேற்கொள்வதன் மூலமும் இரிடபுள் பவல் சிண்ட்ரோம் பிரச்னையிலிருந்து விடுபடலாம். மன அழுத்தம் நீங்க யோகா, தியானம் போன்றவற்றை மேற்கொள்ளலாம். யோகா மற்றும் இயற்கை மருத்துவத்தில் இந்தப் பிரச்னையை குணப்படுத்த அருமையான சிகிச்சைகள் உள்ளன.  யோகா, தியானம் செய்யலாம்... Doctor Vikatan: பீரியட்ஸ் வலி... உணவின் மூலம் குணப்படுத்த முடியுமா? எனிமா என்ற சிகிச்சையின் மூலம் குடலை சுத்தப்படுத்த வேண்டியிருக்கும். ஏற்கெனவே வயிற்றுப்போக்கு இருக்கும்போது, எனிமா சிகிச்சை தேவையா என்ற கேள்வி எழலாம். இந்தப் பிரச்னையை டீடாக்ஸிஃபிகேஷன் சிகிச்சையிலிருந்துதான் தொடங்க வேண்டும். பிரச்னையின் தீவிரத்துக்கேற்ப மண் சிகிச்சை, நீராவிக் குளியல் போன்ற வேறு சிகிச்சைகளும் பரிந்துரைக்கப்படும். நோய்க்கான காரணத்தை சரிசெய்வதுதான் இதில் அடிப்படை. அரசு யோகா, இயற்கை மருத்துவர்களை அணுகினால் சரியான ஆலோசனைகளை வழங்கி வழிநடத்துவார்கள். நீர்ச்சத்து குறையாமல் பார்த்துக்கொள்ள வேண்டும். இளநீர், நீர்மோர் எடுத்துக்கொள்ளலாம். உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 23 Feb 2024 9:00 am

Healthy Hair: தலைமுடி வலுப்பெற `Olaplex ஹேர் ஸ்பா’... புதுசா இருக்கே?!

வயதாக ஆக, இரண்டு விஷயங்களை பற்றி கண்டிப்பாக கவலைப்படுவோம். ஒன்று, வயதாகிறதே என்று.. இன்னொன்று, முடி கொட்டுகிறதே என்று. ஆனால், இயற்கை தன் சித்து விளையாட்டைக் காட்டும்போது கையிலும், சீப்பிலும் கொத்து கொத்தாய் முடி தான் மிஞ்சும். ஆண்களோ பெண்களோ, நம்மில் பல பேருக்கு, நம் தலைமுடியில் இருக்கும் பிரச்னைகள் தெரிவதில்லை. நம் தலைமுடியின் இயற்கையான அமைப்பென்ன, நம் தலைமுடியின் அடர்த்தி எவ்வாறு உள்ளது, எதனால் தலைமுடி உதிர்கிறது, ஊட்டச்சத்து பற்றாக்குறையாலா, அல்லது தலை வகிட்டிலோ, தலைமுடியின் வேரிலோ உள்ள பிரச்னையாலா என்பதை ஆராய்வது அவசியம். பொடுகு நகங்களின் அழகுக்கும் ஆரோக்கியத்துக்கும்... சிம்பிள், சூப்பர் டிப்ஸ்..! தலைமுடி பராமரிப்பிற்கு, வழக்கமாக தேங்காய் அல்லது வெங்காய எண்ணெய் தடவுவது, ஆயில் மசாஜ் செய்வது, தலைமுடிக்கு ஸ்டீம் கொடுப்பது, ஹேர் பேக்/மாஸ்க் போட்டுக்கொள்வது போன்ற பல செயல்முறைகளில் ஈடுபடுவோம். ஆயினும், தேர்ந்த அழகியல் நிபுணர்களின் அறிவுறுத்தலின் படி, நம் முடிக்குத் தேவையான ஊட்டமளிக்கும் சீரம்களை, ஷாம்பூக்களைப் பயன்படுத்தும்போது நம் தலை முடியின் ஆரோக்கியம் நீடிக்கும். அது போன்றதொரு பலனை தான் நேச்சுரல்ஸ் பியூட்டி சலோனால் பரிந்துரைக்கப்படும் ‘ஒலா ப்ளெக்ஸ்’ ஹேர் ஸ்பா வழங்குகிறது. முடி உதிர்வு பிரச்னை சற்று தீவிரமான நிலையில் உள்ளவர்கள், பிரச்னையின் காரணிகள் என்னவாக இருக்கும் என்பதை ஆராய வேண்டியது அவசியம். போதுமான சத்தில்லாத உணவுப்பழக்கங்கள், புகை பிடித்தல், மது அருந்துதல் போன்ற முறையற்ற பழக்கவழக்கங்கள், மன உளைச்சல், மனச்சோர்வு, அதிக நேரம் கணினியில் வேலைசெய்வதால் உண்டாகும் வெப்பம் மற்றும் புவி வெப்பமயமாதலும் முடி உதிர்வுக்குக் காரணங்களாகக் கூறப்படுகின்றன. புவி வெப்பமயமாதலால் நமது உடல் எளிதாக உஷ்ணமடையும், இதனால் நம் தலைமுடியே பெரும்பாலும் பாதிக்கப்படும். உடல் உஷ்ணத்தால் முடிஉதிர்வு மட்டுமல்லாமல், முடி வறட்சி, பொடுகு, புண்கள், வியர்வைத் திட்டுகள் போன்ற பாதிப்புகளும் ஏற்படுகின்றன. அதே நேரத்தில், போதுமான தூக்கம் இல்லாததும் முடி உதிர்வுக்கு வழிவகுக்கும். முடி உதிர்வு ஆண்கள் ஏன் `பெடிக்யூர்’ செய்துகொள்ள வேண்டும்..? இந்தச் சமயத்தில், தலைக்கு எண்ணெய் வைப்பது, சீயக்காய் தேய்ப்பது போன்ற இயற்கையான முறைகளில் நம் முடியைப் பராமரிப்பதுடன் நேச்சுரல்ஸால் பரிந்துரைக்கப்படும் ‘ஒலா ப்ளெக்ஸ்’ என்ற ஹேர் ஸ்பா அழகியல் சிகிச்சை நம் தலைமுடியின் ஆரோக்கியத்தை பன்மடங்கு மேம்படுத்தும் என்று கூறப்படுகிறது. அது என்ன `ஒலா ப்ளெக்ஸ் ஹேர் ஸ்பா’….? இதை பற்றி நேச்சுரல்ஸின் சிகை அலங்கார நிபுணர் விமலாவிடம் கேட்டபோது,”பொதுவாக, ஹேர் ஸ்பா போன்ற மசாஜ் முறை சிகிச்சையைச் செய்துகொள்ளும்போது, கியூட்டிகல் (Cuticle) எனப்படும் தலைமுடியின் புறத்தோல் வரை சென்று, முடிக்கு தற்காலிகமான பொலிவையும், ஆரோக்கியத்தையும் மட்டுமே தரும். அத்துடன், நம் முடியின் PH (Potential for Hydrogen) நிலையையும் பராமரிக்க உதவுகிறது. ஆனால், இதில் எதுவும் தலை முடி வேரின் அடி ஆழம் வரை சென்று பிரச்னைகளைத் தீர்ப்பதில்லை. சருமம் மற்றும் கூந்தல் பொலிவுக்கு Medi-Facial: ஃபேஷியல் தெரியும்… அதென்ன மெடி- ஃபேஷியல்? ஒலா ப்ளெக்ஸ் என்று அழைக்கப்படும் இந்தப் புது வித ஹேர் ஸ்பா முறை சிகிச்சையானது, வெறும் தலை முடி உதிர்விற்குத் தீர்வு தரும் என்று கூறுவதைவிட நம் தலைமுடியின் ஆழத்தில் இருக்கும் ஹைட்ரஜன் (Hydrogen), ஐயோனிக் (Ionic), டைசல்ஃபைட் (Disulfide) பிணைப்புகளை பலப்படுத்துகிறது. இதனால், முடி உதிர்வு குறைவதுடன், உலர்ந்து, ஆரோக்கியம் இழந்து காணப்படும் முடிக்கு ஊட்டச்சத்து அளித்து, நம் தலைமுடிக்குப் புது வடிவம் கொடுக்கிறது. அமோனியா போன்ற ரசாயனங்கள் நிறைந்த ஷாம்பூ மற்றும் கண்டிஷ்னர்களை பயன்படுத்துவது, உப்பு நீர் அதிகம் இருக்கும் தண்ணீரில் தலைக்கு குளிப்பது போன்ற காரணங்களால் முடி சேதமைடைகிறது. இந்நிலையில், ஒலா ப்ளெக்சில் இருக்கும் பிஸ்-அமினோஆசிட் (Bis Amino Acid) எனும் உட்பொருள் முடியை ஆரோக்கியமாக்குவதுடன், முடிக்குத் தேவையான போஷாக்கையும் தருகிறது. அமினோ ஆசிட் என்று குறிப்பிடுவதனால், ஒலா ப்ளெக்ஸ் சிகிச்சையில் அதிக ரசாயனம் உபயோகப்படுத்தப்படுமோ என்று பயப்பட வேண்டாம். அமினோ ஆசிட் என்பது, லாக்டிக் ஆசிட், சிட்ரிக் ஆசிட் போன்ற இயற்கை வேதிப்பொருள். இது முடிக்குத் தேவையான ஈரப்பதத்தை வழங்குவதுடன், சீரில்லாமல் இருக்கும் பகுதிகளைச் சரி செய்யவும் உதவுகிறது. `ஒலா ப்ளெக்ஸ்’ சிகிச்சை எவ்வாறு செய்யப்படுகிறது..? முதலில், சிகை அலங்கார நிபுணர்களின் ஆலோசனைப்படி ஒலா ப்ளெக்ஸ் சிகிச்சையைச் செய்யலாமா வேண்டாமா என்று கருத்து கேட்டபின், சிகிச்சை தொடங்கப்படும். மேலும், எண்ணெய், ஷாம்பூ, சீரம், ஹேர் பேக்/மாஸ்க் மற்றும் மசாஜ் என ஒலா ப்ளெக்ஸ் பிராண்டின் தரமான பொருள்களுடன் கூடிய ஹேர் ஸ்பா சிகிச்சையைச் செய்தபின், நிபுணர்களின் ஆலோசனைப் படி தேவையான பொருள்களையும் உடனடியாகப் பயன்படுத்துவதன் மூலம் உங்கள் முடி விரைவில் புதுப் பொலிவுடன், புது ஆரோக்கியத்துடன் காட்சியளிக்க ஆரம்பிக்கும். ஹேர் கட் பண்ணப் போறீங்களா கேர்ள்ஸ்? லாங்கா... ஷார்ட்டா... மீடியமா... உங்க சாய்ஸ் எது? ஒலா ப்ளெக்ஸில் நீங்கள் என்ன எதிர்பார்க்கலாம்? ஒலா ப்ளெக்ஸ் அழகியல் சிகிச்சையைச் செய்துகொள்வதன் மூலம், சேதமடைந்த முடியின் ஆரோக்கியத்தை திரும்பப் பெற முடியும். ஆனால், இதை முடி உதிர்வுக்கான முழு தீர்வு தரும் என்று கூறுவதைவிட, முடி உதிர காரணமாகும் அனைத்து பிரச்னைகளுக்கும் தீர்வு தருகிறது என்று கூறலாம். மேலும் விவரங்களுக்கு: உடனே, உங்கள் அருகில் இருக்கும் Naturals Salon அணுகவும். Whatsapp number 909262626 | Whatsapp link

விகடன் 22 Feb 2024 4:31 pm

Healthy Hair: தலைமுடி வலுப்பெற `Olaplex ஹேர் ஸ்பா’... புதுசா இருக்கே?!

வயதாக ஆக, இரண்டு விஷயங்களை பற்றி கண்டிப்பாக கவலைப்படுவோம். ஒன்று, வயதாகிறதே என்று.. இன்னொன்று, முடி கொட்டுகிறதே என்று. ஆனால், இயற்கை தன் சித்து விளையாட்டைக் காட்டும்போது கையிலும், சீப்பிலும் கொத்து கொத்தாய் முடி தான் மிஞ்சும். ஆண்களோ பெண்களோ, நம்மில் பல பேருக்கு, நம் தலைமுடியில் இருக்கும் பிரச்னைகள் தெரிவதில்லை. நம் தலைமுடியின் இயற்கையான அமைப்பென்ன, நம் தலைமுடியின் அடர்த்தி எவ்வாறு உள்ளது, எதனால் தலைமுடி உதிர்கிறது, ஊட்டச்சத்து பற்றாக்குறையாலா, அல்லது தலை வகிட்டிலோ, தலைமுடியின் வேரிலோ உள்ள பிரச்னையாலா என்பதை ஆராய்வது அவசியம். பொடுகு நகங்களின் அழகுக்கும் ஆரோக்கியத்துக்கும்... சிம்பிள், சூப்பர் டிப்ஸ்..! தலைமுடி பராமரிப்பிற்கு, வழக்கமாக தேங்காய் அல்லது வெங்காய எண்ணெய் தடவுவது, ஆயில் மசாஜ் செய்வது, தலைமுடிக்கு ஸ்டீம் கொடுப்பது, ஹேர் பேக்/மாஸ்க் போட்டுக்கொள்வது போன்ற பல செயல்முறைகளில் ஈடுபடுவோம். ஆயினும், தேர்ந்த அழகியல் நிபுணர்களின் அறிவுறுத்தலின் படி, நம் முடிக்குத் தேவையான ஊட்டமளிக்கும் சீரம்களை, ஷாம்பூக்களைப் பயன்படுத்தும்போது நம் தலை முடியின் ஆரோக்கியம் நீடிக்கும். அது போன்றதொரு பலனை தான் நேச்சுரல்ஸ் பியூட்டி சலோனால் பரிந்துரைக்கப்படும் ‘ஒலா ப்ளெக்ஸ்’ ஹேர் ஸ்பா வழங்குகிறது. முடி உதிர்வு பிரச்னை சற்று தீவிரமான நிலையில் உள்ளவர்கள், பிரச்னையின் காரணிகள் என்னவாக இருக்கும் என்பதை ஆராய வேண்டியது அவசியம். போதுமான சத்தில்லாத உணவுப்பழக்கங்கள், புகை பிடித்தல், மது அருந்துதல் போன்ற முறையற்ற பழக்கவழக்கங்கள், மன உளைச்சல், மனச்சோர்வு, அதிக நேரம் கணினியில் வேலைசெய்வதால் உண்டாகும் வெப்பம் மற்றும் புவி வெப்பமயமாதலும் முடி உதிர்வுக்குக் காரணங்களாகக் கூறப்படுகின்றன. புவி வெப்பமயமாதலால் நமது உடல் எளிதாக உஷ்ணமடையும், இதனால் நம் தலைமுடியே பெரும்பாலும் பாதிக்கப்படும். உடல் உஷ்ணத்தால் முடிஉதிர்வு மட்டுமல்லாமல், முடி வறட்சி, பொடுகு, புண்கள், வியர்வைத் திட்டுகள் போன்ற பாதிப்புகளும் ஏற்படுகின்றன. அதே நேரத்தில், போதுமான தூக்கம் இல்லாததும் முடி உதிர்வுக்கு வழிவகுக்கும். முடி உதிர்வு ஆண்கள் ஏன் `பெடிக்யூர்’ செய்துகொள்ள வேண்டும்..? இந்தச் சமயத்தில், தலைக்கு எண்ணெய் வைப்பது, சீயக்காய் தேய்ப்பது போன்ற இயற்கையான முறைகளில் நம் முடியைப் பராமரிப்பதுடன் நேச்சுரல்ஸால் பரிந்துரைக்கப்படும் ‘ஒலா ப்ளெக்ஸ்’ என்ற ஹேர் ஸ்பா அழகியல் சிகிச்சை நம் தலைமுடியின் ஆரோக்கியத்தை பன்மடங்கு மேம்படுத்தும் என்று கூறப்படுகிறது. அது என்ன `ஒலா ப்ளெக்ஸ் ஹேர் ஸ்பா’….? இதை பற்றி நேச்சுரல்ஸின் சிகை அலங்கார நிபுணர் விமலாவிடம் கேட்டபோது,”பொதுவாக, ஹேர் ஸ்பா போன்ற மசாஜ் முறை சிகிச்சையைச் செய்துகொள்ளும்போது, கியூட்டிகல் (Cuticle) எனப்படும் தலைமுடியின் புறத்தோல் வரை சென்று, முடிக்கு தற்காலிகமான பொலிவையும், ஆரோக்கியத்தையும் மட்டுமே தரும். அத்துடன், நம் முடியின் PH (Potential for Hydrogen) நிலையையும் பராமரிக்க உதவுகிறது. ஆனால், இதில் எதுவும் தலை முடி வேரின் அடி ஆழம் வரை சென்று பிரச்னைகளைத் தீர்ப்பதில்லை. சருமம் மற்றும் கூந்தல் பொலிவுக்கு Medi-Facial: ஃபேஷியல் தெரியும்… அதென்ன மெடி- ஃபேஷியல்? ஒலா ப்ளெக்ஸ் என்று அழைக்கப்படும் இந்தப் புது வித ஹேர் ஸ்பா முறை சிகிச்சையானது, வெறும் தலை முடி உதிர்விற்குத் தீர்வு தரும் என்று கூறுவதைவிட நம் தலைமுடியின் ஆழத்தில் இருக்கும் ஹைட்ரஜன் (Hydrogen), ஐயோனிக் (Ionic), டைசல்ஃபைட் (Disulfide) பிணைப்புகளை பலப்படுத்துகிறது. இதனால், முடி உதிர்வு குறைவதுடன், உலர்ந்து, ஆரோக்கியம் இழந்து காணப்படும் முடிக்கு ஊட்டச்சத்து அளித்து, நம் தலைமுடிக்குப் புது வடிவம் கொடுக்கிறது. அமோனியா போன்ற ரசாயனங்கள் நிறைந்த ஷாம்பூ மற்றும் கண்டிஷ்னர்களை பயன்படுத்துவது, உப்பு நீர் அதிகம் இருக்கும் தண்ணீரில் தலைக்கு குளிப்பது போன்ற காரணங்களால் முடி சேதமைடைகிறது. இந்நிலையில், ஒலா ப்ளெக்சில் இருக்கும் பிஸ்-அமினோஆசிட் (Bis Amino Acid) எனும் உட்பொருள் முடியை ஆரோக்கியமாக்குவதுடன், முடிக்குத் தேவையான போஷாக்கையும் தருகிறது. அமினோ ஆசிட் என்று குறிப்பிடுவதனால், ஒலா ப்ளெக்ஸ் சிகிச்சையில் அதிக ரசாயனம் உபயோகப்படுத்தப்படுமோ என்று பயப்பட வேண்டாம். அமினோ ஆசிட் என்பது, லாக்டிக் ஆசிட், சிட்ரிக் ஆசிட் போன்ற இயற்கை வேதிப்பொருள். இது முடிக்குத் தேவையான ஈரப்பதத்தை வழங்குவதுடன், சீரில்லாமல் இருக்கும் பகுதிகளைச் சரி செய்யவும் உதவுகிறது. `ஒலா ப்ளெக்ஸ்’ சிகிச்சை எவ்வாறு செய்யப்படுகிறது..? முதலில், சிகை அலங்கார நிபுணர்களின் ஆலோசனைப்படி ஒலா ப்ளெக்ஸ் சிகிச்சையைச் செய்யலாமா வேண்டாமா என்று கருத்து கேட்டபின், சிகிச்சை தொடங்கப்படும். மேலும், எண்ணெய், ஷாம்பூ, சீரம், ஹேர் பேக்/மாஸ்க் மற்றும் மசாஜ் என ஒலா ப்ளெக்ஸ் பிராண்டின் தரமான பொருள்களுடன் கூடிய ஹேர் ஸ்பா சிகிச்சையைச் செய்தபின், நிபுணர்களின் ஆலோசனைப் படி தேவையான பொருள்களையும் உடனடியாகப் பயன்படுத்துவதன் மூலம் உங்கள் முடி விரைவில் புதுப் பொலிவுடன், புது ஆரோக்கியத்துடன் காட்சியளிக்க ஆரம்பிக்கும். ஹேர் கட் பண்ணப் போறீங்களா கேர்ள்ஸ்? லாங்கா... ஷார்ட்டா... மீடியமா... உங்க சாய்ஸ் எது? ஒலா ப்ளெக்ஸில் நீங்கள் என்ன எதிர்பார்க்கலாம்? ஒலா ப்ளெக்ஸ் அழகியல் சிகிச்சையைச் செய்துகொள்வதன் மூலம், சேதமடைந்த முடியின் ஆரோக்கியத்தை திரும்பப் பெற முடியும். ஆனால், இதை முடி உதிர்வுக்கான முழு தீர்வு தரும் என்று கூறுவதைவிட, முடி உதிர காரணமாகும் அனைத்து பிரச்னைகளுக்கும் தீர்வு தருகிறது என்று கூறலாம். மேலும் விவரங்களுக்கு: உடனே, உங்கள் அருகில் இருக்கும் Naturals Salon அணுகவும். Whatsapp number 909262626 | Whatsapp link

விகடன் 22 Feb 2024 4:31 pm

Medi-Facial: ஃபேஷியல் தெரியும்… அதென்ன மெடி- ஃபேஷியல்?

எத்தனையோ கிரீம் தடவியாச்சு, எவ்வளவோ சீரம் போட்டாச்சு, வித விதமா ஃபேஷியல் பண்ணிப் பார்த்தாச்சு, ஆனா சருமப் பிரச்னைகள் எதுவுமே சரியாக மாட்டேங்குது,” என நம்மில் பல பேர் இன்னும் புலம்பிக்கொண்டு தான் இருக்கிறோம். ஆனாலும், நம் சருமத்தை பொலிவுடனும், ஈரப்பதத்துடனும் தக்க வைத்துக்கொள்வதற்கு ஃபேஷியல் செய்துகொள்வது வழக்கமாகிவிட்டது. பார்லரிலோ, வீட்டிலோ, தேர்ந்த பிராண்டின் ஃபேஷியல் கிட்டை உபயோகப் படுத்துகிறோமா என்பதை உறுதி செய்த பின், கிளென்சிங், ஸ்க்ரபிங், மசாஜிங், ஃபேஸ் பேக் என முறையான செயல் முறைகளோடு ஃபேஷியல் செய்துகொள்வோம். இதனால், நம் சருமத்தில் இருக்கும் இறந்த செல்கள் நீக்கப்படுவதுடன், ரத்த ஓட்டம் பெருகி, முகத்திற்கு புது பொலிவும், புத்துணர்ச்சியும் வருகிறது. ஆனால், வழக்கமாக செய்யப்படும் ஃபேஷியல்களில் முகப்பருக்கள், கரும்புள்ளிகள், கருந்திட்டுகள், பிக்மென்ட்டேஷன் போன்ற பிரச்னைகளுக்கு நிரந்தர தீர்வுகாணமுடியாது, மாறாக முகத்திற்கு வெறும் மேலோட்டமான பொலிவை மட்டுமே தரும் என்கிற விமர்சனமும் வருகிறது. ஆனால், இதற்கு மாற்றாக, சரும மருத்துவர்களால் பரிந்துரைக்கபட்ட வேதி பொருள்களுடன் அறிமுகப்படுத்தபட்டிருக்கும் மெடி-ஃபேஷியல் பெண்களின் கவனத்தை வெகுவாகவே ஈர்த்திருக்கிறது. இது குறித்து நேச்சுரல்ஸ் பியூட்டி சலோனின் ஸ்கின் டிரெய்னர் அனுஷா செல்வமிடம் கேட்டபோது, “நாம் பார்லரில் செய்துகொள்ளும் ஃபேஷியல்களை காஸ்மெட்டிக் ஃபேஷியல் (Cosmetic Facial) என்று கூறுவோம். இது நம் சருமத்தில் மேலாக இருக்கும் சூப்பர்ஃபிஷியல் லேயரில் (Superficial Layer) மட்டுமே படிந்து, சருமத்திற்கு தற்காலிக பொலிவைக் கொடுக்கிறது. ஆனால்ஆனால், மெடி-ஃபேஷியல் (Medi-Facial) அல்லது ஃபார்மாசூட்டிகள் ஃபேஷியல் (Pharmaceutical Facial) எனக் கூறப்படும் இந்தப் புதுவித ஃபேஷியல் முறை, சருமத்தின் அடி ஆழம் வரை சென்று பிரச்னைக்குரிய நிலைகளை சரி செய்கிறது. தொடர்ந்து 2 அல்லது 3 முறை மெடி-ஃபேஷியல் செய்தாலே, முகப்பருக்கள், தழும்புகள், கருந்திட்டுகள், சருமம் உலர்தல் போன்ற பிரச்னைகள் சரியாகிவிடும். தேவைக்கு ஏற்ப மெடி-ஃபேஷியலின் விதமும் மாறுபடும். மெடி-ஃபேஷியல் செய்யத் தேவையான அத்தனை அழகு சாதனங்களிலும், சரும பராமரிப்பிற்கு அவசியமான, ஆக்டிவ்ஸ்(Actives) எனக் கூறப்படும், இயற்கை உட்பொருள்கள் அடங்கி இருக்கின்றன. கழுத்தில் உருவாகும் கருமையை (பிக்மென்ட்டேஷன்) அகற்ற கிளைகாலிக் ஆக்டிவ் (Glycolic Active) மற்றும் லாக்டிக் ஆக்டிவ் (Lactic Active) நிறைந்த கிரீம்கள் மற்றும் சீரம்கள் பயன்படுத்தப்படுகின்றன. மேலும், உலர்ந்த சருமத்தை மிருதுவாக்க ஹையலுரானிக் ஆக்டிவ்ஸ் (Hyaluronic Actives) மற்றும், முகப்பருக்கள், தழும்புகள் ஆகியவற்றை அகற்றுவதற்கு சாலிசிலிக் ஆக்டிவ்ஸ் (Salicylic Actives) உள்ளடங்கிய பொருள்களும் பயன்படுத்தப்படுகின்றன. இவை அனைத்துமே, சருமத்திற்கு தேவையான ஊட்டத்தைத் தரும் வேதிப் பொருள்களாக இருப்பதால் இதன் மூலம் எந்த விதப் பக்கவிளைவுகளும் நம் சருமத்திற்கு வராது” என்கிறார் அனுஷா. மெடி- ஃபேஷியல் செய்ய பெண்கள் ஏன் தயங்குகிறார்கள்? மெடி-ஃபேஷியல் என்று சொன்னாலே நமக்குள் ஒரு வித பயம் வந்து விடுகிறது. நம் சருமத்திற்கு சேருமா, சேராதா? நிறைய ரசாயனப் பொருள்கள் இருக்குமோ? உண்மையில், இதில் நாம் பயப்படுவதற்கு ஒன்றுமில்லை. பொதுவாக, மெடி-ஃபேஷியல் செய்தால் சருமத்தில் ஏற்கெனவே இருக்கும் சரும துவாரங்களும் (Pores), சூரியனால் பாதிக்கப்பட்ட பகுதிகளும் எரிச்சலுக்குள்ளாகும் என்று பலர் கூறி நாம் கேட்டதுண்டு. ஆனால், சில இடங்களில் மருத்துவர்கள் அதிக ரசாயனம் இருக்கும் கெமிக்கல் பீல்களை பயன்படுத்துவதுண்டு. இதனால், மெடி-ஃபேஷியல் செய்த பின் இரண்டு நாள்கள் வெளியே போகக்கூடாது என்றெல்லாம் அறிவுறுத்துவதுண்டு. ஆனால், நேச்சுரல்ஸால்(Naturals) பரிந்துரைக்கப்படும் ஸ்கின்-கியூ ஆர்-எக்ஸ் (SkinQ Rx) என்ற நிறுவனத்தில், சருமத்தை பாதிக்காத வேதிப் பொருள்களை கொண்டே மெடி-ஃபேஷியல் செய்யப்படுகிறது. மேலும், மெடி-ஃபேஷியல் செய்யப் பயன்படுத்தப்படும் அனைத்து அழகு சாதனங்களிலும் சருமத்திற்கு ஆரோக்கியத்தைத. தரும் வேதிப்பொருள்கள் மட்டுமே சேர்க்கப்படுகின்றன. நிறைய பேர், மெடி ஃபேஷியல் செய்யும்போது அதிக வேதிப்பொருள்கள் நிறைந்த பூச்சுகள் முகத்தில் பயன்படுத்தபடும் என்று பயப்படுவார்கள். ஆனால், இதில் 15% குறைவான வேதிப்பொருள்கள் மட்டுமே பயன்படுத்தப்படுகின்றன. வழக்கமாகச் செய்யப்படும் ஃபேஷியல்களில் வெள்ளை மற்றும் கரும்புள்ளிகள் ஸ்டீம் கொடுத்தபின் ஊசியால் குத்தி நீக்கப்படும். ஆனால், மெடி-ஃபேஷியலில் ஸ்க்வீசிங் டெக்னாலஜி மூலம் வெள்ளை மற்றும் கரும்புள்ளிகள் நீக்கப்படுகின்றன. மெடி-ஃபேஷியலில் நாம் என்ன எதிர்பார்க்கலாம்? சருமப் பிரச்னைகளுக்கு நிரந்தர தீர்வு… உங்களின் சரும பிரச்னைகளுக்கு மருத்துவம் சார்ந்த தீர்வு தேவைப்படும் பட்சத்தில் நீங்கள் மெடி- ஃபேஷியலை தேர்வு செய்யலாம். ஆனால், காஸ்மெட்டிக் ஃபேஷியலோ அல்லது மெடி-ஃபேஷியலோ, எதுவாக இருந்தாலும் Naturals-ன் தேர்ந்த அழகியல் நிபுணர் பரிந்துரைக்கும் ஃபேஷியலை செய்து கொள்வதே நல்லது. மேலும் விவரங்களுக்கு: உடனே, உங்கள் அருகில் இருக்கும் Naturals Saloon அணுகவும். Whatsapp number 909262626 | Whatsapp link :

விகடன் 21 Feb 2024 8:36 pm

Sex & Health: படுக்கையறையின் பவர்ஃபுல் டெக்னிக்... ஃபாலோ பண்ணுங்க..! - காமத்துக்கு மரியாதை - 145

'முந்தைய நாள் இரவு திருப்தியான தாம்பத்திய உறவுகொண்டால், மறுநாள் காலையில் எனர்ஜியாக அலுவலக வேலைகளைப் பார்க்கலாம்' என்கின்றன ஆய்வுகள். ஆனால், அலுவலகம், வீடு, குழந்தைகள், டெட்லைன், ஸ்ட்ரெஸ் என்று இன்றைய தம்பதிகள் ஓடிக்கொண்டிருக்கிறார்கள். தினசரி வாழ்க்கையின் ஸ்ட்ரெஸ் கணவன், மனைவிக்கிடையேயான தாம்பத்திய உறவைக் கொல்லாமல் இருக்க அவர்கள் என்ன செய்ய வேண்டும் என்று பாலியல் மருத்துவர் காமராஜிடம் கேட்டோம். ''முழுமையான செக்ஸ் உடம்பு வலியைக் குறைக்கும், தலைவலியைப் போக்கும். ஆபீஸ்ல ஏதோவொரு பிரச்னைன்னா நம்ம மக்கள் `மூடு இல்ல'ன்னு செக்ஸை அடுத்த நாளுக்குத் தள்ளி வெச்சிடுறாங்க. ஆனா, அன்னிக்கு செக்ஸ் வெச்சுக்கிட்டீங்கன்னா மன அழுத்தம் குறையுறதை நீங்களே அனுபவபூர்வமா தெரிஞ்சுக்க முடியும். Sex & Health தாம்பத்திய உறவில் foreplay மட்டும் போதுமா..? - காமத்துக்கு மரியாதை - 144 உடலுறவின் உச்சக்கட்டம் (Orgasm) மனிதர்களுடைய உடலிலும் மனதிலும் செய்கிற மேஜிக்ஸைபத்தி தெரிஞ்சுக்கிட்டீங்கன்னா, ரொம்ப ஆச்சர்யப்படுவீங்க. உச்சக்கட்டம் அடையுறப்போ மூளையிலிருந்து `மார்பின்' (Morphine) வலிநிவாரணியின் குணத்தையொத்த திரவம் ஒன்று சுரக்கும். உடல்வலியால் அவதிப்படுபவர்களுக்கு இந்த மார்பினைத்தான் பரிந்துரைப்போம். மனதை ரிலாக்ஸ் செய்வதற்கும் இதையேதான் தருவோம். `அப்படின்னா உச்சக்கட்டம் வந்தாதான் மார்பின் சுரக்குமா டாக்டர்'னு கேட்கத் தோணலாம். ஆண்களைப் பொறுத்தவரை 99 சதவிகிதம் பேர் உச்சக்கட்டம் அடைந்துவிடுகிறார்கள். பெண்களில் சிலருக்குக் கிடைக்காமல் போகலாம். ஆனால், உறவு கொள்ளும்போது சுரக்கிற மற்ற ஹார்மோன்கள் வலி நிவாரணியாகவும் மன அழுத்தம் போக்கும் மருந்தாகவும் செயல்பட்டுவிடும். இந்த எஃபெக்ட் அடுத்த ஒரு நாள் வரை இருக்கும்'' என்றவர், இதற்கு கணவன் -மனைவி ஃபாலோ செய்ய வேண்டிய வழிகளையும் சொன்னார். ''படுக்கையறையைப் பொறுத்தவரைக் கணவன் - மனைவி இருவரைத் தவிர வேறு ஒருவர் இருந்தால், அதைக் கூட்டம் என்றுதான் எடுத்துக்கொள்ள வேண்டும். குழந்தைகளையும் சேர்த்தே சொல்கிறேன். `மகள் முழிச்சிப்பாளோ; மகன் பார்த்திடுவானோ' என்று பயந்து பயந்து வைத்துக்கொள்ளும் உறவில் உச்சக்கட்டம் அடைவது கடினம். அடுத்த பாயின்ட் மிக மிக முக்கியமானது. இரவுகளில் தம்பதியர் ஆடையில்லாமல் படுத்தாலே அது செக்ஸில்தான் முடியும். அணிந்திருக்கும் ஆடை மேல் கை படுவதற்கும், வெதுவெதுப்பான மெத்தென்ற உடலின்மீது கை படுவதற்கும் வித்தியாசம் இருக்கிறதல்லவா? இப்படிப் படுத்தால் இரவிலிருந்து காலைக்குள் ஏதோ ஒரு நேரத்தில் உறவு நிகழ்ந்துவிடும். இது வெரி வெரி பவர்ஃபுல் டெக்னிக். இதில் சிரிப்பதற்கோ, ச்சீய்... என்பதற்கோ ஒன்றுமே இல்லை. ஆராய்ச்சி செய்யப்பட்டு நிரூபிக்கப்பட்ட வழிமுறை இது. நம் நாட்டில் பெரும்பாலானோர் குழந்தைகளுடன் படுப்பதால் இந்த முறையை முயற்சி செய்து பார்ப்பதே இல்லை. Dr. Kamaraj காமசூத்ரா சொல்லும் `யோனிப்பொருத்தம்' Vs இந்தக்கால கெமிஸ்ட்ரி... - காமத்துக்கு மரியாதை - 142 அடிக்கடி உறவு வைத்துக்கொள்பவர்களுக்கு நோய் எதிர்ப்பு சக்தி அதிகரிக்கும். ஜலதோஷம், காய்ச்சல் வராது. உறவுகொள்ளும்போது மகிழ்ச்சிக்கான ஹார்மோன்கள் சுரப்பதால் தற்கொலை எண்ணம் வராது. வந்தாலும் தடுக்கப்படும். ஸ்ட்ரெஸ் குறையும். ரத்த அழுத்தம் சீராகும். இதனால் 10 வருடங்கள் கூடுதலாக வாழலாம். அதிலும் இளமையாக வாழலாம். ஹார்ட் அட்டாக் வருவதற்கான வாய்ப்பு மூன்றில் ஒரு பங்காகக் குறையும். பெண்களுக்கு கர்ப்பப்பை வாய்ப் புற்றுநோய் ஆபத்து குறையும். ஆண்களுக்கு புராஸ்ட்டேட் கேன்சர் ஆபத்து குறையும்'' என்கிறார் டாக்டர் காமராஜ்.

விகடன் 21 Feb 2024 6:00 pm

Body Shaming: புன்னகையின் விலை உயிரா..? திருமணம் நெருங்கும்போது நடந்த சோகம்..!

ஹைதராபாத்தை சேர்ந்த 28 வயது லட்சுமி நாராயணாவுக்கு அடுத்த மாதம் திருமணம். சமீபத்தில்தான் நிச்சயதார்த்தம் முடிந்திருந்தது. ‘நம்முடைய சிரிப்பு இன்னும் கொஞ்சம் வசீகரமாக இருந்தால் நன்றாக இருக்குமே’ என திடீரென ஓர் ஆசை புது மாப்பிள்ளைக்கு. என்ன செய்யலாம் எனத் தேடியதில் அழகான புன்னகைக்கும் அறுவை சிகிச்சை இருப்பது தெரிந்தது. 'ஸ்மைல் டிசைனிங் சர்ஜரி' (Smile designing surgery) என்ற பெயரே அவ்வளவு நம்பிக்கையூட்டுவதாக இருந்தது. ஹைதராபாத்திலுள்ள பிரபல பல் மருத்துவமனைக்கு கடந்த பிப்ரவரி 16-ம் தேதி உற்சாகமாகச் சென்றார். துரதிர்ஷ்டவசமாக அதே நாளில் அறுவை சிகிச்சையால் உயிரிழந்துள்ளார். சித்திரிப்பு படம் Doctor Vikatan: பீட்ரூட் சாப்பிட்டால் சிறுநீர் சிவப்பாக வெளியேறுமா? ‘‘என் மகனுக்கு எந்த உடல்நல பிரச்னையும் இல்லை. ஆரோக்கியமாகவே இருந்தான். அறுவை சிகிச்சை பற்றி எங்களிடம் அவன் கூறவில்லை. மருத்துவமனை சார்பிலும் எங்களிடம் எந்த ஒப்புதலும் வாங்கவில்லை. அறுவை சிகிச்சை செய்வதற்கு 16-ம் தேதி மாலை 4.30-க்கு ஆபரேஷன் தியேட்டருக்கு அழைத்துச் சென்றுள்ளனர். அங்கு ஏதோ விபரீதம் நிகழ்ந்திருக்கிறது. அவன் முழுவதும் மயக்கமடைந்த பிறகு 7 மணிக்கு எனக்குத் தகவல் சொல்லி அவசரமாக வரவழைத்தார்கள். அருகிலுள்ள பெரிய தனியார் மருத்துவமனைக்குக் கொண்டு சென்றோம். அங்கு பரிசோதித்த மருத்துவர்கள் ‘உங்கள் மகன் ஏற்கெனவே உயிரிழந்துவிட்டார்’ என்று சொல்லிவிட்டனர். அறுவை சிகிச்சையில் நடந்த தவறே இதற்கு காரணம். அதிகப்படியான அனஸ்தீசியாவும் கொடுக்கப்பட்டிருக்கிறது என்று சந்தேகிக்கிறோம்’’ என்று கண்ணீர் மல்கக் கூறியிருக்கிறார் லட்சுமி நாராயணாவின் தந்தை. இது குறித்து போலீசிலும் புகார் செய்துள்ளார் லட்சுமி நாராயாணாவின் தந்தை. ''மருத்துவமனை பற்றிய தரவுகளையும், கேமரா பதிவுகளையும் ஆய்வு செய்து வருகிறோம். விசாரணை நடந்து வருகிறது. பிரேத பரிசோதனை முடிந்த பிறகு அடுத்தகட்ட நடவடிக்கை எடுக்க முடியும்'' என்று போலீசார் கூறியுள்ளனர்.  சம்பந்தப்பட்ட மருத்துவமனை, தனது இணையதளத்தில் ’இதுவரை 55-க்கும் அதிகமான விருதுகளைப் பெற்ற நம்பகத்தன்மை மிக்க மருத்துவமனையாக கடந்த 2017-ம் ஆண்டு முதல் செயல்பட்டு வருகிறோம்’ என்று குறிப்பிட்டுள்ளது. (சித்திரிப்பு படம்) Doctor Vikatan: பப்பாளிப்பழம் சாப்பிட்டால் அதிகரிக்கும் உடல் சூடு... தவிர்க்க வழிகள் உண்டா? இதுகுறித்து கருத்து தெரிவித்துள்ள சில நிபுணர்கள், ‘சாதாரணமான ஒரு காய்ச்சலுக்காக ஒரு மருத்துவரிடம் சிகிச்சைக்குச் செல்லும்போதே பலவிதமான அடிப்படையான கேள்விகள் நோயாளியிடம் கேட்கப்படுகின்றன. பலவித பரிசோதனைகளும் நடைபெறுகின்றன. இந்த நிலையில், ஓர் அறுவை சிகிச்சை அவ்வளவு எளிதில் நடைபெறாது. மருத்துவத்தில் அதற்கென கடுமையான விதிமுறைகள் உள்ளன. அப்படியிருந்தும் ஓர் உயிரிழப்பு நடப்பது துரதிர்ஷ்டவசமானது. இதுகுறித்து சட்ட ரீதியான விசாரணையுடன் மருத்துவரீதியான ஆய்வுகளும் தேவை. அழகு சிகிச்சைகளும் நவீன மருத்துவத்தில் நம்பிக்கை தரும் ஒரு பிரிவுதான். அவற்றைத் தவிர்க்க முடியாது. பிரச்னை என்னவென்று கண்டறிந்து சரி செய்ய வேண்டும்’ என்கிறார்கள். இதில் உளவியல் ரீதியான கோணம் முக்கியத்துவம் பெறுகிறது. இன்றைய நவீன யுகத்தில் உருவகேலியும் (Body Shaming), உடல்தோற்றத்துக்குக் கொடுக்கும் முக்கியத்துவமும் அதிகமாகியுள்ளது. தங்களை பற்றி குறைவான மதிப்பீடு கொண்டவர்கள்தான் இதுபோன்ற அழகு சிகிச்சையில் பலியாடுகள். எப்படியேனும் தங்கள் உருவ அமைப்பை மாற்றிக் கொள்ள முடியுமா என அவர்கள் அலைபாய்கின்ற்னர். அறுவை சிகிச்சை செய்யுமளவுக்கும் அவசரப்படுகிறார்கள். பல் சிகிச்சை (சித்திரிப்பு படம்) Doctor Vikatan: உதிர்ந்து மெலியும் புருவங்கள்... அடர்த்தியாக வளரச் செய்ய வழிகள் உண்டா? அவசியமான சூழ்நிலைகள் தவிர்த்து இதுபோல் அழகு சிகிச்சைக்கான அறுவை சிகிச்சைகளைத் தவிர்ப்பதே நல்லது. குடும்பத்தினரிடம் மருத்துவத் தகவல்களை மறைக்கக் கூடாது. கஷ்டப்பட்டு சம்பாதித்த பணத்தையும், தங்களின் இன்னுயிரையும் இழப்பதைக் காட்டிலும் தன்னம்பிக்கையுடன் உலகை எதிர்கொள்கிற மனிதர்களே அழகான மனிதர்கள் என்றே சொல்ல வேண்டும்! - ஜி.ஸ்ரீவித்யா

விகடன் 21 Feb 2024 2:21 pm

Doctor Vikatan: பீட்ரூட் சாப்பிட்டால் சிறுநீர் சிவப்பாக வெளியேறுமா?

Doctor Vikatan: மருந்து, மாத்திரைகள் உட்கொள்ளும்போது சிறுநீர் மஞ்சளாக வெளியேறுவது ஏன்... அதே போல பீட்ரூட் போன்ற கலர்ஃபுல் உணவுகளைச் சாப்பிட்டால் சிறுநீர் சிவப்பாக வெளியேற வாய்ப்பு உண்டா? பதில் சொல்கிறார் சென்னையைச் சேர்ந்த சிறுநீரக அறுவைசிக்சை மருத்துவர் யுவராஜ் சிறுநீரக அறுவைசிக்சை மருத்துவர் யுவராஜ் Doctor Vikatan: பப்பாளிப்பழம் சாப்பிட்டால் அதிகரிக்கும் உடல் சூடு... தவிர்க்க வழிகள் உண்டா? பொதுவாக, சிறுநீர் மஞ்சள் நிறத்தில் வெளியேறாது. தண்ணீரும் நம் உடலிலிருந்து வெளியேற வேண்டிய கழிவுகளுமே சிறுநீராக வெளியேறுகின்றன. வெளியேற வேண்டிய சாரமானது அதிகமாக இருக்கும்பட்சத்தில் சிறுநீரின் நிறம் மாறும். அதுவே வெளியேறும் சாரம் குறைவாக இருந்து, நீர்த்தன்மை அதிகமிருந்தால் சிறுநீர் வெளிர் நிறமாகவே வெளியேறும். நிறைய தண்ணீர் குடிப்பவர்களுக்கு அது வியர்வை மூலம் வெளியேறும் பட்சத்தில் சிறுநீர் அதிகம் வெளியேறாமல் இருக்கலாம். உதாரணத்துக்கு, நீங்கள் நான்கு லிட்டர் தண்ணீர் குடித்துவிட்டு, உடலை வருத்திக் கடுமையான வேலைகளைச் செய்கிறீர்கள்.... அதனால் அதிகம் வியர்க்கிறது என்ற பட்சத்தில், உங்களுக்கு சிறுநீர் வெளியேற்றம் குறைவாக இருக்கலாம். அதனால் சிறுநீரின் நிறம் லேசாக கலங்கலாக இருக்கலாம். மருந்து, மாத்திரைகள் எடுக்கும்போது, அந்த மருந்துகளின் சாரம் இறங்குவதால், சிறுநீர் மஞ்சள் நிறத்தில் வெளியேறும். அது  இயல்பானதுதான். மாத்திரை, மருந்துகளை நிறுத்தியபிறகு சிறுநீரின் நிறம் இயல்பாக மாறிவிடும். சில மாத்திரைகளை எடுக்கும்போது சிறுநீர் மஞ்சளாகவோ,  சிவப்பாகவோ வெளியேறலாம்.  சிறுநீர் Doctor Vikatan: சிறுநீர் கழிக்காமல் அழும் குழந்தை... சிறுநீர் துவார அடைப்புக்கு ஆபரேஷன்தான் தீர்வா? அளவுக்கதிமான, கடினமான உடற்பயிற்சிகளைச் செய்யும்போது, வழக்கத்தைவிட அதிக உடலுழைப்பு கொடுத்து எடை தூக்குவது போன்ற பயிற்சிகள் செய்யும்போது (muscle breakdown ) சிறுநீர் அடர் மஞ்சளாகவோ, பிரவுன் நிறத்திலோ வெளியேறலாம். மற்றபடி உணவுக்கும் சிறுநீரின் நிறத்துக்கும் எந்தத் தொடர்பும் இல்லை. பீட்ரூட் உட்பட கலர்ஃபுல் உணவுகள் எல்லாவற்றுக்கும் இது பொருந்தும்.  உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 21 Feb 2024 9:00 am

புற்றுநோயாளிகளுக்கான விக்; ஆர்வத்துடன் முடிதானம் செய்த கல்லூரி மாணவிகள்..!

புற்றுநோயாளிகளுக்கான முடிதான நிகழ்வில், ரோட்டரி சங்க உறுப்பினர்களுடன் இணைந்து, கல்லூரி மாணவிகளும் முன்வந்து போட்டி போட்டுக்கொண்டு முடிதானம் வழங்கிய நிகழ்வு, பார்ப்பவர்களுக்கு நெகிழ்ச்சியை ஏற்படுத்தியது. ஆனந்த ஜோதி ``உணவு தானிய உற்பத்தியில் சீனாவுக்கு அடுத்து இரண்டாவது இடத்தில் இந்தியா..! மதுரை மாவட்ட அனைத்து ரோட்டரி சங்கம் சார்பில் கேன்சர் விழிப்புணர்வும், கேன்சரால் பாதிக்கப்பட்டவர்களுக்கு முடி தானம் வழங்கும் நிகழ்ச்சியும் மதுரை திருப்பாலை யாதவர் மகளிர் கல்லூரியில் நடைபெற்றது. ரோட்டரி பெண் உறுப்பினர்கள் மற்றும் மாணவிகள் முடி தானம் வழங்கும் நிகழ்வை ரோட்டரி மாவட்ட ஆளுநர் ஆனந்தஜோதி ராஜ்குமார் தொடங்கி வைத்தார். முடிதான நிகழ்ச்சி ரோட்டரி சங்கத்தை சேர்ந்த ரேவதி குமரப்பன் தலைமையில் நடைபெற்ற இந்த விழாவில், ஏராளமானவர்கள் கலந்துகொண்டனர். கேன்சர் நோயாளிகளுக்கு, கீமோ தெரபியின் விளைவாக முடி உதிரும் சூழல் ஏற்படுகிறது. அவர்களுக்கு, இயற்கையான கேசக் கற்றைகளைக் கொண்டு விக்குகள் தயாரிக்க முடிதானம் மிகவும் உதவுகிறது. அந்த வகையில்தான், கல்லூரிகளில் கேன்சர் குறித்த விழிப்புணர்வு நிகழ்ச்சிகளும் முடிதான நிகழ்ச்சிகளும் நடத்தப்படுகின்றன. நிகழ்ச்சியில் ``என் தவறுக்குப் பிராயச்சித்தம், இந்தப் பரிசு’’ - மாணவிகளை நெகிழ்த்திய எம்.பி எம்.எம்.அப்துல்லா இந்த நிகழ்ச்சியிலும், புற்றுநோய் குறித்த விழிப்புணர்வு தகவல்கள் பகிரப்பட்ட பின்னர், பலரும் போட்டிபோட்டு முடி தானம் செய்தனர். தானமாகப் பெறப்பட்ட முடியின் மூலம் கேன்சரால் பாதிக்கப்பட்ட பெண்களுக்கு சிறப்பான முறையில் விக்குகள் தயாரித்து வழங்க உள்ளதாகத் தெரிவித்தனர். குறிப்பாக மாணவிகள், ‘’இது எங்களுக்கு நிறைவான ஓர் உணர்வை தருகிறது. தொடர்ந்து, முடிதானத்தை நாங்கள் செய்வதோடு எங்களுக்குத் தெரிந்தவர்களுக்கும் இது குறித்த விழிப்புணர்வை ஏற்படுத்துவோம்’’ என்றனர். இந்நிகழ்வில் ஒருங்கிணைப்பாளர்கள் ராஜ்குமார், கிருபா தியானேஷ், டாக்டர் சுரேஷ் பாண்டியன், மண்டல செயலாளர்கள் முருகானந்த பாண்டியன், அசோக், உதவி ஆளுநர்கள் டாக்டர் ரமணன் கவுசல்யா, ஆண்டனி, செய்தி தொடர்பாளர் நெல்லை பாலு உள்ளிட்ட பலரும் கலந்து கொண்டனர்.

விகடன் 20 Feb 2024 3:40 pm

Doctor Vikatan: பப்பாளிப்பழம் சாப்பிட்டால் அதிகரிக்கும் உடல் சூடு... தவிர்க்க வழிகள் உண்டா?

Doctor Vikatan: எளிதாகக் கிடைக்கும் பப்பாளிப்பழம் (Papaya) ஆரோக்கியத்திற்கு நல்லது என்கிறார்கள். ஆனால், அதில்  சில துண்டுகள் அதிகம் சாப்பிட்டால் உடல் உஷ்ணம் கூடி கஷ்டப்படுத்துகிறது. இதைத் தவிர்க்க என்ன செய்யலாம்... விதையில்லாத பப்பாளிப்பழம் நல்லதா.... ஒருவர் ஒருநாளைக்கு எவ்வளவு பப்பாளிப்பழம் சாப்பிடலாம்? -என்.கோமதி, நெல்லை-7    பதில் சொல்கிறார் சென்னையைச் சேர்ந்த அரசு சித்த மருத்துவர் வரலட்சுமி அரசு சித்த மருத்துவர் வரலட்சுமி பப்பாளிப்பழம் சாப்பிட்ட உடன் உடல் உஷ்ணம் அதிகரிப்பதாக உணர்பவர்கள், பழம் சாப்பிட்டதும் 50 மில்லி பால் எடுத்துக்கொள்ளலாம். பால் பிடிக்காதவர்கள் சிறிதளவு பனங்கற்கண்டு அல்லது நாட்டுச்சர்க்கரை எடுத்துக் கொள்ளலாம். எப்போதுமே விதைகள் உள்ள பப்பாளிப் பழங்களைத்தான் சாப்பிட வேண்டும். விதைகளற்ற பழங்களைச் சாப்பிடக்கூடாது. விதையுள்ள பழங்களைச் சாப்பிடும்போதுதான் உடல் உறுப்புகள் ஆரோக்கியமடையும். பப்பாளிப் பழத்தைப் பொறுத்தவரை மிகவும் கனிந்த பழத்தைவிட, செங்கனியாக இருப்பது சிறந்தது. நீரிழிவு பாதிப்பு உள்ளவர்கள்கூட அதை எடுத்துக்கொள்ளலாம், சர்க்கரை அளவு அதிகரிக்காது.  papaya with seeds Doctor Vikatan: உதிர்ந்து மெலியும் புருவங்கள்... அடர்த்தியாக வளரச் செய்ய வழிகள் உண்டா? பப்பாளியில் எக்கச்சக்கமான சத்துகள் அடங்கியுள்ளன. வைட்டமின் ஏ சத்து அபரிமிதமாக இருக்கும். கல்லீரல் ஆரோக்கியத்துக்கான சத்துகள், ஆன்டிஆக்ஸிடன்ட்ஸ் அதிகம்.  இத்தனை சத்துகள் இருந்தாலும், பப்பாளியை அளவுக்கு அதிகமாக எடுத்துக்கொள்ளக்கூடாது. பெரிதாக ஒரு துண்டும், சின்னதாக ஒரு துண்டும் மட்டுமே எடுத்துக்கொண்டால் போதுமானது அல்லது நறுக்கிய துண்டுகள் ஒரு கப் அளவுக்கு எடுத்துக்கொள்ளலாம். அதிகபட்சமாக 100 முதல் 150 கிராம் அளவுக்கு எடுத்துக்கொள்ளலாம். அதைத் தாண்ட வேண்டாம். இந்தப் பழத்தில் நார்ச்சத்தும் மிக அதிகம். கண்களுக்கு நல்லது. உடல் சூடாக உள்ளபோது இந்தப் பழத்தை எடுக்க வேண்டாம். நீர்க்கடுப்பு உள்ளபோதும் இந்தப் பழத்தை எடுக்க வேண்டாம். Urinary Infection (Representational Image) Doctor Vikatan: தினமும் வெற்றிலை, பாக்கு போடுவது சரியானதா... அதனால் பற்கள் கறையாகுமா? செரிமானத் தன்மை மிகக் குறைவாக இருக்கும்போது மிகக்குறைந்த அளவுதான் பப்பாளி சாப்பிட வேண்டும். அதாவது, 50 கிராம் அளவு போதுமானது. அதுவே, வயிறு ஆரோக்கியமாக இருக்கும்போது 100 முதல் 150 கிராம் வரை எடுத்துக்கொள்ளலாம். காலை உணவுக்கு பதில் பப்பாளிப்பழத்தை மட்டுமேகூட எடுத்துக்கொள்ளலாம். காலையில் எடுத்துக்கொள்வது சிறந்தது என்றாலும், இந்தப் பழத்தை காலை, மதியம், இரவு என எப்போது வேண்டுமானாலும் எடுத்துக்கொள்ளலாம். உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 20 Feb 2024 9:00 am

Doctor Vikatan: உதிர்ந்து மெலியும் புருவங்கள்... அடர்த்தியாக வளரச் செய்ய வழிகள் உண்டா?

Doctor Vikatan: எனக்கு சிறுவயதில் புருவங்கள் (Eyebrows) அடர்த்தியாக, கருமையாக இருக்கும். இப்போது 40 வயதில் புருவங்கள் மெலிந்துகொண்டே வருகின்றன. புருவ முடிகள் நரைக்கவும் தொடங்கிவிட்டன. இந்தப் பிரச்னைக்கு காரணம் எனன்.... சரிசெய்ய முடியுமா? பதில் சொல்கிறார், சென்னையைச் சேர்ந்த அரோமாதெரபிஸ்ட் கீதா அஷோக். கீதா அஷோக் Doctor Vikatan: கர்ப்பிணிகள் மாடிப்படிகளில் ஏறி, இறங்கினால் `abortion' ஆகுமா? உங்களுக்கு இருக்கும் இந்த 'ஸ்கேன்ட்டி ஐப்ரோஸ்' (scanty eyebrows) பிரச்னை நிறைய பேருக்கு இன்று இருக்கிறது. தலைமுடியோ, புருவங்களில் உள்ள முடியோ.... இல்லாததை வளரச் செய்வது என்பது சாத்தியமில்லாதது. மரபியல்ரீதியாக உங்களுக்கு அமைந்ததுதான் இருக்கும்.  மிகப் பிரபலமான நடிகைகளுக்கேகூட புருவங்கள் மிகத் திருத்தமாகவோ, அடர்த்தியாகவோ இருக்காது. அதுவே, உங்கள் பக்கத்துவீட்டுப் பெண்ணுக்கு அழகிய, அடர்த்தியான புருவங்கள் இருக்கலாம். எனவே, அது மரபணுக்கள் சம்பந்தப்பட்ட விஷயம். ஆகவே, இருப்பதைத் தக்கவைத்துக்கொள்ள முயற்சிகள் எடுக்கலாம். புருவங்களில் உள்ள முடிகள் உதிர முக்கிய காரணம், பொடுகு பிரச்னை. அதாவது, கண்ணுக்குத் தெரியும்வகையான பொடுகு. தலைவாரும்போது உங்கள் உடையில் உதிரும்படி வெளிப்படையாகத் தெரியும் இந்தப் பொடுகு, புருவங்களில் உள்ள முடியை மட்டுமன்றி, கண் இமைகளில் உள்ள முடியையும் உதிரச் செய்யலாம். பொடுகானது, முடியின் வேர்களை அடைத்துக்கொள்ளும். அதனால் முடிக்குத் தேவையான ஆக்ஸிஜன் தடைப்படும்.  பொடுகுத் தொல்லை (Representational Image) Doctor Vikatan: இதய நோயாளிகள் தினமும் முட்டை சாப்பிடலாமா..? பிறந்த குழந்தையைக் குளிப்பாட்டியதும், பவுடரை எடுத்து உச்சந்தலையிலும்  புருவங்கள் உட்பட முகம் முழுவதும் தடவி விடுவார்கள். அதுவும் சருமத் துவாரங்களை அடைத்துக்கொள்ளும். 5 மாதக் குழந்தைக்கு நீங்கள் செய்கிற விஷயம், அதன் 20 வயதில் வழுக்கை விழ பெரிய காரணமாக அமையும். அதேபோல, பெரியவர்களும் முகத்துக்கு லூஸ் பவுடர் தடவுவார்கள். அதுவும் சருமத் துவாரங்களை அடைத்துக்கொள்ளும். இதைத் தொடர்ந்து செய்யும்போது முடிக்கு ரத்த ஓட்டமும் தடைப்பட்டு, உதிரத் தொடங்கும்.  புருவங்களை அடர்த்தியாகக் காட்ட மேக்கப் செய்வார்கள் சிலர். அது தவறில்லை, ஆனால், இரவில் அதை முறையாக நீக்கிவிட்டுத் தூங்கச் செல்ல வேண்டும். புருவங்கள் மெலியும் இந்தப் பிரச்னைக்கு (scanty eyebrows) எளிய சிகிச்சை ஒன்று சொல்கிறேன். விளக்கெண்ணெய், கேரட் சீட் ஆயில்,  வெஜிடபுள் கிளிசரின் மூன்றையும் வாங்கிக் கொள்ளவும். 50 மில்லி விளக்கெண்ணெயில் (castor oil) 300 சொட்டு கேரட் சீட் ஆயில் (carrot seed oil) சேர்க்கவும். 5 மில்லி கிளிசரின் (glycerin) சேர்க்கவும். கலந்து ஒருநாள் முழுவதும் அப்படியே வைத்திருக்கவும்.    castor oil Doctor Vikatan: கெமிக்கல் கலந்த ஹேர் டை, மூலிகை ஹேர் டை... இரண்டில் எது ஆரோக்கியமானது? புருவங்களை வெந்நீரில் நனைத்த துணியால் துடைத்துவிடவும். பிறகு, புருவங்களுக்கான சின்ன சீப்பு வைத்து எதிர்த்திசையில் வாரிவிடவும். பிறகு, தயார் செய்துவைத்துள்ள எண்ணெய்க் கலவையில் விரலைத் தொட்டு, புருவங்கள் வளரும் திசையிலேயே மீண்டும் மீண்டும் தடவவும். அரை மணி நேரம் அப்படியே விடலாம். ஐப்ரோ பென்சிலின் முனைப்பகுதியை நீங்கள் தயாரித்துவைத்துள்ள எண்ணெய்க் கலவையில் மூழ்கும்படி போட்டு வையுங்கள். இரவு தூங்கும் முன் மீண்டும் புருவங்களை எதிர்த்திசையில் வாரிவிட்டு, எண்ணெயில் ஊறிய ஐப்ரோ பென்சிலால் புருவங்களின்  மேல் ஏழெட்டு முறை வரைந்துவிட்டு அப்படியே  தூங்கிவிடுங்கள். மறுநாள் காலை கழுவிவிடுங்கள். Eyebrows (representational image) Doctor Vikatan: சரும அழகை மேம்படுத்துமா ஆட்டுப்பால், கழுதைப்பால் சோப்? தொடர்ந்து ஒரு மாதம் இப்படிச் செய்துவந்தால் உங்கள் புருவங்கள் போஷாக்கு அடைந்து, உதிர்ந்த முடிகள் மீண்டும் உயிர்பெற்று, கருமையாக வளரத் தொடங்கும். இதற்கெல்லாம் முன் பொடுகு இருந்தால் அதற்கான முறையான சிகிச்சைபெறவும் தயங்காதீர்கள். உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 19 Feb 2024 9:00 am

தாம்பத்திய உறவில் foreplay மட்டும் போதுமா..? - காமத்துக்கு மரியாதை - 144

தாம்பத்திய உறவுக்கு முந்தைய விளையாட்டுகள் (Foreplay) என்கிற வார்த்தையை பல வருடங்களாக கேள்விப்பட்டிருக்கிறோம். கடந்த ஓரிரண்டு வருடங்களாகத்தான் அதுபற்றி பேச ஆரம்பித்திருக்கிறோம். உறவுக்கு முந்தைய விளையாட்டுகள் ஏன் அவசியம்... உறவின் உச்சக்கட்டத்துக்கும் இது அவசியமா என்பது பற்றி மனநல மருத்துவர் அசோகனிடம் பேசினோம். Painful Intercourse Premature Ejaculation: விந்து முந்துதல்.. ஈஸியா சரி செய்யலாம்! I காமத்துக்கு மரியாதை - 143 Painful Intercourse: ''ஓட்டப்பந்தயத்துக்கு முன்னால் வார்ம் அப் செய்வது, சுவையான சாப்பாட்டுக்கு முன்னால் பிடித்த சூப் அருந்துவது போன்றதுதான் தாம்பத்திய உறவுக்கு முந்தைய விளையாட்டுகள். ஒரு தம்பதியரின் அறைக்குள் இருந்து மகிழ்ச்சியான சிரிப்பு சத்தம் கேட்கிறது என்றால், அதற்கு ஃபோர்பிளேவும் ஒரு காரணமாக இருக்கலாம். முழுமையான தாம்பத்திய உறவுக்கு இது உங்களை மனதளவிலும் உடலளவிலும் ஒரே நேரத்தில் தயார்படுத்தும். எதிர்பாராத முத்தம், பின்புறமாக ஓர் அணைப்பு என்று உங்கள் மனதுக்குப் பிடித்ததைச் செய்யலாம். இருவருடைய உடம்பிலும் மகிழ்ச்சிக்கான ஹார்மோன்கள் சுரக்கும். உடல் முழுக்க ரத்த ஓட்டம் அதிகரிக்கும். முக்கியமாக, பிறப்புறுப்புகளில். இது வலியில்லாத, எரிச்சலில்லாத நல்ல தாம்பத்திய அனுபவத்தைக் கொடுக்கும். முக்கியமாக, ஃபோர்பிளேவுடன் ஆரம்பிக்கப்பட்ட உறவில் கணவன், மனைவி இருவருமே உச்சக்கட்டம் அடைவதற்கான வாய்ப்புகள் மிக மிக அதிகம். அதனால், ஃபோர்பிளேவும் உங்கள் தாம்பத்தியத்தின் ஓர் அங்கமாக இருக்கட்டும்'' என்றவர், தாம்பத்திய உறவில் முன்விளையாட்டுகள் மட்டுமே போதுமா என்பது பற்றியும் விளக்கமாகப் பேசினார். Orgasm: ''செக்ஸ் என்பது கணவனும் மனைவியும் பரஸ்பரம் அன்பை வெளிப்படுத்திக்கொள்கிற ஒரு வழி. முன் விளையாட்டுகள் மட்டும் போதுமென்றோ, சுயஇன்பம் செய்துகொள்ளலாம் என்றோ இருந்துவிட முடியாது. சிலர் `முன்விளையாட்டுகளிலேயே திருப்தியாகிவிடுகிறேன்' என்பார்கள். அது உண்மையாகவே இருக்கலாம். மார்புப்பகுதியைத் தூண்டி விடுவது, பிறப்புறுப்பைத் தூண்டி விடுவது போன்ற முன் விளையாட்டுகளிலேயே சிலருக்கு உச்சக்கட்டம் நிகழ்ந்துவிடும். உச்சக்கட்டத்தைப் பொறுத்தவரை, வஜைனல் ஆர்கஸம், எக்ஸ்ட்ரா வஜைனல் ஆர்கஸம் என இரண்டு உண்டு . கணவன் - மனைவி பிறப்புறுப்புகள் இணைவது வஜைனல் ஆர்கஸம், பிறப்புறுப்பைத் தூண்டி விடுவதன் மூலம் உச்சக்கட்டத்தை அடைவது எக்ஸ்ட்ரா வஜைனல் ஆர்கஸம். Psychiatristist Ashokan காமசூத்ரா சொல்லும் `யோனிப்பொருத்தம்' Vs இந்தக்கால கெமிஸ்ட்ரி... - காமத்துக்கு மரியாதை - 142 Foreplay: சிக்மண்ட் ஃபிராய்டு, பிறப்புறுப்புகள் இணைகிற வஜைனல் ஆர்கஸம்தான் சிறந்தது என்று சொல்லியிருப்பார். ஆனால், அது சரியல்ல என்பதையும், வஜைனல் ஆர்கஸம் போலவே எக்ஸ்ட்ரா வஜைனல் ஆர்கஸமும் உச்சக்கட்ட இன்பத்தைத் தரும் என்பதையும் அடுத்தடுத்து செய்யப்பட்ட ஆராய்ச்சிகள் உறுதியாக நிரூபித்துவிட்டன. ஒரு மருத்துவராகச் சொல்கிறேன். தாம்பத்திய உறவு என்பது ஃபலூடா ஐஸ்க்ரீம்போல. ஃபோர்பிளேவிலேயே திருப்தியடைந்துவிட்டேன் என்பது ஃபலூடாவின் மேலிருக்கும் ஒரு லேயரை சாப்பிட்டுவிட்டு திருப்தி அடைந்துவிட்டேன் என்று சொல்வதுபோல. ஃபலூடாவின் அத்தனை லேயர்களையும் ருசியுங்கள். வாழ்க்கை இனிமையாக இருக்கும்.''

விகடன் 18 Feb 2024 6:00 pm

Happy Teeth: காலை உணவைத் தவிர்த்தால் வாய் துர்நாற்றம் ஏற்படுமா? #Bad Breath

Bad Breath காரணங்கள்: உலக அளவில் நான்கில் ஒருவருக்கு வாய் துர்நாற்றம் ஏற்படுகிறது என்கின்றன தரவுகள். வாய் துர்நாற்றத்துக்கான காரணங்களை பற்றி விரிவாக விளக்குகிறார் சென்னையைச் சேர்ந்த முக சீரமைப்பு அறுவை சிகிச்சை மருத்துவர் சுரேஷ் வீரமணி: வாய் துர்நாற்றம் I Bad Breath Happy Teeth: நாக்கில் வெள்ளையாகப் படிவது ஏன்? என்ன தீர்வு? 'நெருங்கிய நண்பன் கூட உன் வாய் துர்நாற்றத்தை பற்றி சொல்லமாட்டான்' என்றொரு வாசகம் உண்டு. வாய் துர்நாற்றம் மிகவும் பொதுவான பிரச்னையாகப் பார்க்கப்படுகிறது. இந்தப் பிரச்னைக்கு முக்கியமான காரணம் வாய் சுகாதாரம் பேணாமல் இருப்பது. பிரஷ் செய்யும்போது வேறு எந்த வேலையும் செய்யாமல், கவனம் செலுத்தாமல் முறையாக பிரஷ் செய்வது அவசியம். பல நேரங்களில் வேறு வேலை செய்தபடியோ, மொபைல், டிவி பார்த்துக்கொண்டோ முறையாக பிரஷ் செய்வதில்லை. பற்களின் உள்பக்கம் பிரஷ் செய்யும் பழக்கம் பலருக்கும் இருப்பதில்லை. அதே போல இரவு உறங்குவதற்கு முன்பு பிரஷ் செய்யும் பழக்கமும் பெரும்பாலானவர்களுக்கு இல்லை. இரவு உறங்குவதற்கு முன்பு பிரஷ் செய்யும் பழக்கமும் பெரும்பாலானவர்களுக்கு இல்லை. Happy Teeth: சர்க்கரை நோயாளிகள் பல் பிரச்னைகளால் பாதிக்கப்பட வாய்ப்பு அதிகமா? இதனால் வாயில் ஏதாவது உணவுப்பொருள் சிக்கியிருந்தால் அடுத்த நாள் காலை வரைக்கும் அது வாயில் தங்கியிருக்கும். இதனால் அந்தப் பகுதியில் பாக்டீரியாக்கள் உருவாவது, நோய்த்தொற்று ஏற்படுவது போன்றவை நடக்கும். இவையெல்லாம்தான் வாய் சுகாதாரத்தைக் குறைத்து வாய் துர்நாற்றத்தை ஏற்படுத்தும் அடிப்படை காரணங்கள். சொத்தைப் பல்: வலி கொடுக்கும் வரை சொத்தைப் பல்லை பற்றி கண்டுகொள்வதில்லை. பல் சொத்தையான இடத்தில் உணவுப்பொருள் சென்று சிக்கி துர்நாற்றத்தை ஏற்படுத்தலாம். துர்நாற்றத்துக்கு பல், வாய் சார்ந்த பிரச்னைகள்தான் காரணமாக இருக்கும் என்பதில்லை. கட்டுப்பாடில்லாத சர்க்கரை நோயாளிகளுக்கு வாய் துர்நாற்றம் ஏற்படலாம். புற்றுநோயாளிகளுக்கு வாய் உலர்வாக இருக்கும் என்பதால் துர்நாற்றம் ஏற்படலாம். சொத்தைப் பல் Happy Teeth: வாய் துர்நாற்றம் நீங்க சூயிங்கம் மெல்வது தீர்வாகுமா? வயிற்றில் பிரச்னை: அஜீரணப் பிரச்னையான GERD இருப்பவர்களுக்கு அடிக்கடி எதுக்களிப்பு தோன்றும். இதனால் வயிற்றில் உற்பத்தியாகும் அமிலம் வாய்ப்பகுதி வரை வந்து செல்லும் என்பதால் வாய் துர்நாற்றத்தை ஏற்படுத்தலாம். இந்த அமிலங்கள் பற்களின் கட்டமைப்பையும் பாதிக்கும். குறட்டைப் பழக்கம்: வாயின் இரு பகுதியிலும் அடிப்படையிலும் சில சுரப்பிகள் இருக்கும். அவைதான் எச்சிலை உற்பத்தி செய்யும். அந்த சுரப்பியில் நோய்த்தொற்று ஏற்பட்டால் எச்சில் உற்பத்தி பாதிக்கப்பட்டு வாய் துர்நாற்றம் ஏற்படலாம். தூக்கத்தில் குறட்டைவிடுபவர்கள் வாயைத் திறந்த நிலையில் தூங்குவார்கள். இதனால் வாய் எளிதில் உலர்வடைந்து துர்நாற்றம் (Bad Breath) ஏற்படுத்த வாய்ப்பு அதிகம். குறட்டைப் பழக்கம் Happy Teeth: 'ரூட் கனால்' சிகிச்சை யாருக்கெல்லாம் தேவை? உணவுப்பழக்கம் சில நேரங்களில் நம்முடைய உணவுப்பழக்கமும் இந்தப் பிரச்னைக்கு காரணமாக அமையும். புகைப்பழக்கம், மதுப்பழக்கம் உடையவர்களுக்கும் தூர்நாற்றம் ஏற்படலாம். புகைப்பழக்கம், மதுப்பழக்கம் ஈறுகளை பாதித்து, வாயை உலர்வாக வைத்து துர்நாற்றத்துக்கு வழிவகுக்கும். கார்பனேட்டட் குளிர்பானங்களில் அமிலத்தன்மை இருக்கும். அவற்றைக் குடிக்கும்போது பற்களின் முதல் அடுக்கான எனாமலை பாதிக்கிறது. எனாமல் ஒருமுறை பாதிக்கப்பட்டால் அதை மீண்டும் சரிசெய்ய முடியாது. எனாமல் பாதிக்கப்பட்டால் அடுத்ததாக பற்கூச்சம் ஏற்படும். சூடாகவோ, குளிர்ச்சியாகவோ எதையாவது சாப்பிட்டாலே பற்கள் கூசத் தொடங்கிவிடும். அதே போல அந்த பானங்களைக் குடித்த பிறகு வாய் உலர்வாக இருக்கும். இது துர்நாற்றத்தையும் ஏற்படுத்தும். Dr. Suresh Veermani மாத்திரை, மருந்துகள்: சில ஆன்டிபயாடிக் மருந்துகள், இரும்புச்சத்து டானிக், மல்டி வைட்டமின் மாத்திரைகள் எடுக்கும்போது சில நேரங்களில் வாய் துர்நாற்றம் ஏற்படலாம். மருந்து எடுத்துக்கொள்ளும் காலம் நிறைவடைந்த பிறகு அது தானாக மறைந்துவிடும். சிலருக்கு அடிக்கடி காலை உணவு, பிற வேளை உணவுகளைத் தவிர்க்கும் பழக்கம் இருக்கும். அப்படி உணவைத் தவிர்த்தாலும் போதுமான அளவு தண்ணீர் குடிக்க வேண்டும். உணவையும் தவிர்த்துவிட்டு தண்ணீரும் குடிக்காமல் இருந்தால் வாயில் துர்நாற்றம் ஏற்படலாம் என்றார். - வாய் துர்நாற்றத்துக்கான தீர்வுகள் அடுத்த அத்தியாயத்தில்... Bad Breath Happy Teeth: பல் மருத்துவரிடம் சென்றாலே பற்களை `க்ளீன்' செய்யச் சொல்வது ஏன்? பற்கள் பாதுகாப்பு, சிகிச்சை, வாய் சுகாதாரம் தொடர்பான சந்தேகங்களுக்கு விடைகளையும் ஆலோசனைகளையும் அளிக்கும் Happy Teeth தொடர் ஒவ்வொரு வாரமும் சனிக்கிழமை மாலை 6 மணிக்கு வெளியாகும். பற்கள் பராமரிப்பு பற்றி உங்களுக்கு ஏதேனும் சந்தேகம் இருந்தால், கமென்ட்ஸில் தெரிவிக்கவும். உங்கள் கேள்விகளுக்கு பல் மருத்துவர்கள் பதில் அளிப்பார்கள்.

விகடன் 17 Feb 2024 6:00 pm

Doctor Vikatan: இதய நோயாளிகள் தினமும் முட்டை சாப்பிடலாமா...?

Doctor Vikatan: இதயநோய் உள்ளவர்கள் முட்டை சாப்பிடலாமா...? இதய நோயாளிகள் எப்படிப்பட்ட உணவுகளைத் தவிர்க்க வேண்டும்? -கிடையூர் மாணிக்கம், சங்ககிரி, சேலம் மாவட்டம். விகடன் இணையத்திலிருந்து பதில் சொல்கிறார் சென்னையைச் சேர்ந்த, இதயநோய் மருத்துவர் அருண் கல்யாணசுந்தரம் மருத்துவர் அருண் கல்யாணசுந்தரம் Doctor Vikatan: Prediabetes... உணவுப்பழக்கம் மூலம் நீரிழிவாக மாறாமல் தடுக்க முடியுமா? இதயநோயாளிகள் (cardiac patients), ஒரு நாளைக்கு ஒரு முழு முட்டை (Eggs) சாப்பிடுவதில் எந்தப் பிரச்னையும் இருக்காது என்பதை உறுதிசெய்யும் ஆய்வுகள் சமீபகாலத்தில் நிறைய வந்திருக்கின்றன. பொதுவாகப் பார்த்தால்,  இதய நோய் இருக்கும் பட்சத்தில்,  வாரத்துக்கு இரண்டு முட்டைகள் வரை எடுத்துக்கொள்ளும்போது, அதனால் இதயநோயின் தீவிரம் அதிகரிப்பதில்லை.  ஆரோக்கியமான நபர்கள், ஒரு நாளைக்கு ஒரு முழு முட்டை எடுத்துக்கொள்ளலாம். அதுவே, இதயநோயாளிகள் தினமும் முட்டையின் வெள்ளைக் கருவை மட்டும் ஒன்று என்ற எண்ணிக்கையில் எடுத்துக்கொள்ளலாம். மஞ்சள் கருவில்தான் அதிக கொலஸ்ட்ரால் (cholesterol) இருக்கிறது என்பதால் அதை மட்டும் தவிர்த்துவிடலாம். முட்டை மஞ்சள் கரு Doctor Vikatan: கர்ப்பிணிகள் காய்ச்சலுக்கு பாராசிட்டமால் எடுத்துக்கொள்ளலாமா? ஆரோக்கியமான தாவர உணவுகள் மற்றும் விலங்கு உணவுகள் குறித்து சமீபத்தில் சுவாரஸ்யமான ஆய்வொன்று நடத்தப்பட்டது.  அந்த ஆய்வில், தாவர உணவுகள் சிறந்தவை என்று தெரியவந்திருக்கின்றன. அந்த வகையில், முட்டையை விடவும் தாவர உணவுகள் ஆரோக்கியமானவை என்பது தெரிகிறது. இதயநலனுக்கு மட்டுமல்ல, பொதுவாகவே உடல் ஆரோக்கியத்துக்கு  பாதகமான உணவுகளை பற்றி தெரிந்துகொள்ளுங்கள்.  அந்த வகையில் பேக்கேஜ் செய்யப்பட்ட இளநீர் மிகவும் ஆபத்தானது. பொதுவாக இளநீர் என்பது ஆரோக்கியமானது என்றாலும் பேக் செய்யப்பட்ட இளநீரில் சர்க்கரைச்சத்து அதிகம் என்பதால் ஆரோக்கியமற்றதாக மாறுகிறது. சாலட் நல்லது என்பதை நாம் எல்லோரும் அறிவோம். ஆனால், ஸ்டார் ஹோட்டல்களில் பரிமாறுவது போன்று சாலட் டிரெஸ்ஸிங் உடன் எடுத்துக்கொள்வது மிகவும் ஆபத்தானது.  சாலட் Doctor Vikatan: கெரசின், பெயின்ட், மண்... வித்தியாசமான வாசனைகளை விரும்புவது மனநோயின் அறிகுறியா? சூயிங்கம் மெல்வது சிலருக்கு தினசரி வழக்கமாக இருக்கும். அது வாய்க்கு பயிற்சி போன்றது என்றெல்லாம் நினைத்துச் செய்வார்கள். அந்தப் பழக்கம் அறவே தவிர்க்கப்பட வேண்டும். அதேபோல, கேக் சாப்பிட பயப்படுவோர்கூட, கப் கேக் சாப்பிடத் தயங்குவதில்லை. சின்ன அளவில்தானே இருக்கிறது என நினைப்பார்கள். உண்மையில், கேக்கை விட அதிக பாதகங்கள் கொண்டது கப் கேக். இதயநோயாளிகள் இது போன்ற பேக்கரி உணவுகளைத் தொடவே வேண்டாம். குழந்தைகள் முதல் பெரியவர்கள்வரை எல்லோருக்கும் பிடித்த உணவுகளில் ஒன்று நூடுல்ஸ். பதப்படுத்தப்பட்ட அதில் உப்பு, கொழுப்பு என எல்லாமே மிக அதிகம்.  அடிக்கடி நூடுல்ஸ் சாப்பிடுவோர், இந்த விஷயங்களை கவனத்தில் கொள்ள வேண்டும்.   நூடுல்ஸ்! Doctor Vikatan: டிரெட்மில் டெஸ்ட் ரிசல்ட் நார்மல்... அதன் பிறகு ஹார்ட் அட்டாக் எப்படி வந்தது..? எனவே, எண்ணெய், நெய், வெண்ணெய் என கொழுப்பு குறைவான, உப்பு குறைவான உணவுகளே இதயத்துக்கு ஆரோக்கியமானவை. சுவைக்காகவும் அழகுக்காகவும் செயற்கையாக எதையும் சேர்க்காத உணவுகளே ஆரோக்கியமானவை. காய்கறிகள், பழங்கள், நார்ச்சத்துள்ள உணவுகள், புரத உணவுகள் என சரிவிகித உணவுப்பழக்கத்தைப் பின்பற்றுவதோடு, மருத்துவரின் ஆலோசனையோடு உடற்பயிற்சிகளையும் செய்துவருவது ஒட்டுமொத்த ஆரோக்கியத்தையும் காக்கும். இதய நலனும் மேம்படும். உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 17 Feb 2024 9:00 am

Doctor Vikatan: Prediabetes... உணவுப்பழக்கம் மூலம் நீரிழிவாக மாறாமல் தடுக்க முடியுமா?

Doctor Vikatan: Prediabetes நிலையில் உள்ளவர்கள் அது நீரிழிவாக மாறாமல் தடுக்க முடியுமா....  உணவுப்பழக்கம் எப்படியிருக்க வேண்டும் என விளக்க முடியுமா? - puviarasu punnaghai, விகடன் இணையத்திலிருந்து பதில் சொல்கிறார், சென்னையைச் சேர்ந்த, லேப்ராஸ்கோப்பி அறுவை சிகிச்சை மருத்துவர் ஜெயந்த் லியோ. லேப்ராஸ்கோப்பி அறுவை சிகிச்சை மருத்துவர் ஜெயந்த் லியோ Doctor Vikatan: கர்ப்பிணிகள் காய்ச்சலுக்கு பாராசிட்டமால் எடுத்துக்கொள்ளலாமா? Prediabetes... புரியும்படி சொன்னால், நீரிழிவுக்கு முந்தைய நிலை.  நீங்கள் கேட்டிருப்பதுபோல உணவுப்பழக்கத்தின் மூலம் நிச்சயம் இதைக் கட்டுப்படுத்த முடியும்.  நீரிழிவாளர்களுக்கு  ஹெச்பிஏ1 சி (HbA1c) என ஒரு டெஸ்ட் செய்வோம்.  மூன்றுமாத ரத்தச் சர்க்கரை அளவைத் தெரிந்துகொள்வதற்கான டெஸ்ட் அது.  ஹெச்பிஏ1 சி  டெஸ்ட்டில் ரத்தச் சர்க்கரை அளவானது 6.5 அல்லது அதற்கும் சற்று அதிகமாக இருந்தால் அதை 'ப்ரீடயாபட்டிஸ்' (Prediabetes) என்று சொல்வோம். இது, நீரிழிவுக்கு முந்தைய நிலையாக எடுத்துக்கொள்ளப்பட வேண்டும். அதாவது, உங்களுக்கு மிகவிரைவில் நீரிழிவு பாதிக்கலாம் என்பதற்கான அலெர்ட் சிக்னல் இது.  HbA1c Doctor Vikatan: கெரசின், பெயின்ட், மண்... வித்தியாசமான வாசனைகளை விரும்புவது மனநோயின் அறிகுறியா? நீங்கள் 40 ப்ளஸ் வயதில் இருந்தாலோ, உடல் பருமன் உள்ளவராக இருந்தாலோ, குடும்ப பின்னணியில் நீரிழிவு பாதிப்பு உள்ளவராக இருந்தாலோ, அவ்வப்போது உங்கள் ரத்தச் சர்க்கரை அளவைப் பரிசோதித்துப் பார்க்க வேண்டியது அவசியம். அதிலும் குறிப்பாக,  ஹெச்பிஏ1 சி  டெஸ்ட் செய்து பார்க்க வேண்டியது மிக முக்கியம்.  ஒருவேளை உங்களுக்கு ப்ரீடயாபட்டிஸ் நிலை என்று டெஸ்ட்டில் தெரியவந்தால், உணவுக்கட்டுப்பாடு மற்றும் வாழ்வியல் மாற்றங்களின் மூலமே அதைக் கட்டுப்படுத்தவும், நீரிழிவாக மாறாமல் தடுக்கவும் முடியும்.  உணவுக்கட்டுப்பாடு என்றால் பட்டினி இருப்பது என அர்த்தமில்லை. நம்முடைய உணவுப்பழக்கத்தில் காலை இட்லி, தோசை, பொங்கல், பூரி, மதியம் சாப்பாடு, இரவு மீண்டும் இட்லி, தோசை, சப்பாத்தி என மாவுப்பொருள் நிறைந்த உணவுகள் சாப்பிடுவது இருக்கிறது.  காய்கறிகள் Doctor Vikatan: நீரிழிவு பாதித்தவர்களுக்கு எடை குறைவதும் அரிப்பு ஏற்படுவதும் ஏன்? எனவே, மாவுச்சத்து நிறைந்த உணவுகளைக் குறைவாக எடுத்துக்கொண்டு, நார்ச்சத்தும், புரதச்சத்தும் நிறைந்த உணவுகளை அதிகம் எடுத்துக்கொள்வதன் மூலம் ரத்தச் சர்க்கரை அளவைக் கட்டுப்படுத்த முடியும். குறிப்பாக, ப்ரீ டயாபட்டிஸ் நிலையில் இருப்பவர்களுக்கு இத்தகைய உணவுப்பழக்கம் பெரிதும் உதவும்.  அந்த வகையில் நிறைய காய்கறிகள், அதிக இனிப்பில்லாத பழங்கள் மற்றும் பயறு வகைகள், சுண்டல் போன்றவற்றைச் சேர்த்துக்கொள்வது அவசியமாகிறது. கூடவே, தினமும் அரை மணி நேரம் நடைப்பயிற்சி செய்வது, வேறு ஏதேனும் உடற்பயிற்சிகள் செய்வதையும் வழக்கமாக்கிக் கொள்வது நல்லது. உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 16 Feb 2024 9:00 am

புற்றுநோயிலிருந்து மீண்டு வாழ்பவர்களுக்காக `அன்மாஸ்க் கேன்சர்'என்ற திட்டத்தை தொடங்கும் அப்போலோ!

புற்றுநோயாளிகள் மற்றும் புற்றுநோயிலிருந்து மீண்டு வாழ்பவர்களுக்கு எதிரான சமூக ஒருதலைச்சார்புகளை எதிர்கொள்ள 'அன்மாஸ்க் கேன்சர்' என்ற திட்டத்தை தொடங்குகிறது அப்போலோ கேன்சர் சென்டர் மற்றும் அப்போலோ புரோட்டான் புற்றுநோய் மையம். சமூகத்திற்குள் சமத்துவம் மற்றும் புரிந்துணர்வு கலாச்சாரத்தை உருவாக்குவதே சிந்தனையைத் தூண்டும் இந்த பரப்புரைத் திட்டத்தின் நோக்கம். புற்றுநோய்க்கு பிந்தைய வாழ்க்கை பற்றிய ஒரு ஆய்வாக, 'அன்மாஸ்க் கேன்சர்' (புற்றுநோய் பற்றிய சரியான தகவல்களை வழங்குவது) என்ற புரட்சிகரமான பரப்புரைத் திட்டத்தை அப்போலோ கேன்சர் சென்டர்ஸ் மற்றும் அப்போலோ புரோட்டான் புற்றுநோய் மையம் பெருமையுடன் அறிமுகம் செய்கிறது. புற்றுநோய் பற்றிய உண்மையை மறைவிலிருந்து வெளிக்கொணர்வது, அது தொடர்பான கட்டுகதைகளையும், தவறானக் கண்ணோட்டங்களையும் மக்கள் மனதிலிருந்து அகற்றுவது மற்றும் சமூகத்திற்குள் புற்றுநோயாளிகள் மீது புரிந்துணர்வை வளர்ப்பது என்பதே இத்திட்டத்தின் நோக்கம். புற்றுநோய் தினம் விரைவில் அனுசரிக்கப்படவிருக்கும் நிலையில், புற்றுநோயை வென்று உயிர்வாழ்பவர்கள் எதிர்கொள்கிற பாகுபாடு, உதாசீனம் போன்ற துரதிர்ஷ்டமான யதார்த்த நிலையை நேருக்குநேராக எதிர்கொள்ள ACC எடுக்கும் ஒரு தைரியமான நடவடிக்கை இது. 'அன்மாஸ்க் கேன்சர்' என்பது, சிறப்பான திறன்களும், தகுதிகளும் இருக்கின்றபோதிலும் அவர்களது முந்தைய புற்றுநோய் வரலாற்றின் காரணமாக நிலவும் ஒருதலைச்சார்பான கண்ணோட்டங்களின் விளைவான சமூக பாகுபாடுகள் / உதாசீனங்களை எதிர்கொள்கிற, புற்றுநோயை வென்று வாழ்பவர்களின் பயணமாகும். பாகுபாட்டையும், உதாசீனத்தையும் எதிர்கொள்ள வேண்டிய அச்சத்தின் காரணமாக தங்களது வாழ்க்கையில் புற்றுநோய் வந்த முக்கியமான அம்சத்தை அவர்கள் மறைக்க வேண்டிய நிர்ப்பந்தம் குறித்து இந்த பரப்புரைத் திட்டம் எடுத்துரைக்கிறது. எண்ணற்ற நபர்கள் இதன் காரணமாக எதிர்கொள்ளும் துயரமான அனுபவங்களை இதன் மூலம் உரத்த குரலில் இது எடுத்துரைக்கிறது. 'அன்மாஸ்க் கேன்சர்' என்ற இத்திட்டம் வாழ்க்கையின் பல்வேறு நிலைகளிலும், தருணங்களிலும் பாகுபாட்டின் ஆழமான விளைவுகளை ஆராய்கிற மற்றும் சிந்தனையை தூண்டுகிற ஒரு சமூக பரிசோதனை வீடியோவை மக்களின் பார்வைக்கு வைக்கிறது. இதில் வேறுபட்ட பல பின்புலங்களைச் சேர்ந்த நபர்கள் இடம் பெற்றிருக்கின்றனர். சமூக ரீதியிலான, நிறுவன ரீதியிலான மற்றும் தோற்றம் தொடர்பான பல ஒருதலைச்சார்பு கண்ணோட்டங்கள் இந்த காணொளியில் சுட்டிக்காட்டப்படுகின்றன. அப்போலோ கேன்சர் சென்டர் தங்களது குடும்பத்தினர் மற்றும் நண்பர்களிடமிருந்து தாங்கள் பெற்ற ஆதரவின் காரணமாக தாங்கள் யாரென்று உலகிற்கு தைரியமாக அறிவிக்கின்ற மற்றும் தங்களது கடந்தகால புற்றுநோய் பாதிப்பு குறித்து பேசுகிற சில தைரியமான வெற்றியாளர்கள் இந்த காணொளியின் இறுதியில் இடம்பெறுகின்றனர். கார்ப்பரேட் உலகம் உட்பட சமூகத்திற்குள் விழிப்புணர்வை உருவாக்கவும் மற்றும் அதில் அர்த்தமுள்ள மாற்றத்தை ஊக்குவிக்கவும் ‘அன்மாஸ்க் கேன்சர்' என்ற இந்த முன்னெடுப்புத் திட்டத்தை கார்ப்பரேட் / பெருநிறுவன துறைக்கும் மற்றும் பொது சமூகத்தின் பார்வைக்கும் ACC எடுத்துச்செல்கிறது. கூடுதலாக புற்றுநோய் நிபுணர்கள் மற்றும் புற்றுநோயிலிருந்து மீண்டு வாழ்பவர்கள் முக்கிய பங்கேற்கும் புற்றுநோய் பற்றிய உணர்வூட்டல் அமர்வும் நடைபெறவிருக்கிறது. புற்றுநோய் பற்றி புரிந்துகொள்ளவும், அது குறித்த தவறான அவப்பெயரை உடைத்தெறியவும் மற்றும் புற்றுநோயாளிகள் மீது புரிந்துணர்வையும் பேணி வளர்க்கவும் இந்த அமர்வு ஒரு நல்ல வாய்ப்பை வழங்கும். வாழ்க்கையிலும் மற்றும் சமூகத்திற்குள்ளும் ஒரு நேர்மறையான மாற்றத்தை ஏற்படுத்துவதற்கு நடைமுறை யதார்த்த திறன்களை பங்கேற்பாளர்களுக்கும், ஆர்வலர்களுக்கும் வழங்கி அவர்களை அதிகாரம் பெற்றவர்களாக ஆக்க வேண்டும் என்பதற்கான நோக்கத்துடன் நடத்தப்படும் இந்த அமர்வு ஆன்லைன் மற்றும் ஆஃப்லைன் என இரு வடிவங்களிலும் கிடைக்கும். மக்கள் மத்தியில் புரிந்துணர்வு மற்றும் சமத்துவத்தினை உருவாக்குவதற்கு இந்த பரப்புரைத் திட்டமும், உரையாடல் அமர்வும் நிச்சயம் உதவும். சமத்துவம் மற்றும் நடுநிலையோடு நடத்தப்படுவதற்கான உரிமையும், சுதந்திரமும் அனைவருக்கும் உண்டு என்பதை வலியுறுத்திய அப்போலோ ஹாஸ்பிட்டல்ஸ் எண்டர்பிரைசஸ் லிமிடெட்-ன் குழும புற்றுநோயியல் மற்றும் சர்வதேச செயல்பாடுகளுக்கான இயக்குநர் திரு. ஹர்ஷத் ரெட்டி, ஷஷஉலகத்தரம் வாய்ந்த மருத்துவ சிகிச்சைப் பராமரிப்பை வழங்குவது என்ற நோக்கத்தையும் கடந்து எமது குறிக்கோளும், செயல்திட்டங்களும் நீள்கின்றன. அவர்களது மருத்துவ வரலாறு எதுவாக இருப்பினும் ஒவ்வொரு தனிநபரின் உரிமைகளையும் மதிக்கும் நாங்கள் புற்றுநோயாளிகளுக்கும் அவைகள் நிச்சயம் கிடைக்க வேண்டுமென்று உறுதியாக நம்புகிறோம். 'அன்மாஸ்க் கேன்சர்' என்ற இத்திட்டம் சிகிச்சைக்குப் பிறகு புற்றுநோயிலிருந்து மீண்டு வாழ்பவர்களுக்கு ஆதரவளிக்கிற மற்றும் அவர்களை கரம் பிடித்து உயர்த்துகிற ஒரு சமூகத்தை உருவாக்கும் செயற்பணியில் எமது அர்ப்பணிப்புக்கான ஒரு சாட்சியமாக திகழ்கிறது. என்று கூறினார். அப்போலோ புரோட்டான் கேன்சர் சென்டர் லிதின் குமார் என்ற சிறுவனின் அன்னையான திருமதி. நவீனா காசி கூறியதாவது: பாகுபாடு காட்டப்படுமோ என்ற அச்சத்தின் காரணமாக எனது மகனின் கடந்தகால புற்றுநோய் வரலாற்றை மறைத்த பெரும் சுமையை நாங்கள் பல ஆண்டுகளாக சுமந்திருக்கிறோம். 'அன்மாஸ்க் கேன்சர்' என்பது எங்களது நிஜ வாழ்க்கை கதையை எனது மகனும் எங்களது குடும்பமும் பிறரோடு பகிர்ந்து கொள்ள உதவியிருக்கிறது. எங்களைப்போல மற்றவர்களும் அவர்களை புற்றுநோய் தொடர்பான வாழ்க்கை கதையை தைரியமாக வெளிப்படுத்த முன்வருவதற்கு ஊக்கமளித்திருக்கிறது. புற்றுநோயிலிருந்து மீண்டு வாழ்பவர்களின் மனஉறுதி மற்றும் பாதிப்பிலிருந்து மீளும் திறனை இந்த சமூகமும், உலகமும் உணரவும் அங்கீகரிக்கவும் இதுவே தருணம். சென்னை, அப்போலோ கேன்சர் சென்டரின் மார்பகம், தலை மற்றும் கழுத்து பிரிவின் இயக்குநர் டாக்டர். சப்னா நாங்கியா, இந்த பரப்புரைத் திட்டத்தின் முக்கியத்துவத்தை வலியுறுத்தி கூறியதாவது, புற்றுநோயிலிருந்து மீண்டு உயிர் வாழும் நபர்களுக்கு எதிரான பாகுபாடும், உதாசீனமும் அவர்களது தொழில்முறை மற்றும் தனிப்பட்ட வாழ்க்கையில் தடைகளை உருவாக்குவது நின்றுவிடுவதில்லைளூ அவர்களது மனம் மற்றும் உணர்வு ரீதியிலான நலத்தின் மீதும் குறிப்பிடத்தக்க பாதிப்பை இது ஏற்படுத்துகிறது. அப்போலோ ஹாஸ்பிடல்ஸ் இந்த முக்கியமான பிரச்சனை மீது சமூகத்திற்கு எடுத்துக்கூறி உணர்வூட்டுவதற்கான ஒரு முதன்முறை முயற்சியாகவும் அணுகுமுறையாகவும் அன்மாஸ்க் கேன்சர்) திட்டம் மேற்கொள்ளப்படுகிறது. புரிந்துணர்வும், கனிவும் நிறைந்த, சமத்துவம் நிலவும் ஒரு உலகிற்கு இது பாதை அமைத்துத் தரும் என்று நாங்கள் நம்புகிறோம். சென்னை, அப்போலோ கேன்சர் சென்டர்ஸின் குழந்தைகளுக்கான இரத்தவியல் புற்றுநோயியல் துறையின் நிபுணர் டாக்டர். ரம்யா உப்புலுரிரி இது தொடர்பாக பேசுகையில், எமது இப்பரப்புரை திட்டம் இக்காலக்கட்டத்திற்கு அவசியமாகவும், உடனடியாகவும் தேவைப்படுகிறது. ஆன்மா கேன்சர் என்பது, வெறுமனே ஒரு தனித்துவமான முன்னெடுப்பு மட்டுமல்ல; அனைவருக்கும், அதுவும் குறிப்பாக புற்றுநோய் மீது வெற்றிகண்டு உயிர்வாழும் நபர்களுக்கு, சமத்துவத்தையும், நடுநிலையோடு நியாயமாக நடத்தப்படுவதற்கான உரிமையையும் செயல்படுத்தும் ஒரு உலகை நாம் அனைவரும் உருவாக்க வேண்டும் என்பதற்கான ஒரு பொறுப்புறுதியாகவும் இது இருக்கிறது. என்று குறிப்பிட்டார். புற்றுநோய்க்கான சிகிச்சைக்குப் பிறகும், சிறப்பான வாழ்க்கையை உறுதிசெய்ய வேண்டுமென்ற ACC -ன் பொறுப்புறுதிக்கு ஒரு வலுவான சான்றாக இந்த முன்னெடுப்புத் திட்டம் இருக்கிறது. 'அன்மாஸ்க் கேன்சர்' என்ற இத்திட்டம் மேற்கொள்ளப்படும்போது, மாற்றத்தை உருவாக்குவதற்கான ஒரு விவாதத்தை இது நிச்சயம் தொடங்கி வைக்கும். தங்கள் கடந்தகால வரலாற்றை மறைக்காமல், வெளிப்படையாக புற்றுநோய் நோயாளிகள் பேசவும், கண்ணியத்தோடும், சமத்துவத்தோடும் வாழக்கூடிய ஒரு புதிய உலகிற்கு இது வழிவகுக்கும் என்று நம்பலாம். https://www.apollohospitals.com/cancer-treatment-centres/unmask-cancer இல் உள்நுழைவதன் மூலம் புற்றுநோய் உணர்திறன் அமர்வில் பங்கேற்பதன் மூலம் #UnmaskCancerக்கான உறுதிமொழியை எடுத்து இந்த காரணத்தை ஆதரிக்க புற்றுநோய் வெற்றியாளர்களை அப்பல்லோ புற்றுநோய் மையங்கள் அழைக்கின்றன. #புற்றுநோயை வெல்வோம் அப்போலோ கேன்சர் சென்டர்கள் குறித்து- https://apollocancercentres.com/ புற்றுநோய் சிகிச்சையில் செழுமையான பாரம்பரியம்: 30 ஆண்டுகளுக்கும் அதிகமாக மக்களுக்கான நம்பிக்கை வெளிச்சம். இன்றைய காலகட்டத்தில் புற்றுநோய் சிகிச்சை என்பது. 360-டிகிரி முழுமையான சிகிச்சைப் பராமரிப்பையே குறிக்கிறது. இதற்கு புற்றுநோய்க்கு சிகிச்சை வழங்கும் மருத்துவ நிபுணர்களின் அர்ப்பணிப்பும், நிபுணத்துவமும் மற்றும் தளராத மனஉறுதியும், ஆர்வமும் அவசியமாகும். அப்போலோ புரோட்டான் கேன்சர் சென்டர் உயர்நிலையிலான துல்லியமான புற்றுநோயியல் சிகிச்சை வழங்கப்படுவதை கவனமுடன் கண்காணிக்க இந்தியாவெங்கிலும் 325- க்கும் அதிகமான மருத்துவர்களுடன் அப்போலோ கேன்சர் சென்டர்கள் இயங்கி வருகின்றன. திறன்மிக்க புற்றுநோய் மேலாண்மை குழுக்களின் கீழ் உறுப்பு அடிப்படையிலான செயல் நடைமுறையைப் பின்பற்றி, உலகத்தரத்தில் புற்றுநோய் சிகிச்சையை எமது மருத்துவர்கள் வழங்குகின்றனர். சர்வதேச தரத்தில் சிகிச்சை விளைவுகளைத் தொடர்ந்து நிலையாக வழங்கியிருக்கின்ற ஒரு சூழலில் நோயாளிகளுக்கு மிகச்சிறந்த சிகிச்சையை வழங்குவதில் இது எங்களுக்கு உதவுகிறது. இன்றைக்கு அப்போலோ கேன்சர் சென்டர்ஸில் புற்றுநோய் சிகிச்சைக்காக 147 நாடுகளிலிருந்து மக்கள் இந்தியாவிற்கு வருகின்றனர். தெற்காசியா மற்றும் மத்தியகிழக்கு நாடுகளில் இயங்கும் முதல் மற்றும் ஒரே பென்சில் பீம் புரோட்டான் தெரபி சென்டர் என்பதைக் கொண்டிருக்கும் அப்போலோ கேன்சர் சென்டர்ஸ், புற்றுநோய்க்கு எதிரான யுத்தத்தை வலுவாக மேற்கொள்ள தேவைப்படும் அனைத்து வசதிகளையும், திறன்களையும் பெற்றிருக்கிறது.

விகடன் 15 Feb 2024 7:59 pm

Cancer: 5 முறை புற்றுநோய் பாதிப்பு; 11 அறுவை சிகிச்சைகள்... மீண்டெழுந்த ஃபீனிக்ஸ் பெண்!

ஐந்து முறை புற்றுநோயால் பாதிக்கப்பட்ட பெண், தற்போது நோயில் இருந்து முற்றிலும் விடுபட்டு உடற்பயிற்சி சவால்களில் ஈடுபட்டு வருவது பலரையும் ஆச்சர்யப்படுத்தியுள்ளது. இங்கிலாந்தின் ஓல்ட்ஹாமுக்கு அருகிலுள்ள சாடர்டனில் வசித்து வருபவர், நடாலி யேட்ஸ் போல்டன். 57 வயதான இவர், இரண்டு குழந்தைகளுக்கு பாட்டி. இவர் ஹாட்ஜ்கின்ஸ் லிம்போமா (Hodgkin’s lymphoma) என்ற புற்றுநோயால் இரண்டு முறையும், மார்பகப் புற்றுநோயால் மூன்று முறையும் பாதிக்கப்பட்டு இருக்கிறார். Cancer `` `எதையாவது சாப்பிட்டு இப்பவே செத்துடு, ஏன் Wait பண்ற'னு சொன்னாங்க! - Cancer Survivor புவனேஸ்வரி இவருக்கு இதுவரையில் 11 அறுவை சிகிச்சைகளும், 30 முறை கீமோதெரபி, 55 ரேடியோதெரபி வழங்கப்பட்டு இருக்கிறது. சால்ஃபோர்ட் பல்கலைக்கழகத்தின் மூத்த செவிலியர், ``கடந்த ஆறு ஆண்டுகளாக palbociclib என்ற புற்றுநோய் மருந்தை எடுத்துக் கொண்ட பிறகு அவர் புற்றுநோயில் இருந்து முற்றிலும் குணமடைந்துள்ளார்’’ என்று கூறியிருக்கிறார்.  66 வயதில் 5 முறை பாதிப்பு... நடாலி தனது 22 வயதில் சர்ரே பல்கலைக்கழகத்தில் மூன்றாம் ஆண்டு செவிலிய மாணவியாக படித்துக் கொண்டிருந்தார். அப்போது ரத்தத்தில் உள்ள வெள்ளையணுக்கள் கட்டுப்பாட்டை மீறி வளரும் ஹாட்ஜ்கின் லிம்போமா என்ற புற்றுநோயால் பாதிக்கப்பட்டு இருப்பதை அறிந்தார். தனது படிப்பை நிறுத்த விரும்பாமல் ரேடியோதெரபி சிகிச்சை எடுத்துக் கொண்டே நரம்பியல் வார்டில் பணியாற்றினார்.  37 வயதில் திருமணமாகி இரண்டு பெண் குழந்தைகளைப் பெற்றார். அந்தச் சமயத்தில் அவருக்கு முதுகுவலியும் தோலில் அரிப்பும் ஏற்பட்டுள்ளது. ஸ்கேன் செய்து பார்க்கையில் இதயத்தில் உண்டான கட்டி ஒன்று உணவுக்குழாயை அழுத்தி இருந்தது தெரியவந்தது. அவர் மீண்டும் லிம்போமாவால் பாதிக்கப்பட்டு இருப்பதை அறிந்தார். குடும்பத்தினரின் ஆதரவோடு 2004 -ல் இரண்டாவது முறையாகத் தனது சிகிச்சையை முடித்தார். நடாலி மற்றும் அவரது குடும்பம்! நாயுடன் அதனை வளர்ப்பவருக்கும் புற்றுநோய்; கைவிரித்த மருத்துவர்கள்... அடுத்து என்ன? 2009-ல் 43 வயதானபோது அவருக்கு மார்பகப் புற்றுநோய் இருப்பது கண்டறியப்பட்டது. கீமோதெரபி மற்றும் ரேடியோதெரபியை தொடர்ந்து அறுவை சிகிச்சை செய்யப்பட்டது.  மூன்றாவது புற்றுநோயைக் கடந்த ஒரு வருடத்தில், நான்காவது முறையாக அவருக்கு மார்பகத்தின் ஒரு பக்கத்தில் கட்டி இருப்பது தெரிந்தது. அது புற்றுநோய் கட்டி எனக் கண்டறியப்பட்ட பின்னர், அறுவை சிகிச்சை மூலம் அகற்றப்பட்டது. 2017-ல் ஐந்தாவது முறையாக மீண்டும் அவர் புற்றுநோயால் பாதிக்கப்பட்டு இருப்பது தெரிந்தது. அதிலிருந்தும் அவர் வெற்றிகரமாக வெளியே வந்துள்ளார்.   தற்போது 66 வயதான தன் கணவர் கேரி, மகள்கள் லூசி மற்றும் இந்தியாவுடன் நேரம் செலவிடுகிறார். இவருக்கு ஃபின்லி மற்றும் ஒலிம்பியா என்ற இரண்டு பேரக் குழந்தைகளும் உள்ளனர். வாழ்தல் இனிது… ஐந்து முறை புற்றுநோயால் பாதிக்கப்பட்டாலும் எப்போதும் தனது வாழ்வை இறுதி வரை வாழ வேண்டும் என்பதில் இவர் தெளிவாக இருந்தார். நோயில் இருந்து முற்றிலும் விடுபட்டவர் புதிய உடற்பயிற்சி சவால்களைச் செய்து வருகிறார். ஆறு மராத்தான்கள், மூன்று அல்ட்ரா மராத்தான்கள் மற்றும் மூன்று டிரையத்லான்களை (Triathlons) முடித்துள்ளார். கடந்த ஆண்டு அவர் `The Isle of Wight’ என்ற தீவை பாதி சுற்றி அல்ட்ரா மராத்தானை முடித்தார். ``என் கதையை அறியாத ஒருவர் எனக்கு ஐந்து முறை கேன்சர் என்று கேள்விப்பட்டால், நான் துரதிர்ஷ்டசாலி என்று நினைக்கலாம். ஆனால், நான் அதை வேறு வழியில் பார்க்கிறேன்… உடற்பயிற்சி சாகசத்தில் நடாலி யேட்ஸ் போல்டன்! தொற்றும் தன்மையுடையதா... புற்றுநோய் குறித்த மூடநம்பிக்கைகள் | #உலக புற்றுநோய் தினம்! - Visual Story நான் மிகவும் அதிர்ஷ்டசாலி, ஏனெனில் எனக்கு குடும்ப உறுப்பினர்களும் நண்பர்களும் கிடைத்துள்ளனர். நான் ஐந்து முறை சிகிச்சையிலிருந்து வெற்றிகரமாக வெளிவந்திருக்கிறேன்.  சிகிச்சைக்குப் பிறகு உங்கள் வாழ்க்கையை நீங்கள் மீண்டும் கட்டியெழுப்பவும், அதன் மூலம் வலிமையடையவும், வாழ்க்கையைப் பாராட்டவும் முடியும் என்பதற்கு நானே வாழும் ஆதாரம். இப்போது நான் மற்றவர்களின் வாழ்க்கையில் ஒரு மாற்றத்தை ஏற்படுத்த விரும்புகிறேன்’’ என்று நடாலி யேட்ஸ் போல்டன் கூறியுள்ளார். மனமிருந்தால் மார்க்கமுண்டு!

விகடன் 15 Feb 2024 4:46 pm

Depression: டிப்ரெஷனுக்கும் உடல் வெப்பநிலைக்கும் தொடர்பு இருக்கு... ஆய்வுத் தகவல்!

`டிப்ரெஷன்’ என்பது இப்போது அனைவரும் உபயோகிக்கும் வார்த்தையாகிட்டது. இதற்குதான் டிப்ரெஷன் வரவேண்டும் என்ற நிலை மாறி, எல்லாவற்றுக்கும் சோகமாகும் மனநிலை தற்போது அதிகரித்துள்ளது. அதிகமாக ஹோம் வொர்க் கொடுக்கிறார்கள் எனக் குழந்தைகளில் ஆரம்பித்து வேலையில் பிழிந்து எடுக்கிறார்கள் எனப் பெரியவர்கள் வரை மன அழுத்தத்தில் (Depression) இருப்பதாகச் செல்லாதவர்களே இருக்க மாட்டார்கள் என்ற நிலையைப் பார்க்கிறோம். body temperature ஓவரா வொர்க் அவுட் பண்றது உடம்புக்கு நல்லதா...? நிபுணர் விளக்கம்..! இந்தநிலையில் மனஅழுத்தத்திற்கும் உடலின் வெப்பநிலைக்கும் தொடர்பு உள்ளதா என்பதை கலிஃபோர்னியா சான் ஃபிரான்சிஸ்கோ பல்கலைக்கழகத்தின் (UCSF) விஞ்ஞானிகள் ஆய்வு செய்தனர். சுமார் ஏழு மாதங்கள் நடைபெற்ற இந்த ஆய்வில் 106 நாடுகளைச் சேர்ந்த 20,880 நபர்களின் தரவுகள் ஆய்வு செய்யப்பட்டன.  இதில், மன அழுத்தத்தில் இருந்தவர்கள் பெரும்பாலும் அதிக உடல் வெப்பநிலையைக் கொண்டிருப்பதைக் கண்டனர். மன அழுத்தம் மோசமடைந்தால், உடலில் சராசரி வெப்பநிலையும் கணிசமாக அதிகரித்துள்ளது.  இதன்மூலம் மன அழுத்தத்திற்கும் உடல் வெப்பநிலைக்கும் இடையே தொடர்பு இருக்கிறது. மன அழுத்தம், உடல் வெப்பநிலையை பாதிக்கிறது. இது உடலின் குளிர்ச்சியூட்டும் செயல்களில் சிக்கலை ஏற்படுத்துகிறது. அதேசமயம், அதிக உடல் வெப்பநிலையே மனஅழுத்தத்தை ஏற்படுத்துகிறது என்பதற்கு எந்த ஆதாரமும் இல்லை என்பதை அறிந்தனர்.  வியர்வை வியர்வை வாடை: காரணம், தீர்வுகள், கட்டுப்படுத்தும் வழிகள்! இதற்கு முன்பு மேற்கொள்ளப்பட்ட முந்தைய ஆராய்ச்சிகளில், சூடான குளியல் தொட்டிகள் மற்றும் நீராவி குளியல் போன்ற நடவடிக்கைகள் மனச்சோர்வு அறிகுறிகளுக்கு உதவும் எனக் கூறப்பட்டது. இயற்கையாகவே உடலும் வியர்வை மூலம் குளிர்ச்சியை உருவாக்கி மனநிலையில் நேர்மறையான தாக்கத்தை ஏற்படுத்தக்கூடும் என்று கண்டறியப்பட்டுள்ளது.

விகடன் 15 Feb 2024 12:46 pm

Doctor Vikatan: கர்ப்பிணிகள் காய்ச்சலுக்கு பாராசிட்டமால் எடுத்துக் கொள்ளலாமா?

Doctor Vikatan: என் தோழி ஆறு மாத கர்ப்பமாக இருக்கிறாள். கடந்த இரண்டு மாதங்களில் இரண்டுமுறை அவளுக்கு காய்ச்சல் வந்தது. காய்ச்சலுக்கான மாத்திரை எடுக்கச் சொன்னபோது குழந்தைக்கு பாதிப்பு வரும் என மறுத்துவிட்டாள். கர்ப்ப காலத்தில் பாராசிட்டமால் எடுப்பது சரியானதா... எப்போது எடுக்க வேண்டும்? பதில் சொல்கிறார் சென்னையைச் சேர்ந்த மகப்பேறு மருத்துவர் ரம்யா கபிலன் டாக்டர் ரம்யா கபிலன் Doctor Vikatan: கெரசின், பெயின்ட், மண்... வித்தியாசமான வாசனைகளை விரும்புவது மனநோயின் அறிகுறியா? கர்ப்பகாலத்தில் காய்ச்சல் வரும்போது முக்கியமாக ஐந்து விஷயங்களைப் பின்பற்றினாலே போதும். முதல் விஷயம்.... வீட்டிலேயே தெர்மாமீட்ர் வாங்கி வைத்துக் கொண்டு உங்கள் காய்ச்சலின் அளவை பதிவு செய்யுங்கள்.  எந்த நேரத்தில் எத்தனை டிகிரி காய்ச்சல் அடிக்கிறது என்பதைக் குறித்து வைத்துக் கொள்ளுங்கள். அது உங்களுக்கு ஏற்பட்ட காய்ச்சலின் தன்மை எப்படியிருக்கிறது என்பதை மருத்துவர் புரிந்துகொள்ள உதவியாக இருக்கும். காய்ச்சல் Doctor Vikatan: மீண்டும் மீண்டும் படுத்தும் பொடுகுத்தொல்லை... வீட்டு சிகிச்சை உதவுமா? உங்களுடைய காய்ச்சலானது 99.4 டிகிரி ஃபாரன்ஹீட்டை தாண்டினால் பாராசிட்டமால் மாத்திரை எடுத்துக்கொள்ளத் தயங்க வேண்டாம். பிளெயின் பாராசிட்டமால் மாத்திரையை மருத்துவரின் பரிந்துரையின் பேரில் எடுத்துக்கொள்ளலாம். பாராசிட்டமாலுடன் வேறு மருந்துகள் கலந்த கலவை மாத்திரைகளைத் தவிர்த்துவிடவும்.  காய்ச்சலின்போது உடலில் நீர்ச்சத்து வறண்டுபோகாமல் பார்த்துக்கொள்ள வேண்டியது மிக முக்கியம்.  நிறைய தண்ணீர் மற்றும் திரவ உணவுகள் குடிப்பதை உறுதிபடுத்திக் கொள்ளுங்கள். அதன் மூலம் உங்கள் உடலில் நீர்வறட்சி ஏற்படாமல் தடுக்க முடியும். குழந்தையின் அசைவுகளை கவனிக்கத் தவறாதீர்கள். வழக்கமாக நீங்கள் உணரும் குழந்தையின் அசைவுகளில் ஏதேனும் வித்தியாசமாகத் தெரிந்தால், உடனடியாக உங்கள் மகப்பேறு மருத்துவரை அணுகத் தவறாதீர்கள். கர்ப்பிணிகள் கர்ப்பிணிகள் வெண்ணெய் சாப்பிட்டால் சுகப்பிரசவம் நிகழுமா? - அவள் பதில்கள்: 82 24 மணி நேரத்துக்கும் மேலாக உங்களுக்கு காய்ச்சல் தொடர்ந்தாலோ அல்லது அது அதிகரித்தாலோ உடனடியாக மருத்துவரைச் சந்தியுங்கள். காய்ச்சலுக்கு வேறு ஏதேனும் காரணங்கள் உள்ளனவா என்பதைப் பார்த்து மருத்துவர் உங்களுக்குச் சரியான சிகிச்சையைப் பரிந்துரைப்பார்.  உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 15 Feb 2024 8:59 am

Premature Ejaculation: விந்து முந்துதல்.. ஈஸியா சரி செய்யலாம்! I காமத்துக்கு மரியாதை - 143

Premature Ejaculation: காமத்தில் `இது சரியா', `இது தவறா' என்று தடுமாற வைக்கின்ற பல ஐயங்கள் இருக்கின்றன. அவற்றில் இரண்டை பற்றிதான் இந்தக் கட்டுரையில் தெரிந்துகொள்ள இருக்கிறோம். ஒன்று, செக்ஸ் நிலைகள் எனப்படுகிற பொசிஷன்ஸ். இரண்டாவது, விந்து முந்துதல். இது பற்றி பாலியல் மருத்துவர் காமராஜிடம் பேசினோம். Positions in sex: ''தாம்பத்திய உறவில் பொசிஷனைப் பொறுத்து குழந்தைப் பிறப்பைத் தள்ளிப்போடலாம், அல்லது சீக்கிரம் குழந்தை பெற்றுக்கொள்ளலாம், ஆர்கஸம் அதிகம் கிடைக்கும் என்பது போன்ற பல்வேறு நம்பிக்கைகள் இன்றைய தம்பதிகளிடம் இருக்கின்றன. பொசிஷனை பொறுத்து குழந்தைப் பிறப்பைத் தள்ளிப்போட முடியும் என்று சொல்லிவிட முடியாது. உறவின் முடிவில் பிறப்புறுப்புகள் இணைந்து, உயிரணுவும் கருமுட்டையும் இணைந்தால், அது கருவாகத்தான் செய்யும். அப்படியென்றால், பொசிஷனை பொறுத்து சீக்கிரம் குழந்தை பெற்றுக்கொள்ள முடியுமா என்றால், ஒரேயொரு நிலையில் மட்டும் அது உதவும்'' என்றவர், அதுபற்றி விவரிக்க ஆரம்பித்தார். Sex Education Which position best for Pregnancy: சிறுநீர்ப்பைக்கும் ஆசன வழிக்கும் இடையில்தான் கர்ப்பப்பை இருக்கும். பெரும்பாலான பெண்களுக்கு கர்ப்பப்பையானது லேசாக முன்னோக்கி சிறுநீர்ப்பை மீது சாய்ந்திருக்கும். சில பெண்களுக்கு மட்டும் கர்ப்பப்பை பின்னோக்கி சாய்ந்திருக்கும். இதை `retroverted uterus' என்போம். திருப்தியான தாம்பத்திய உறவு இருந்து, கூடவே உடலிலும் எந்தப் பிரச்னையும் இல்லாத சில தம்பதிகளுக்கும் குழந்தை பிறக்காது. அந்தப் பெண்களுக்கு இப்படி கர்ப்பப்பை சற்று பின்னோக்கி சாய்ந்திருக்கலாம். அப்படிப்பட்டவர்கள், மிருகங்கள்போல பின்புறமாக இருந்து உறவுகொண்டால் கரு தங்க வாய்ப்பிருப்பதாக சில ஆராய்ச்சிகள் தெரிவிக்கின்றன. மற்றபடி, அவரவர் விருப்பப்படி முன்புறமோ, பின்புறமோ, ஒருக்களித்து அணைத்தவாறோ, ஒருவர் மடியில் ஒருவர் அமர்ந்தபடியோ என தம்பதியர்க்கு எதெல்லாம் விருப்பமான பொசிஷனாக இருக்கிறதோ அப்படியெல்லாம் தாம்பத்திய உறவு கொள்ளலாம். பொசிஷன்கள் இருவருக்கும் செளகர்யமாக இருக்க வேண்டும், அவ்வளவுதான்'' என்றவர் பொசிஷன்களுக்கும் உச்சக்கட்டத்துக்குமான தொடர்பு பற்றியும் பேசினார். ''ஆண் மேற்புறமாக இருக்கையில், பெரும்பாலான பெண்கள் உச்சக்கட்டம் அடைவதில்லை. இதுவே பெண் மேற்புறமாக இருந்தால் இருவருக்குமே உச்சக்கட்டம் கிடைக்கும். பொசிஷன்களில் இதுதான் பெஸ்ட். ஏனென்றால், இதன்மூலம்தான் பெண்ணின் முழு பெண்ணுறுப்பையும் தூண்டி இருவரும் உச்சக்கட்டத்தை அனுபவிக்க முடியும். செக்ஸில் ஆண் - பெண் சமநிலை இந்த பொசிஷனில்தான் இருக்கிறது. இதை ஆண்கள் அனைவரும் புரிந்து, ஏற்றுக்கொள்ள வேண்டும்'' என்றவர், விந்து முந்துதல் பிரச்னைக்கான தீர்வுகளை விளக்க ஆரம்பித்தார். ''சொன்னால் நம்ப மாட்டீர்கள். 'விந்து முந்துதல்' பிரச்னை உலகத்திலிருக்கிற 70 சதவிகித ஆண்களுக்கு இருக்கிறது. செக்ஸ் ஆரம்பித்த 2 நிமிடங்களில் இவர்களுக்கு விந்து வெளியேறிவிடுகிறது. ஆனால், அந்த 2 நிமிடங்களுக்குள் ஆண் உச்சக்கட்டம் அடைந்துவிடுவான். அப்படியென்றால், ஏன் ஆண்கள் இதுபற்றிக் கவலைப்பட வேண்டும் என்று சிலருக்குத் தோன்றலாம். அதற்கான பதில், ஆண் விந்து முந்தும்போதே உச்சக்கட்டத்தை அடைந்துவிடுவான். ஆனால், அவன் மனைவிக்கோ தொடர்ந்து 14 நிமிடங்கள் தாம்பத்திய உறவுகொண்டால்தான் உச்சக்கட்டம் அடைய முடியும் என்கின்றன பல ஆராய்ச்சி முடிவுகள். இன்னொரு விஷயத்தையும் தெரிந்துகொள்ளுங்கள். தொடர்ந்து 14 நிமிடங்கள் தாம்பத்திய உறவில் ஈடுபட்டு மனைவியை உச்சக்கட்டம் அடைய வைப்பதற்கான சாத்தியம் மிக மிகக் குறைவு. பெரும்பான்மை ஆண்களால் இது முடியாது. இந்த இடத்தில்தான், `விந்து முந்துதல்' என்கிற ஆண்களின் பிரச்னை தம்பதியரின் பிரச்னையாகிறது. `தன்னுடைய மனைவியைத் திருப்தி செய்ய முடியவில்லை' என்கிற எண்ணம் ஆணுக்கு வந்துவிடும். சில நாள்கள், சில வாரங்கள், சில மாதங்கள் என்று பொறுத்துக்கொள்கிற மனைவி, ஒருகட்டத்தில் தாம்பத்திய உறவைச் சலிப்புடன் தவிர்க்கப் பார்ப்பார் அல்லது தலையெழுத்தே என்று உடன்படுவார். ஒருசிலர் வார்த்தைகளால் தங்கள் உணர்வை வெளிப்படுத்திவிடலாம். Sexologist Kamaraj காமசூத்ரா சொல்லும் `யோனிப்பொருத்தம்' Vs இந்தக்கால கெமிஸ்ட்ரி... - காமத்துக்கு மரியாதை - 142 சரி, இந்தப் பிரச்னைக்கு தீர்விருக்கிறதா என்றால், இருக்கிறது. `விந்து முந்துதல்' பிரச்னைக்கு மருத்துவரைச் சந்தித்து அதற்கான மருந்து, மாத்திரை எடுத்துக்கொள்ளுங்கள். கூடவே A, B, C, D, E, F என்ற முறையையும் கையாளுங்கள். A என்பது பெண்ணுறுப்பின் உள்ளேயுள்ள மேல் பகுதி. இந்த இடத்தைத் தூண்டலாம். B என்பது மார்பகம். இதைத் தூண்டினாலும் 2 முதல் 3 சதவிகிதப் பெண்கள் உச்சக்கட்டத்தை அடைந்துவிடுவதாக ஆராய்ச்சிகள் நிரூபித்துள்ளன. C என்பது கிளிட்டோரிஸ். ஆணுறுப்புக்கு இணையானது. பெண்ணுறுப்புக்குள் மேல் பகுதியில் இருக்கும். D என்பதும் பெண்ணுறுப்பின் மேல் பகுதியினுள்ளே இருப்பதுதான். இந்தப் பகுதியைத் தூண்டுவதன் மூலம் உங்கள் இணையர் உச்சக்கட்டம் அடைந்தால் அந்தப் பகுதி லேசாக வீக்கமடையும் என்று ஆராய்ச்சிகள் கண்டுபிடித்திருக்கின்றன. அடுத்து E. இந்த ஸ்டெப்பில் தம்பதியர் பிறப்புறுப்புகள் இணைய வேண்டும். கடைசியாக F. இது, இந்தக் கட்டுரையின் ஆரம்பத்தில் நான் சொல்லியிருக்கிற மனைவி கணவனுக்கு மேலிருக்கும் நிலை. விந்து முந்துதல் நிகழ்ந்தாலும் நான் மேலே சொன்னவற்றில் E-யைத் தவிர்த்து மற்ற ஐந்து முறைகளின் மூலம் உங்கள் வாழ்க்கைத்துணைக்கு உச்சக்கட்டம் வரவழைத்து திருப்திப்படுத்திவிடலாம்'' என்கிறார் டாக்டர் காமராஜ்.

விகடன் 14 Feb 2024 6:00 pm

Doctor Vikatan: கெரசின், பெயின்ட், மண்... வித்தியாசமான வாசனைகளை விரும்புவது மனநோயின் அறிகுறியா?

Doctor Vikatan: என்னுடைய நண்பனுக்கு கெரசின், பெயின்ட், க்ளூ, மண் போன்ற பொருள்களிலிருந்து வரும் வாசனை மிகவும் பிடிக்கிறது. அந்த வாசனைகள் எங்கேயாவது வருவது தெரிந்தால் அந்த இடத்தை விட்டு நகர மாட்டான். எனக்கென்னவோ இது சாதாரண விஷயமல்ல என்றே தோன்றுகிறது. இந்த வித்தியாச விருப்பம் மனநோயின் அறிகுறியாக இருக்குமா.... என் நண்பனுக்கு சிகிச்சை தேவையா? பதில் சொல்கிறார் சென்னையைச் சேர்ந்த, மனநல மருத்துவர் மிதுன் பிரசாத். டாக்டர் மிதுன் பிரசாத் Doctor Vikatan: ஏழே நாள்களில் 10 கிலோ எடையைக் குறைக்கும் டயட் முறையை நம்பலாமா? இந்த விஷயத்தை இரண்டு விதமாகப் பார்க்கலாம். ஒருவருக்கு மழை பெய்யும்போது கிளம்பும் மண் வாசனை பிடிக்கும் என்று வைத்துக்கொள்வோம்.  மழை பெய்கிறபோது அதை ரசிப்பார், அவ்வளவுதான். அது அவருக்கு அடிக்ஷனாக மாற வாய்ப்பில்லை. அப்படித்தான் வேறு சிலருக்கு கெரசின், பெயின்ட் போன்றவற்றின் வாசனைகள் மிகவும் பிடிக்கலாம். ஆனால், நம்மில் சிலருக்கு சால்வன்ட்ஸ் (solvents), பசை, தின்னர் போன்றவற்றின் வாசனையை மோந்தபடி இருக்கும் பழக்கம் இருக்கலாம். சிலர், மண்ணெண்ணெயை கைக்குட்டையில் முக்கி, அந்த வாசனையை அனுபவித்துக்கொண்டே இருப்பார்கள்.  அதேபோல அலுமினியம் ஃபாயிலில் பசையை ஊற்றி, சூடுபடுத்தி, அந்தப் புகையை உள்ளிழுப்பார்கள்.  சிகரெட், மதுப் பழக்கங்களைப் போல இதுவும் ஒருவகையான அடிக்ஷன்தான். மண்ணெண்ணெய் Doctor Vikatan: மீண்டும் மீண்டும் படுத்தும் பொடுகுத்தொல்லை... வீட்டு சிகிச்சை உதவுமா? எட்டாவது, பத்தாவது படிக்கிற மாணவர்கள் தம் பெற்றோரிடம், ஸ்டேஷனரி பொருள்கள் வாங்க வேண்டும் என பணம் வாங்கியிருப்பார்கள். வீட்டில் காலியான பசை டப்பாக்கள் குவிந்துகிடப்பதைப் பார்க்கும் பெற்றோருக்கு, பிள்ளைகள் அதை வாசனைக்காக, அடிக்ஷனுக்காக வாங்கிப் பயன்படுத்தியிருப்பது தெரிந்திருக்க வாய்ப்பில்லை. இது எல்லை மீறும்போது அல்லது, கைக்குட்டையில் அல்லது துணிகளில் பசை ஒட்டியிருப்பதைப் பார்க்கும்போதுதான் அவர்களுக்கு சந்தேகமே வரும். அதன் பிறகுதான் பிள்ளைகளின் அடிக்ஷன் தெரியவரும். அந்த வகையில் பார்க்கும்போது உங்கள் நண்பருக்கு இருப்பது அடிக்ஷன் போலத் தெரியவில்லை. பெட்ரோல் பங்க் போகும்போது பெட்ரோல் வாசனை பிடித்துப்போவதற்கோ,  புது பெயின்ட்டின் வாசனை பிடித்துப் போவதற்கோ அடிக்ஷன் காரணமாக இருக்காது.  அதுவே, பெட்ரோலை கைக்குட்டையில் நனைத்து அந்த வாசனையைப் பிடித்துக்கொண்டே இருந்தால், அது அடிக்ஷனாக இருக்கலாம். பெட்ரோல் நோயோஃபோபியா வெறும் பயமா... விபரீத பிரச்னையா? ஒரு விஷயத்தை தேவைக்கதிகமாகச் செய்யும்போதுதான் அது அடிக்ஷனாக மாறுகிறது. அந்த நிலையில், கவுன்சலிங் மற்றும் மருத்துவ சிகிச்சைகள் மூலம்  அவர்களை மீட்க முடியும்.  எனவே, எப்போதாவது வித்தியாச மணங்களை விரும்பும் உங்கள் நண்பரை மனநோயாளியாகப் பார்க்க வேண்டிய அவசியமில்லை. உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 14 Feb 2024 9:00 am

Doctor Vikatan: மீண்டும் மீண்டும் படுத்தும் பொடுகுத்தொல்லை... வீட்டு சிகிச்சை உதவுமா?

Doctor Vikatan: என் வயது 28. எனக்கு பொடுகுத் தொல்லை அதிகமாக இருக்கிறது. பொடுகு நீக்கும் ஷாம்பூ உபயோகித்தும் பலனில்லை. இந்தப் பிரச்னைக்கு வீட்டிலேயே தீர்வு காண எளிய வழிகள் இருந்தால் சொல்லவும். பதில் சொல்கிறார், சென்னையைச் சேர்ந்த அரோமாதெரபிஸ்ட் கீதா அஷோக். கீதா அஷோக் Doctor Vikatan: டிரெண்டாகி வரும் `100 times washed ghee'; குழந்தைகளுக்குப் பயன்படுத்தலாமா..? பொடுகில் வெளியே வெள்ளைநிறத்தில் உதிரும் வகை (விசிபிள்), மற்றும் மண்டைப்பகுதியில் மெழுகு மாதிரி படிந்திருக்கும் கண்ணுக்குத் தெரியா வகை (இன்விசிபிள்) என இரண்டு வகை உண்டு. இவற்றில் உங்களுக்கு எந்தவிதமான பொடுகு என்றாலும் அதிலிருந்து நிவாரணம் பெற எளிய சிகிச்சை ஒன்று உள்ளது. நாட்டு மருந்துக் கடைகளில் பொடுதலைப் பொடி, நீலி அவுரி பொடி இரண்டையும் வாங்கிக் கொள்ளுங்கள். தவிர, ஆலிவ் ஆயில், டீட்ரீ ஆயில் மற்றும் ரோஸ்மெரி ஆயில் போன்றவற்றையும் ஆன்லைனிலோ, கடைகளிலோ வாங்கிக் கொள்ளுங்கள்.  டீட்ரீ ஆயில் மற்றும் ரோஸ்மெரி ஆயில்.... இரண்டும் அரோமா ஆயில்கள். இந்த அரோமா ஆயில்களை கலப்பதற்கு தேங்காய் எண்ணெய், விளக்கெண்ணெய் தவிர்த்து பாதாம் ஆயில், சூரியகாந்தி ஆயில், ஆலிவ் ஆயில் என எதை வேண்டுமானாலும் எடுத்துக்கொள்ளலாம்.  பொடுகுத் தொல்லை இருப்பவர்கள், கூடியவரையில் தேங்காய் எண்ணெய் மற்றும் விளக்கெண்ணெய் உபயோகிப்பதைத் தவிர்ப்பது சிறந்தது.   ஆயில் Doctor Vikatan: ஏழே நாள்களில் 10 கிலோ எடையைக் குறைக்கும் டயட் முறையை நம்பலாமா? 30 மில்லி ஆலிவ் ஆயிலில் தலா 100 சொட்டு டீட்ரீ ஆயில் மற்றும் ரோஸ்மெரி ஆயில் சேர்க்கவும். சமீபகாலமாக சோஷியல் மீடியாக்களில் பிரபலமாக இருக்கிறது ரோஸ்மெரி ஆயில். பலரும் அதை அப்படியே தலையில் தேய்ப்பதைப் பார்க்கிறோம். அது மிகவும் தவறு. இந்த எண்ணெய்களைத் தடவிய 20 நிமிடங்களில் மண்டைப்பகுதிக்குள் இறங்கும், நேரடியாகத் தடவுவது பக்கவிளைவுகளை ஏற்படுத்தும் என்பதால் வேறு எண்ணெயுடன் சேர்த்தே உபயோகிக்க வேண்டும். மேற்குறிப்பிட்ட கலவையில் தயாரித்து ஒரு பாட்டிலில் நிரப்பி வைத்துக்கொள்ளுங்கள். முதல்நாள் தலைக்குக் குளித்து அழுக்கின்றி சுத்தமாக வைத்துக்கொள்ள வேண்டும். மறுநாள், நீங்கள் கலந்துவைத்துள்ள எண்ணெயில் சிறிது எடுத்து, பஞ்சில் நனைத்து மண்டைப்பகுதியில் தடவி, அரை மணி நேரம் ஊறவிடவும். முடியில் தடவ வேண்டிய அவசியமில்லை.  பிறகு முடியை நன்கு வாரிவிடவும். இந்தக் கலவையை சூடுபடுத்தக்கூடாது. குளியல் Doctor Vikatan: சரும அழகை மேம்படுத்துமா ஆட்டுப்பால், கழுதைப்பால் சோப்? பொடுதலைப் பொடியையும் நீலி அவுரிப் பொடியையும் சம அளவு எடுத்து, புளித்த மோரிலோ, ஆப்பிள் சைடர் வினிகரிலோ (தண்ணீர் கலந்தது)  கலந்துகொள்ளவும். எண்ணெய் தடவிய மண்டைப் பகுதியில் இந்தக் கலவையை பிரஷ் அல்லது விரல்களின் உதவியோடு தடவவும். பிறகு பெரிய பற்கள் கொண்ட சீப்பால் தலையை வாரிவிடவும். இந்தக் கலவையையும் முடியில் தடவ வேண்டியதில்லை.  மண்டைப்பகுதியில் மட்டும் தடவினால் போதும். 45 நிமிடங்கள் கழித்து மைல்டான ஷாம்பூ உபயோகித்து அலசவும். வாரம் இரண்டு முறை இப்படிச் செய்யலாம். ஏழெட்டு முறை செய்தாலே பொடுகு குறைந்து, முடி ஆரோக்கியமாக மாறுவதை உணர்வீர்கள். உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 13 Feb 2024 9:00 am

பாலியல் வன்கொடுமை செய்தால் ``ஆண்மை நீக்க அறுவை சிகிச்சைமடகாஸ்கர் அரசு அதிரடி..!

குழந்தைகளை பாலியல் வன்கொடுமை செய்வோருக்கு தண்டனையாக அவர்களுக்கு ஆணுறுப்பை செயலிழக்கச் செய்யும் காஸ்ட்ரேஷன் அறுவை சிகிச்சை (surgical castration) செய்வதற்கான சட்டத்தை மடகாஸ்கர் அரசு நாடாளுமன்றத்தில் பிப்ரவரி 2 அன்று இயற்றியுள்ளது.  கிழக்கு ஆப்பிரிக்க தேசமான மடகாஸ்கர் தீவில் குழந்தைகள் மற்றும் சிறார்கள் மீதான வன்கொடுமைகள் அதிகரித்துள்ளன. சிறார்கள் மீதான பாலியல் வன்கொடுமை வழக்குகள் ஆண்டுதோறும் அதிகரித்துக் கொண்டே உள்ளன. இதனை தடுக்கவே இந்தப் புதிய தண்டனைச் சட்டம் இயற்றப்பட்டுள்ளது. அறுவை சிகிச்சை அதிகரிக்கும் உணவுத் தேவை: தொழில்நுட்பத்தில் தயாராகும் செயற்கை மீன், இறைச்சி... உடலுக்கு நல்லதா..? இது குறித்து ஜஸ்டிஸ் மினிஸ்டர் லாண்டி போலாட்டியானா ராண்ட்ரியமானந்தேனாசோவா (Landy Mbolatiana Randriamanantenasoa) கூறுகையில், ``2023-ல் மட்டும் 600 சிறார்கள் மீதான பாலியல் வன்கொடுமை வழக்குகள் பதிவாகி உள்ளன. இந்த ஆண்டின் ஜனவரியில் மட்டும் 133 வழக்குகள் பதிவாகி உள்ளன.  மடகாஸ்கர் இறையாண்மை கொண்டஒரு நாடு. இங்கு மக்களின் பொது நலன்கள் தொடர்பாக அதன் சட்டங்களை மாற்றியமைக்க உரிமை உள்ளது. தற்போதுள்ள தண்டனை சட்டம் இந்த குற்றங்களைச் செய்பவர்களைக் கட்டுப்படுத்த போதுமானதாக இல்லை.   தற்போதைய சட்டத்தின்படி, 10 வயதுக்குட்பட்ட குழந்தைகளை பாலியல் பலாத்காரம் செய்யும் குற்றவாளிகளுக்கு ஆண்மை நீக்க அறுவை சிகிச்சையான காஸ்ட்ரேஷன் செய்யப்படும். 10 முதல் 13 வயதுக்குட்பட்ட குழந்தைகளுக்கு எதிரான பாலியல் வன்கொடுமை வழக்குகளில் ரசாயன அல்லது அறுவை சிகிச்சை முறையிலான காஸ்ட்ரேஷன் செய்யப்படும்.  14 முதல் 17 வயதுக்குட்பட்ட சிறுமிகளை பாலியல் பலாத்காரம் செய்பவர்களுக்கு ரசாயன காஸ்ட்ரேஷன் மூலம் தண்டனை வழங்கப்படும். குழந்தை வயதில் எந்தளவு சிறியவராக இருக்கிறாரோ அந்தளவு தண்டனை அதிகமாக இருக்கும், நாங்கள் குழந்தைகளைப் பாதுகாக்க விரும்புகிறோம்’’ என்று கூறியுள்ளார். காஸ்ட்ரேஷன் சிகிச்சை இரண்டு முறைகளில் செய்யப்படுகிறது. ஒன்று ரசாயன முறை, மற்றொன்று அறுவை சிகிச்சை முறை. அறுவை சிகிச்சை முறையில் நிரந்தரமாக விதைப்பைகள் (testicles) இரண்டுமேஅகற்றப்படும். Medicine அறுவை சிகிச்சை அறையில் வருங்கால மனைவியுடன் போட்டோஷூட்; மருத்துவர்மீது பாய்ந்தது நடவடிக்கை! அதுவே ரசாயன காஸ்ட்ரேஷன் முறையில் ஆணுறுப்பை செயலிழக்கச் செய்யும் மருந்துகள் கொடுக்கப்படும். இது அவர்களின் பாலியல் உணர்வைக் குறைக்கும். மருந்துகளை நிறுத்துவதன் மூலம் இந்த நிலையில் இருந்து ஒருவரால் மீண்டு விட முடியும்.  ``உலகில் உள்ள பல நாடுகள், சில அமெரிக்க மாநிலங்களில் சில பாலியல் குற்றவாளிகளுக்கு ரசாயன காஸ்ட்ரேஷன் தண்டனை வழங்கப்படுகிறது. ஆனால், அறுவை சிகிச்சை காஸ்ட்ரேஷன் அரிதானது. ஆனால், இந்த இரண்டையும் செய்வது சர்ச்சைக்குரியது.  மடகாஸ்கரின் புதிய சட்டமானது நாட்டின் அரசியலமைப்புச் சட்டங்களுக்கு முரணான மனிதாபிமானமற்ற மற்றும் இழிவான நடத்தை'' என உரிமைக் குழுவான அம்னெஸ்டி இன்டர்நேஷனல் விமர்சித்துள்ளது. இந்தச் சட்டம் சர்வதேச அளவில் சர்ச்சையை ஏற்படுத்தி இருந்தாலும், இந்தத் தண்டனை பாலியல் குற்றவாளிகளுக்குப் பொருத்தமானது எனப் பல சமூக ஆர்வலர்கள் ஆதரவு தெரிவித்து வருகின்றனர். பாலியல் வன்கொடுமை செய்யும் குற்றவாளிகளுக்கு இது சரியான தண்டனையா? இந்தத் தண்டனை குறித்து உங்களின் கருத்தென்ன?!

விகடன் 12 Feb 2024 7:31 pm

பாலியல் வன்கொடுமை செய்தால் ``ஆண்மை நீக்க அறுவை சிகிச்சைமடகாஸ்கர் அரசு அதிரடி..!

குழந்தைகளை பாலியல் வன்கொடுமை செய்வோருக்கு தண்டனையாக அவர்களுக்கு ஆணுறுப்பை செயலிழக்கச் செய்யும் காஸ்ட்ரேஷன் அறுவை சிகிச்சை (surgical castration) செய்வதற்கான சட்டத்தை மடகாஸ்கர் அரசு நாடாளுமன்றத்தில் பிப்ரவரி 2 அன்று இயற்றியுள்ளது.  கிழக்கு ஆப்பிரிக்க தேசமான மடகாஸ்கர் தீவில் குழந்தைகள் மற்றும் சிறார்கள் மீதான வன்கொடுமைகள் அதிகரித்துள்ளன. சிறார்கள் மீதான பாலியல் வன்கொடுமை வழக்குகள் ஆண்டுதோறும் அதிகரித்துக் கொண்டே உள்ளன. இதனை தடுக்கவே இந்தப் புதிய தண்டனைச் சட்டம் இயற்றப்பட்டுள்ளது. அறுவை சிகிச்சை அதிகரிக்கும் உணவுத் தேவை: தொழில்நுட்பத்தில் தயாராகும் செயற்கை மீன், இறைச்சி... உடலுக்கு நல்லதா..? இது குறித்து ஜஸ்டிஸ் மினிஸ்டர் லாண்டி போலாட்டியானா ராண்ட்ரியமானந்தேனாசோவா (Landy Mbolatiana Randriamanantenasoa) கூறுகையில், ``2023-ல் மட்டும் 600 சிறார்கள் மீதான பாலியல் வன்கொடுமை வழக்குகள் பதிவாகி உள்ளன. இந்த ஆண்டின் ஜனவரியில் மட்டும் 133 வழக்குகள் பதிவாகி உள்ளன.  மடகாஸ்கர் இறையாண்மை கொண்டஒரு நாடு. இங்கு மக்களின் பொது நலன்கள் தொடர்பாக அதன் சட்டங்களை மாற்றியமைக்க உரிமை உள்ளது. தற்போதுள்ள தண்டனை சட்டம் இந்த குற்றங்களைச் செய்பவர்களைக் கட்டுப்படுத்த போதுமானதாக இல்லை.   தற்போதைய சட்டத்தின்படி, 10 வயதுக்குட்பட்ட குழந்தைகளை பாலியல் பலாத்காரம் செய்யும் குற்றவாளிகளுக்கு ஆண்மை நீக்க அறுவை சிகிச்சையான காஸ்ட்ரேஷன் செய்யப்படும். 10 முதல் 13 வயதுக்குட்பட்ட குழந்தைகளுக்கு எதிரான பாலியல் வன்கொடுமை வழக்குகளில் ரசாயன அல்லது அறுவை சிகிச்சை முறையிலான காஸ்ட்ரேஷன் செய்யப்படும்.  14 முதல் 17 வயதுக்குட்பட்ட சிறுமிகளை பாலியல் பலாத்காரம் செய்பவர்களுக்கு ரசாயன காஸ்ட்ரேஷன் மூலம் தண்டனை வழங்கப்படும். குழந்தை வயதில் எந்தளவு சிறியவராக இருக்கிறாரோ அந்தளவு தண்டனை அதிகமாக இருக்கும், நாங்கள் குழந்தைகளைப் பாதுகாக்க விரும்புகிறோம்’’ என்று கூறியுள்ளார். காஸ்ட்ரேஷன் சிகிச்சை இரண்டு முறைகளில் செய்யப்படுகிறது. ஒன்று ரசாயன முறை, மற்றொன்று அறுவை சிகிச்சை முறை. அறுவை சிகிச்சை முறையில் நிரந்தரமாக விதைப்பைகள் (testicles) இரண்டுமேஅகற்றப்படும். Medicine அறுவை சிகிச்சை அறையில் வருங்கால மனைவியுடன் போட்டோஷூட்; மருத்துவர்மீது பாய்ந்தது நடவடிக்கை! அதுவே ரசாயன காஸ்ட்ரேஷன் முறையில் ஆணுறுப்பை செயலிழக்கச் செய்யும் மருந்துகள் கொடுக்கப்படும். இது அவர்களின் பாலியல் உணர்வைக் குறைக்கும். மருந்துகளை நிறுத்துவதன் மூலம் இந்த நிலையில் இருந்து ஒருவரால் மீண்டு விட முடியும்.  ``உலகில் உள்ள பல நாடுகள், சில அமெரிக்க மாநிலங்களில் சில பாலியல் குற்றவாளிகளுக்கு ரசாயன காஸ்ட்ரேஷன் தண்டனை வழங்கப்படுகிறது. ஆனால், அறுவை சிகிச்சை காஸ்ட்ரேஷன் அரிதானது. ஆனால், இந்த இரண்டையும் செய்வது சர்ச்சைக்குரியது.  மடகாஸ்கரின் புதிய சட்டமானது நாட்டின் அரசியலமைப்புச் சட்டங்களுக்கு முரணான மனிதாபிமானமற்ற மற்றும் இழிவான நடத்தை'' என உரிமைக் குழுவான அம்னெஸ்டி இன்டர்நேஷனல் விமர்சித்துள்ளது. இந்தச் சட்டம் சர்வதேச அளவில் சர்ச்சையை ஏற்படுத்தி இருந்தாலும், இந்தத் தண்டனை பாலியல் குற்றவாளிகளுக்குப் பொருத்தமானது எனப் பல சமூக ஆர்வலர்கள் ஆதரவு தெரிவித்து வருகின்றனர். பாலியல் வன்கொடுமை செய்யும் குற்றவாளிகளுக்கு இது சரியான தண்டனையா? இந்தத் தண்டனை குறித்து உங்களின் கருத்தென்ன?!

விகடன் 12 Feb 2024 7:31 pm

தொட்டில் என நினைத்து மைக்ரோவேவ் ஓவனில் குழந்தையை வைத்த தாய்... என்ன நடந்தது?!

அமெரிக்காவின் மிசோரியில் உள்ள கன்சாஸ் நகரில் வசித்து வருபவர் 26 வயதான மரிகா தாமஸ். இவர் தன்னுடைய ஒரு மாத குழந்தையை தொட்டிலில் உறங்க வைப்பதாக நினைத்து தவறுதலாக உணவை சூடுபடுத்த பயன்படுத்தப்படும் மைக்ரோவேவ் ஓவனில் வைத்துச் சென்றிருக்கிறார். Baby (Representational Image) திருட்டுப் பழக்கம்... மனநலம் சார்ந்த பிரச்னையாகவும் இருக்கலாம்! குழந்தைக்கு அணிவித்திருந்த ஆடையும், டயாப்பரும் கருகி எரிந்து, அதில் இருந்து புகை வரவே அக்கம்பக்கத்தில் இருப்பவர்கள் காவல் துறைக்குத் தகவல் தெரிவித்துள்ளனர். இந்தச் சம்பவம் கடந்த வெள்ளிக்கிழமை அன்று நடந்துள்ளது.  சம்பவ இடத்திற்கு விரைந்த போலீஸார், குழந்தை மூச்சற்று இறந்த நிலையில் கிடப்பதைக் கண்டனர். சம்பவ இடத்தில் குழந்தையின் போர்வையும் கருகி இருந்ததைக் கண்டுள்ளனர். அவர்கள் அங்கு வருவதற்கு முன்னரே குழந்தை இறந்துள்ளது.  குழந்தைகள் நலனுக்கு ஆபத்தை விளைவித்த செயலுக்காக தாய் மரிகா தாமஸ் மீது வழக்குப் பதிவு செய்து அதிகாரிகள் கைது செய்துள்ளனர். இவ்வளவு பெரிய தவறு எப்படி நடந்தது..? எனத் தெளிவான விளக்கம் எதுவும் அதிகாரிகள் தரப்பில் அளிக்கவில்லை. இந்தச் சம்பவத்தைச் சுற்றியுள்ள சூழலும் குழப்பமாகவே இருக்கிறது.  மரிகா தாமஸின் நண்பர் அவரது மனநலம் பாதிக்கப்பட்டு இருக்கலாம் எனத் தெரிவித்து இருக்கிறார். உறங்க வைப்பதாக நினைத்து குழந்தையை மைக்ரோவேவ் ஓவனில் தாய் வைத்த சம்பவம் அதிர்ச்சியை ஏற்படுத்தி இருக்கிறது.

விகடன் 12 Feb 2024 3:47 pm

Doctor Vikatan: டிரெண்டாகி வரும் '100 times washed ghee'; குழந்தைகளுக்குப் பயன்படுத்தலாமா..?

Doctor Vikatan: சோஷியல் மீடியாவில் சமீபகாலமாக  '100 times washed  ghee' என்ற ஒன்று பயங்கர டிரெண்டாகி வருவதைப் பார்க்கிறேன். பலரும் வீட்டிலேயேகூட அதைத் தயாரித்துப் பயன்படுத்துவதாகச் சொல்கிறார்கள். நெய்யில் தயாரிக்கப்படும் இதை குழந்தைகளின் சருமத்துக்குப் பயன்படுத்தலாமா? பதில் சொல்கிறார், சென்னையைச் சேர்ந்த சருமநல மருத்துவர் பூர்ணிமா      சருமநல மருத்துவர் பூர்ணிமா நீங்கள் கேள்விப்பட்டது உண்மைதான்... சமீபகாலமாக '100 முறை வாஷ் செய்த நெய்' மற்றும் '100 முறை வாஷ் செய்த நெய் க்ரீம்' ரொம்பவே டிரெண்டாகி வருகிறது. நிறைய பெண்கள் இதைப் பார்த்துவிட்டு, இந்த க்ரீமுடன், மஞ்சள் சேர்த்து, குழந்தைகளுக்கு மாய்ஸ்ச்சரைசராகவும் உபயோகிக்கத் தொடங்கியிருப்பதைப் பார்க்கிறோம். சுத்தமான நெய்தானே.... அப்போது இது சருமத்துக்கு நிச்சயம் நல்லதுதானே என்ற கேள்வி பலருக்கும் இருக்கிறது. சருமம் Doctor Vikatan: கடுக்காய் பொடி சாப்பிட்டால் மலச்சிக்கல், முதுமைத்தோற்றம் விலகுமா..? சருமநல மருத்துவத்தில் 'நான்காமிடோஜெனிக்' ( Noncomedogenic ) என்றொரு வார்த்தை உண்டு. அதாவது நாம் பயன்படுத்துகிற எந்த அழகு சாதனமும் சருமத்தில் எண்ணெய் சுரக்கும் துவாரங்களை அடைக்காதபடி இருக்க வேண்டும். நாம் பயன்படுத்தும் பொருள், அந்தத் துவாரங்களை அடைத்தால், அதில் பாக்டீரியா சேர்ந்து இன்ஃபெக்ஷன் வரக்கூடும்.   அதன் விளைவாக முகத்தில் பருக்கள், கரும்புள்ளிகள் போன்றவை வரக்கூடும். அதாவது, சருமத்தில் பொரிப்பொரியாக வரும். குழந்தைகளுக்கு இயல்பிலேயே எதிர்ப்பு சக்தி குறைவாக இருக்கும். குழந்தைகள் வளர, வளரத்தான் அவர்களது எதிர்ப்பு சக்தியும் அதிகரிக்கத் தொடங்கும். குழந்தை சருமம் Doctor Vikatan: கிளாஸ் ஸ்கின் (Glass skin) எனப்படும் கண்ணாடி சருமம் எல்லோருக்கும் சாத்தியமா? அதனால்தான் குழந்தைகளுக்கு தேங்காய் எண்ணெய் உள்பட பல எண்ணெய்களையும் குளிப்பதற்கு முன் தடவி, சிறிது நேரத்தில் குளிப்பாட்டச் சொல்லி அறிவுறுத்துவோம். எனவே, சருமத் துவாரங்களை அடைக்காதபடியான மாய்ஸ்ச்சரைசர் உபயோகிப்பதுதான் பாதுகாப்பானது. குறிப்பாக, குழந்தைகளுக்கு இப்படித்தான் உபயோகிக்க வேண்டும். அந்த வகையில் நான் இந்த 100 டைம்ஸ் வாஷ்டு கீ க்ரீமை நிச்சயம் பரிந்துரைக்க மாட்டேன்.  உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 12 Feb 2024 9:00 am

காமசூத்ரா சொல்லும் `யோனிப்பொருத்தம்' Vs இந்தக்கால கெமிஸ்ட்ரி... - காமத்துக்கு மரியாதை - 142

திருமண பந்தத்தில் நுழையவிருக்கிற ஆணுக்கும் பெண்ணுக்கும் பாலுறுப்புகள் 'சமரத'மாக, அதாவது பொருத்தமாக இருக்க வேண்டும் என்கிறது காமசூத்ரம். அது என்ன சமரதம்? வாத்ஸாயனரின் வார்த்தைகளிலேயே சொல்ல வேண்டுமென்றால், தாம்பத்திய உறவின்போது புணர்ச்சி உறுப்புகள் ஒன்றுடன் ஒன்று இறுக்கமாக இருக்க வேண்டும். அதற்குக் கணவன், மனைவி புணர்ச்சி உறுப்புகளின் அகல, நீள மற்றும் ஆழ அளவுகள் பொருத்தமாக இருக்க வேண்டும். ஓர் உதாரணம் சொல்ல வேண்டுமென்றால், மனைவியின் புணர்ச்சி உறுப்பின் ஆழத்துக்கு ஏற்றபடி கணவனின் புணர்ச்சி உறுப்பின் நீளம் இருக்க வேண்டும். அப்படியில்லாதபோது இருவருக்குமே தாம்பத்திய உறவில் திருப்தி கிடைக்காது. இந்த விஷயத்தைத்தான் `யோனிப்பொருத்தம்' மூலம் கண்டறிவதாக காமசூத்ரா சொல்கிறது. Sex Education உறுப்பு சின்னதா இருக்குனு ஃபீல் பண்றீங்களா? மிரரிங் டெக்னிக் பண்ணுங்க! - காமத்துக்கு மரியாதை - 141 இதுபற்றி மனநல மருத்துவர் ஷாலினி பேசும்போது, ''கல்யாணம் செஞ்சுக்கப்போற ஆணுக்கும் பெண்ணுக்கும் செக்ஸுவலி கெமிஸ்ட்ரி நல்லா இருக்குமான்னு தெரிஞ்சுக்கிறதுதான் யோனிப் பொருத்தம். ஆணோ, பெண்ணோ சிலருக்கு தாம்பத்திய உறவில் ஆர்வம் அதிகமிருக்கும்; சிலருக்கு குறைவா இருக்கும். இதைத் தெரிஞ்சுக்கிட்டு, யாருடன் யாரை சேர்க்கணும்கிறதைக் கண்டுபிடிக்கிற ஒரு வழியாத்தான் நான் யோனிப் பொருத்தத்தைப் பார்க்கிறேன். இது திருமணத்துக்கு மிக மிக தேவைங்கிறதுதான் என்னோட கருத்தும். ஆனா, இதை சம்பந்தப்பட்டவங்களுடைய இயல்பை வெச்சுதான் கண்டுபிடிக்க முடியும். உதாரணத்துக்குச் சொல்லணும்னா, பெற்றோர் பார்த்து வைக்கிற திருமணங்கள்லகூட நிச்சயத்துக்குப்பிறகு கிடைக்கிற கேப்ல சிலர் 'செக்ஸ் டாக்' வரைக்கும் பேசி, நல்லா கெமிஸ்ட்ரி வொர்க் அவுட் ஆன பிறகு கல்யாணம் செஞ்சுப்பாங்க. சிலர், இந்தக் காலத்திலும் 'நீ சாப்பிட்டியா; நீங்க சாப்பிட்டீங்களா'ங்கிற அளவுலேயே பேசிட்டு கல்யாணம் பண்ணிக்கிறாங்க. 'உனக்கு என்ன கலர் பிடிக்கும்'னு கேட்கிறதையே பெரிய பகிர்தலா நினைச்சுக்கிற சிலரும் இந்தத் தலைமுறையில இருக்காங்க. நம்புறதுக்கு கஷ்டமா இருந்தாலும் நான் சந்திச்சுட்டு வர்ற உண்மை இது. இவங்களுக்கு செக்ஸ் தொடர்பா என்ன விழிப்புணர்வு இருந்துட முடியும்? சிலர் அப்படியே எதிர்ப்பதமா 'அதான் நிச்சயமாயிடுச்சுல்ல' என்று டாப்லெஸ் போட்டோ கேட்குற அளவுக்கு, அனுப்புற அளவுக்கும் இருக்காங்க. ரெண்டுமே அதிகப்படிதான். Dr. Shalini `பியா கா கர்' ஜெயா பச்சன்... தம்பதிகள் தெரிஞ்சுக்க வேண்டிய விஷயங்கள்...| காமத்துக்கு மரியாதை - 140 முதல் இரண்டு வகையில், நாகரிகம் பார்த்து செக்ஸ் டாக் இல்லாம இருந்துட்டு, திருமணத்துக்குப் பிறகு செக்ஸ் லைஃப்ல சந்தோஷமா இருக்காங்கன்னா நல்லது. அப்படியில்லாம, குத்துமதிப்பா செக்ஸ் பண்ணிட்டோ அல்லது எனக்கு மட்டும் உச்சக்கட்டம் கிடைச்சா போதும்னோ ஆண் இருந்தா பெண் நிலைமை கஷ்டம்தான். மூன்றாவது வகையில் அடக்கி வெச்சதையெல்லாம் தனக்குன்னு ஒரு பொண்ணு நிச்சயமானதும் வெளிக்காட்டுறானா, அல்லது அந்தப் பெண்ணை செக்ஸ் டாய் மாதிரி பயன்படுத்துவானா அப்படிங்கிறது திருமணத்துக்குப் பின்னாடிதான் தெரிய வரும். இந்த விஷயங்களை ஓரளவுக்காவது முன்கூட்டியே தெரிஞ்சுக்கணும்னா பரஸ்பரம் நிறைய பேசணும். நிச்சயம் செஞ்ச திருமணத்தை நிறுத்துற பேச்சைப்பத்தி நான் குறிப்பிடலை. சேர்ந்து வாழறதுக்கு தேவையான பேச்சுகளைப் பேசணும். பரஸ்பரம் உருவம் பிடிச்சிருக்கணும்; குணம் பிடிச்சிருக்கணும்; இவனோட/இவளோட ஒரே அறையை பகிர்ந்துக்க எனக்குப் பிடிச்சிருக்குன்னு மனசு சொல்லணும். அதுக்காக மனசு கொஞ்சம் ஏங்கவும் செய்யணும். முக்கியமா, பரஸ்பரம் உடல்களைப் பகிர்ந்துக்கிறதை பத்தி யோசிக்கிறப்போ இவன்கூடவா/இவகூடவான்னு அருவருப்பு வரவே கூடாது. அப்படி வந்தா, ரெண்டு பேருக்கு நடுவுல யோனிப்பொருத்தம் இல்ல. அதாவது, கெமிஸ்ட்ரி இல்லைன்னு அர்த்தம்'' என்கிறார்.

விகடன் 11 Feb 2024 6:00 pm

Doctor Vikatan: ஏழே நாள்களில் 10 கிலோ எடையைக் குறைக்கும் டயட் முறையை நம்பலாமா?

Doctor Vikatan: ஒரே வாரத்தில் 5 கிலோ எடை குறைக்கலாம், 10 கிலோ குறைக்கலாம் என்றெல்லாம் சொல்லப்படுவது எந்த அளவுக்கு உண்மை..? உணவுக்கட்டுப்பாட்டின் மூலம் எடையைக் குறைப்பது எந்த அளவுக்கு சாத்தியம். அதை எப்படி சாத்தியப்படுத்தலாம்? பதில் சொல்கிறார், சென்னையைச் சேர்ந்த, ஸ்போர்ட்ஸ் அண்ட் ப்ரிவென்ட்டிவ் ஹெல்த்  டயட்டீஷியன் ஷைனி சுரேந்திரன். ஷைனி சுரேந்திரன் ஒரே வாரத்தில் 5 கிலோ, 10 கிலோ எடை குறைக்க உதவுவதாகச் சொல்லப்படும் உணவுமுறையை 'க்ராஷ் டயட்'  (Crash diet) என்று  சொல்வோம். இப்படி கன்னாபின்னாவென டயட்டை பின்பற்றுவதன் மூலம் உடல்நல பிரச்னைகள் வரும்.  இப்படிப்பட்ட உணவுப்பழக்கத்தால் நோய் எதிர்ப்பு சக்தி குறையும், தசைகளின் அடர்த்தி குறையும், எனர்ஜி அளவு குறையும், இப்படி இன்னும் நிறைய பிரச்னைகள் வரலாம். அது மட்டுமன்றி, இத்தகைய கறாரான, கண்டிப்பான உணவுக்கட்டுப்பாட்டை  நம்மால் நீண்ட நாளைக்குப் பின்பற்றவும் முடியாது. அதிகபட்சமாக ஒரு மாதம் பின்பற்றினாலே பெரிது. இதற்கு பதில், சரியான, நிலையான உணவுக்கட்டுப்பாட்டைப் (sustainable diet) பின்பற்றுவதுதான் சரியானது.  எடைக்குறைப்பு Doctor Vikatan: உறக்கமில்லாத இரவுகள்... உணவுப்பழக்கத்துக்கும் தூக்கத்துக்கும் தொடர்புண்டா? அதென்ன நிலையான உணவுக்கட்டுப்பாடு? நம்மால் நம் வீட்டிலேயே ஆரோக்கியமான முறையில் தயாரித்துச் சாப்பிடும்படியான உணவுப்பழக்கம்தான். அதாவது  அப்படியொரு டயட்டை மூன்று, நான்கு வருடங்களுக்கு நம்மால் தொடர்ந்து பின்பற்றவும் முடியும் என்றால் அதுவே சஸ்டெய்னபுள் டயட்.  சரி... அதை எப்படிச் சாத்தியப்படுத்தலாம்? காலையில் வெறும் தோசை சாப்பிடுவதற்கு பதில் முட்டை தோசை அல்லது கீரை தோசை சாப்பிடலாம். தொட்டுக்கொள்ள தேங்காய் சட்னிக்கு பதில் புதினா-கொத்தமல்லி சட்னி சாப்பிடலாம். இட்லி, தோசை மாவில் கேழ்வரகு மாவு, கம்பு மாவு போன்றவற்றைச் சேர்க்கலாம். அவற்றிலுள்ள நார்ச்சத்து எடைக்குறைப்புக்குப் பெரிதும் உதவும். எடை Doctor Vikatan: கடுக்காய் பொடி சாப்பிட்டால் மலச்சிக்கல், முதுமைத்தோற்றம் விலகுமா..? மதிய உணவுக்கு ஒரு கப் சாதத்துடன் 2 கப் காய்கறிகள் வைத்துச் சாப்பிடலாம். நிறைய காய்கறிகள் சேர்த்த கூட்டு செய்து சாப்பிடலாம். வாரத்துக்கு 2-3 நாள்களுக்கு கீரை சேர்த்துக் கொள்ளுங்கள். ஃப்ரெஷ்ஷாக துருவிய தேங்காயில் செய்த தேங்காய் சாதம், கூடவே முளைக்கட்டிய பயறு, அத்துடன் வெள்ளரிக்காய், தக்காளி சேர்த்த சாலட் வைத்துச் சாப்பிடலாம். சிறுதானியத்துடன் பருப்பும் காய்கறிகளும் சேர்த்த கிச்சடி செய்து சாப்பிடலாம். அடுத்து இரவு உணவு, இதற்கு அடை அல்லது பாசிப்பயறு பெசரட் சாப்பிடலாம். சப்பாத்தி, அதற்குத் தொட்டுக்கொள்ள நிறைய காய்கறிகள் அல்லது சிக்கன் அல்லது மட்டன் சைடிஷ் எடுத்துக்கொள்ளலாம். கோதுமை மாவுடன் சிறுதானிய மாவும் சேர்த்து சப்பாத்தி தயாரித்துச் சாப்பிடலாம். தொட்டுக்கொள்ள பசலைக்கீரை- பருப்பு தால் சிறந்த காம்பினேஷன். ஹெல்தி டயட் Doctor Vikatan: காலையில் காபி, டீயுடன் பிஸ்கட் சாப்பிடுவது தவறா? உங்கள் மூன்று வேளை உணவுகளையும் இப்படித் திட்டமிட்டுக் கொண்டால் உங்களால் எடைக்குறைப்பில் இலக்கை எட்ட முடியும். அதைத் தவிர்த்து சீக்கிரமே இலக்கை அடையலாம் என தவறாக வழிகாட்டும் டயட் முறைகளைப் பின்பற்றினால், உங்களால் உங்களுக்குப் பிடித்த உணவைக்கூட சாப்பிட முடியாத நிலை ஏற்படலாம். உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 11 Feb 2024 9:00 am

Doctor Vikatan: கடுக்காய் பொடி சாப்பிட்டால் மலச்சிக்கல், முதுமைத்தோற்றம் விலகுமா..?

Doctor Vikatan: தினமும் இரவில் கடுக்காய் தூள் எடுத்துக்கொள்வது மலச்சிக்கலைத் தவிர்க்கும் என்றும், முதுமையை விரட்டி, என்றும் இளமையோடு வைக்கும் என்றும் ஒரு தகவல் கேள்விப்பட்டேன். அது உண்மையா.... யார் வேண்டுமானாலும் கடுக்காய் எடுத்துக் கொள்ளலாமா? பதில் சொல்கிறார் திருப்பத்தூரைச் சேர்ந்த சித்த மருத்துவர் விக்ரம்குமார் சித்த மருத்துவர் வி. விக்ரம்குமார் Doctor Vikatan: ஓட்ஸையும் பார்லியையும் ஒன்றாகச் சேர்த்து சாப்பிடலாமா? நீங்கள் கேள்விப்பட்டது உண்மைதான். கடுக்காய்க்கு நிறைய மருத்துவ குணங்கள் உண்டு. அதில் நிறைய ஆன்டிஆக்ஸிடன்ட்ஸ் இருக்கின்றன. அதனால் இதை ஒரு காயகற்ப மருந்தாக சித்த மருத்துவத்தில் பல்லாண்டு காலமாகப் பயன்படுத்துகிறார்கள்.  திரிபலா சூரணத்தில் கடுக்காய், நெல்லிக்காய், தான்றிக்காய் என மூன்றும் சேர்க்கப்பட்டிருக்கும். இதுவும் ஒரு காயகற்ப மருந்துதான். மலத்தை இளகச் செய்து, உடல் கழிவுகளை நீக்கும் தன்மை கொண்டது கடுக்காய். உணவுமுறையில் துவர்ப்புச்சுவைக்கென பெரும்பாலும் நாம் எதையும் எடுத்துக்கொள்வதில்லை. கடுக்காய் வாழைப்பூவில் துவர்ப்புச்சுவை உண்டு. அதை மட்டும் எப்போதாவது எடுத்துக்கொள்கிறோம். அந்த வகையில் கடுக்காயைச் சேர்த்துக்கொள்வதன் மூலம் துவர்ப்புச்சுவை நம் உடலில் சேரும். Doctor Vikatan: சாப்பாட்டுக்குப் பிறகு, சிறிது வெல்லம் எடுத்துக்கொள்வது சரியா? கடுக்காய்க்கு நரை, திரை, மூப்பு போக்கும் தன்மை உண்டு என்றும் சொல்லப்படுகிறது. இதிலுள்ள ஆன்டி ஆக்ஸிடன்ட்ஸ், கூந்தல் நரைக்காமல் மெலனின் நிறமிகளைப் பாதுகாக்கக்கூடியவை. சருமத்தில் சுருக்கங்கள் வராமலும், முதுமையடையாமலும் காக்கக்கூடியதும்கூட. கடுக்காய் எடுத்துக்கொண்டால் 'கிழவனும் குமரன் ஆகலாம்' என்றும் சொல்லப்படுவதுண்டு. தொடர்ந்து சிறு வயதிலிருந்தே கடுக்காய் எடுத்து வருபவர்களுக்கு முதுமை தள்ளிப்போவதாக  ஒரு நம்பிக்கை உண்டு. கடுக்காயை மருந்தாகவே பயன்படுத்த வேண்டும். 48 நாள்கள் எடுத்துக்கொண்டு ஓர் இடைவெளி விட வேண்டும். தொடர்ந்து சாப்பிடக்கூடாது. கடுக்காய் சாப்பிட்டால்தான் மலம் கழிக்க முடியும் என்ற நிலையில் சிலர் இருப்பார்கள். அது தவறு. வயதானவர்கள் கடுக்காயை தினமும் சாப்பிடலாம் Doctor Vikatan: காலைக்கடன் கழிப்பதில் சிரமம்... மீள்வதற்கு எளிய வழிகள் உண்டா? காலை சுக்கு, மதியம் இஞ்சி, இரவு கடுக்காய் சாப்பிடுவது சரியான ஃபார்முலா.  சுக்கை காபியாக எடுத்துக் கொள்ளலாம். இஞ்சியை துவையலாக, சட்னியாக எடுத்துக் கொள்ளலாம்.  கடுக்காயை நேரடியாக கடுக்காய் சூரணமாகவோ அல்லது திரிபலா சூரணமாகவோ எடுத்துக்கொண்டால் நல்ல பலன்களைத் தரும். உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 10 Feb 2024 9:00 am

``சுய இன்பம் மூன்று நிலைகளில் பெண்களைப் பாதுகாக்கும்மருத்துவர் சொல்லும் காரணம்..!

சுய இன்பம் என்றாலே, அது ஆண்களுக்கானது என்றே பலரும் நம்பிக்கொண்டிருக்கிறார்கள். உண்மையில் அது ஆண், பெண் இருவருக்குமானது. இன்றைய இளம் தலைமுறையினரில் பெரும்பாலானவர்களுக்கு இது நன்றாகவே தெரிந்திருக்கிறது. என்றாலும், அவர்களுக்கும்கூட, `சுய இன்பம் அனுபவிப்பது தப்போ'; `அதனால வேற ஏதாவது பிரச்னை வந்துடுமோ' என்கிற பயம் இருக்கிறது. பெண்களின் சுய இன்பம் குறித்துப் பேசுகிறார் சென்னையைச் சேர்ந்த பாலியல் மருத்துவரும் உலக சுகாதார அமைப்பின் பாலியல் உரிமைக்குழுவின் உறுப்பினருமான காமராஜ். Woman (Representational Image) பெண்ணுறை ஏன் சிறந்தது? பயன்படுத்துவது எப்படி? I Female Condom ``1940-களில் அமெரிக்காவில் நடந்த சம்பவம் இது. விலங்கியல் பேராசிரியரான டாக்டர் கின்சேவிடம், திருமணம் செய்யவிருக்கிற இளைஞர்களுக்கு பாலியல் குறித்த வகுப்புகள் எடுக்கும்படி கேட்டுக்கொள்ளப்பட்டது. மாணவர்கள் தங்கள் சந்தேகங்களைக் கேட்டார்கள். ஆனால், பேராசிரியர் கின்சேவால் அவற்றுக்கான பதில்களைச் சொல்ல முடியவில்லை. காரணம்... மாணவர்கள் கேட்ட கேள்விகள் தொடர்பான எந்த ஆராய்ச்சிகளும் அதுவரை அமெரிக்காவில் நடத்தப்படவில்லை. அதைவிட முக்கியமாக மனித பாலியல் தொடர்பான எந்த ஆய்வுகளும் அதுவரை நடைபெறவில்லை. அதில் சுய இன்பமும் ஒன்று. எத்தனை சதவிகிதம் பேர் சுய இன்பம் செய்கிறார்கள்; ஆண்கள் மட்டும்தான் செய்கிறார்களா; பெண்களும் செய்கிறார்களா என்பவை தொடர்பான ஆய்வு முடிவுகள் அப்போது அந்நாட்டிடம் இல்லை. உடனே, 12,000 நபர்களை வைத்து மிகப்பெரிய அளவிலான பாலியல் ஆய்வு ஒன்றை மேற்கொண்டார் டாக்டர் கின்சே. அதன் முடிவில், தான் கண்டறிந்த பாலியல் முடிவுகளை ஒரு புத்தகமாக எழுதி 1949-ல் வெளியிட்டார். அந்தப் புத்தகத்தின் மூலம்தான் ஆண்களில் கிட்டத்தட்ட 80 சதவிகிதம் பேரும், பெண்களில் கிட்டத்தட்ட 60 சதவிகிதம் பேரும் சுய இன்பம் செய்கிறார்கள் என்பது தெரியவந்தது. இதில் தன்பாலின ஈர்ப்பாளர்கள் கிட்டத்தட்ட 15 சதவிகிதம். திருமணத்துக்கு வெளியிலான உறவில் 9 சதவிகிதம் பேர் ஈடுபடுகிறார்கள் என்பதும் அந்த ஆய்வின் மூலம் வெளிப்பட்டது. அந்தக் காலத்தில் பழைமைவாதக் கொள்கைகளுடன் இருந்த அமெரிக்கா, இந்த ஆய்வின் முடிவைக் கண்டு அதிர்ந்துவிட்டது. டாக்டர் காமராஜ் How to: பெண்ணுறையைப் பயன்படுத்துவது எப்படி? | How To Use Female Condom? இந்த ஆய்வின் மூலம், 1940-களிலேயே 60 சதவிகித அமெரிக்கப் பெண்கள் சுய இன்பம் அடைந்து வந்திருக்கிறார்கள் என்பது தெரிகிறதல்லவா? தற்போதைய இந்தியாவைப் பொறுத்தவரைக்கும் பெண்களின் சுய இன்பம் குறித்த எந்தவொரு பெரிய ஆய்வு முடிவுகள் இல்லையென்றாலும், சிறிய பல ஆய்வுகளின் மூலம் கிட்டத்தட்ட அது 50 முதல் 60 சதவிகிதம் என்பது கண்டறியப்பட்டுள்ளது. இந்திய ஆண்களைப் பொறுத்தவரை இது 90 முதல் 99 சதவிகிதம் வரை... சுய இன்பம் செய்வதனால் பெண்களுக்கு உடல் ரீதியிலான பிரச்னை வராது. இன்றைக்குப் பல பெண்கள், கல்வி, வேலை உள்ளிட்ட பல காரணங்களுக்காகத் திருமணத்தைத் தள்ளிப் போடுகிறார்கள். பருவ வயதில் காதலும் அதையொட்டிய காமமும் ஆண், பெண் இருபாலருக்கும் இயல்பான ஒன்றுதான். இந்த உணர்வுக்கு வடிகாலாக சுய இன்பம் இருக்கும். அதனால், சமூகம் இதை இயல்பாக எடுத்துக்கொள்வதே சரி. Woman (Representational Image) `பாலியல் தொழிலால ஹெச்.ஐ.வி பாதிப்பு... சாகப்போறேன்னு நினைச்சவ அரசு சிகிச்சையால நல்லாயிருக்கேன்!’ சுய இன்பம் மூன்று நிலைகளில் பெண்களைப் பாதுகாக்கும். காதல் உணர்வு காரணமாக, முதிர்ச்சியற்ற உறவுக்குள் சிக்கிக்கொண்டால் சம்பந்தப்பட்ட பெண்ணின் நிலைமை வாழ்நாள் முழுக்க வருத்தத்துக்குரிய ஒன்றாகிவிடும். அதை சுய இன்பம் தடுத்து விடும். அடுத்து தேவையற்ற கர்ப்பம். திருமணத்துக்கு முன்னர் கருத்தரித்துவிட்டால் இந்தியா போன்ற நாடுகளில் அந்தப் பெண்ணின் நிலைமையும் எதிர்காலமும் எப்படி இருக்கும் என்பதை நாம் அனைவருமே அறிவோம். மூன்றாவதாக ஹெச்.ஐ.வி உள்ளிட்ட பால்வினை நோய்கள் வராமல் தடுக்கப்படும். பெரும்பான்மை இந்திய ஆண்கள், தன் சந்ததியைப் பெருக்க காடுகளில் அவசர அவசரமாகப் பெண்ணுடன் இணை சேர்ந்த இயல்பிலிருந்து இன்னமும் மாறவில்லை. அதனால்தான், மனைவியின் உச்சக்கட்டம் குறித்த விழிப்புணர்வு பெரும்பான்மை இந்திய கணவர்களிடம் இருப்பதில்லை. `தான் அடைந்துவிட்டால் போதும்' என்கிற எண்ணத்துடன் நகர்ந்து விடுகிறார்கள். Woman (Representational Image) `பொய் கேஸில் சிக்க வைத்தது ஏன்?' - போலி போதை ஸ்டாம்ப் வழக்கில் 72 நாள் சிறையிலிருந்த பெண் கண்ணீர்..! இதனால் கணவர் மீது வருத்தத்துடனும் கோபத்துடனும் இருக்கிற பெண்களைப் பார்க்க முடிகிறது. சுய இன்பம் அப்படிப்பட்ட பெண்களுக்கு நல்ல தீர்வாக இருக்கும். இளம் தலைமுறையினர் மத்தியில் பலருடைய விவாகரத்துக்கு தாம்பத்திய உறவில் உச்சக்கட்டம் கிடைக்காததும் ஒரு முக்கிய காரணம் என்பதால், அதற்கு மாற்றான சுய இன்பம் மூலம் உச்சக்கட்டம் அடைவது நல்லதுதானே? என்கிறார் டாக்டர் காமராஜ்.

விகடன் 9 Feb 2024 2:05 pm

Doctor Vikatan: ஓட்ஸையும் பார்லியையும் ஒன்றாகச் சேர்த்து சாப்பிடலாமா?

Doctor Vikatan: நான் காலை உணவுக்கு வாரத்தில் நான்கு நாள்களுக்கு ஓட்ஸ் உணவுதான் எடுத்துக்கொள்கிறேன். ஆனால் எடை குறைவதாகத் தெரியவில்லை.  ஓட்ஸ் உடன் பார்லியையும் சேர்த்து வேகவைத்துச் சாப்பிடலாமா?  இப்படி பார்லி சேர்த்துச் சாப்பிடுவதால் எடை குறைய வாய்ப்பிருக்கிறதா? பதில் சொல்கிறார் பெங்களூரைச் சேர்ந்த கிளினிகல் டயட்டீஷியன் மற்றும் வெல்னெஸ்  நியூட்ரிஷனிஸ்ட் ஸ்ரீமதி வெங்கட்ராமன் ஸ்ரீமதி வெங்கட்ராமன் நம்மில் பலரும் ஓட்ஸுக்கு கொடுக்கும் முக்கியத்துவத்தை பார்லிக்கு கொடுப்பதில்லை. லோக்கலாக கிடைக்கும் பார்லியைவிட, அதிகமாக விளம்பரப்படுத்தப்படும் ஓட்ஸில்தான் அதிக சத்துகள் இருப்பதாக நம்புகிறோம். உண்மையில், பார்லியில் ஆரோக்கியத்துக்கான பல விஷயங்கள் உள்ளன. பார்லியில் கரையும் மற்றும் கரையாத நார்ச்சத்து (Soluble fiber and Insoluble fiber) என இரண்டு விதமான நார்ச்சத்துகளும் உள்ளன. அடிக்கடி ஓட்ஸ் சாப்பிட்டுப் பழக்கப்பட்டவர்கள், அத்துடன் சிறிதளவு பார்லியையும் சேர்த்து எடுத்துக்கொள்ளலாம்.  ஓட்ஸை நீங்கள் எந்த வடிவில் சமைத்துச் சாப்பிட்டாலும் அதில் பார்லி சேர்க்கலாம், தவறில்லை. oats Doctor Vikatan: சாப்பாட்டுக்குப் பிறகு சிறிது வெல்லம் எடுத்துக்கொள்வது சரியா? உதாரணத்துக்கு, தினமும் காலை உணவுக்கு ஓட்ஸ் கஞ்சியோ, ஓட்ஸில் உப்புமா, கிச்சடி போன்ற உணவுகளையோ, ஸ்மூத்தி வடிவிலோ எடுத்துக்கொள்ளும் வழக்கம் உள்ளவர்கள், அத்துடன் ஒரு கைப்பிடி பார்லியையும் சேர்த்துக் கொள்ளலாம். பார்லியில் உள்ள  நார்ச்சத்து செரிமானத்துக்கு உதவும். எடையைக் குறைப்பதிலும் முக்கிய பங்கு வகிக்கும். அது மட்டுமல்ல, பார்லியில் உள்ள பீட்டா குளுக்கன் (Beta-glucans), உங்கள் உடலில் உள்ள கெட்ட கொலஸ்ட்ராலை குறைக்கக்கூடியது. எடைக்குறைப்பு Doctor Vikatan: சில உணவுகளைச் சாப்பிடும்போது வயிற்று உப்புசம் வருவது ஏன்? அதே நேரம், குளுட்டன் அலர்ஜி உள்ளவர்கள், மருத்துவர் அல்லது உணவியல் ஆலோசகரின் பரிந்துரை இல்லாமல் பார்லி மற்றும் ஓட்ஸ் எடுத்துக்கொள்ள வேண்டாம்.  உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 9 Feb 2024 9:00 am

``தடுப்பூசியை இரு கைகளிலும் போட்டுங்கள்; நோயெதிர்ப்பு சக்தி 4 மடங்கு அதிகரிக்கும்..ஆய்வு தகவல்!

தொடர்ச்சியாக ஊசி போடும் போது ஒரே கையில் சிலர் போட்டுக் கொள்வதுண்டு. சமயங்களில் ஊசி செலுத்தும் செவிலியர்களே, `போன முறை எந்தக் கையில ஊசி போட்டீங்க' எனக் கேட்டு ஊசி போடாத கையில் ஊசி போடுவார்கள்.  கொரோனா தடுப்பூசி ஆய்த எழுத்து ஹீரோயின்: 2வது குழந்தைக்குப் பிறகு புறக்கணிக்கப்பட்ட கணவர்: பிரிவுக்கு இதுதான் காரணமா? தடுப்பூசி போட்டுக்கொள்ளும்போது இப்படி கைகளை மாற்றி  செலுத்திக் கொள்வதால் நோயெதிர்ப்பு சக்தி அதிகரிக்கிறது என்று ஆராய்ச்சியாளர்கள் கண்டுபிடித்துள்ளனர். போர்ட்லாந்து ஒரேகானில் உள்ள `ஒரேகான் ஹெல்த் அன்ட் சயின்ஸ் யூனிவர்சிட்டியை சேர்ந்த ஆராய்ச்சியாளர்கள் கோவிட் தொற்று சமயத்தில் ஆய்வை மேற்கொண்டனர்.  இந்த ஆய்வில் 947 பேர் ஈடுபடுத்தப்பட்டனர். இவர்களுக்கு கோவிட்டின் இரண்டு டோஸ் தடுப்பூசி குறிப்பிட்ட கால இடைவெளிக்குள் போடப்பட்டது. இவர்களில் சிலருக்கு ஒரே கையில் தடுப்பூசிகள் போடப்பட்டன. சிலருக்கு கைகளை மாற்றி தடுப்பூசிகள் செலுத்தப்பட்டன. இவர்களிடமிருந்து சீரம் மாதிரிகள் எடுக்கப்பட்டு ஒரு கையில் இரண்டு தடுப்பூசிகள் செலுத்திக் கொண்டவர்களை ஒப்பிடுகையில், இரண்டு கைகளில் மாற்றி மாற்றி தடுப்பூசி செலுத்திக் கொண்டவர்களின் நோயெதிர்ப்பு சக்தி நான்கு மடங்கு அதிகமாக இருந்தது தெரிய வந்தது. இந்த நோயெதிர்ப்பு சக்தி, இரண்டாவது தடுப்பூசிக்குப் பின்னர் 13 மாதங்களுக்கும் மேலாக நீடித்துள்ளது. ஒமிக்ரான் வேரியன்ட் மற்றும் SARS-CoV-2 க்கு எதிராக நோயெதிர்ப்பு சக்தி இருந்தது.  கொரோனா தடுப்பூசி `இந்தத் தடுப்பூசி 100% புற்றுநோய் வராமல் தடுத்துள்ளது' - ஸ்காட்லாந்து அரசின் சிறப்பான திட்டம்! இந்த நிகழ்வுக்கான காரணம் நிச்சயமற்றதாக இருந்தாலும், இரு கைகளிலும் தடுப்பூசி செலுத்துவது, நிணநீர் கணுக்களில் (lymph nodes) தனித்துவமான நோயெதிர்ப்பு சக்தியைச் செயல்படுத்துகிறது என்று ஆராய்ச்சியாளர்கள் கூறியுள்ளனர்.  இந்த ஆய்வின் மூத்த எழுத்தாளரும் தொற்றுநோய்கள் பிரிவில் இணைப் பேராசிரியராகப் பணிபுரிந்து வருபவருமான மார்செல் கர்லின் கூறுகையில், `கைகளை மாற்றி தடுப்பூசி செலுத்திக் கொள்வதன் மூலம், நீங்கள் ஒன்றுக்கு பதிலாக இரண்டு இடங்களில் நினைவுகளை ( memory formation) உருவாக்குகிறீர்கள்’ என்று கூறியுள்ளார்.     தி ஜர்னல் ஆஃப் கிளினிக்கல் இன்வெஸ்டிகேஷனில் இந்த ஆய்வு குறித்த முடிவுகள் வெளியிடப்பட்டன.  கோவிட் தடுப்பூசிகளை நீங்கள் ஒரே கையில் போட்டுக் கொண்டீர்களா அல்லது இரு கைகளிலும் மாற்றி போட்டுக் கொண்டீர்களா?... கமென்டில் சொல்லுங்கள்!

விகடன் 9 Feb 2024 8:00 am

`ஒரே ஒரு சிறுநீரகத்தோடு பிறந்த பாடிபில்டர்'மாற்று சிறுநீரகத்துக்காகக் காத்திருந்து உயிரிழப்பு!

பிரேசிலைச் சேர்ந்த 34 வயதான பாடிபில்டர் மற்றும் இன்ஃப்ளூயன்சரான கிறிஸ்டியன் அன்னெஸ் பிறக்கும்போதே ஒரே ஒரு சிறுநீரகத்துடன் இருந்துள்ளார். 2022-ல் அவரின் ஒரு சிறுநீரகமும் செயலிழந்துள்ளது.  Doctor Vikatan: கர்ப்பிணிகளை ஒருக்களித்துப் படுக்கச் சொல்வது ஏன்? ஒரு வருடமாகத் தொடர் சிகிச்சையில் இருந்தவர், இரண்டு மாதங்களாக மாற்று சிறுநீரகத்துக்காகக் காத்திருந்தார். வருத்தமான விஷயம் என்னவென்றால் இவருக்கு முன்னால் 69 பேர் மாற்று சிறுநீரகத்துக்காகக் காத்திருந்தனர்.  இவரின் நிலைமை மோசமடைந்ததை அடுத்து ஜனவரி 20 அன்று மருத்துவமனையில் சேர்க்கப்பட்டார். ஆனால், மாற்று சிறுநீரகதந்துக்காகக் காத்திருந்த நிலையில் பிப்ரவரி 5 அன்று உயிரிழந்துள்ளார்.  அவரின் காதலி வான்னா டீக்ஸீரா கூறுகையில், ``கிறிஸ்டியன் அன்னெஸ் ஒரு சிறுநீரகத்துடன் மட்டுமே பிறந்தார். அது அவருக்கு எந்தப் பிரச்னையையும் ஏற்படுத்தவில்லை. பரிசோதனையின் முடிவுகள் வந்தபோது எல்லாம் முடிவுக்கு வந்ததால் அமைதியாக இருந்தார். இது குறித்து அவர் யாரிடமும் சொல்ல விரும்பவில்லை. அவர் சிகிச்சை பெறவும் மறுத்துவிட்டார். இப்போது இறுதியாக அவருக்கு நம்பிக்கை வந்தது. ஆனால், போதுமான நேரம்தான் இல்லை’’ என்று வருந்தியுள்ளார்.  வேலூர்: மூளைச்சாவடைந்த இளைஞர்... உடல் உறுப்புகள் தானத்தால் பலருக்கு வாழ்வு! இது குறித்து பிரேசிலின் மாநில அதிகாரிகள் கூறுகையில், ``டிசம்பர் மாதத்தில் மாற்று சிறுநீரகத்துக்காக காத்திருப்போர் பட்டியலில் 2,011 பேர் இருந்தனர். ஜனவரியில் இந்த காத்திருப்போர் வரிசையில் அவர் முன்னேறினாலும், சில வாரங்களில் அவர் சிறுநீரகத்தைப் பெறலாம் என்று தெரிவிக்கப்பட்டு இருந்தது. இருந்தபோதும் அவர் மாற்று சிறுநீரகம் பெறுவதற்கு முன்பே நிலைமை மோசமாகி இறந்துள்ளார் என்று தெரிவித்துள்ளனர். இறந்த பின் மண் அரிப்பதைக் காட்டிலும் வாழும் மனிதருக்கு கொடுக்கலாம்; உறுப்பு தானம் செய்வோம், உறுப்பு தானம் செய்வதை ஊக்கப்படுத்துவோம்!

விகடன் 8 Feb 2024 2:35 pm

ஆய்த எழுத்து ஹீரோயின்: 2வது குழந்தைக்குப் பிறகு புறக்கணிக்கப்பட்ட கணவர்: பிரிவுக்கு இதுதான் காரணமா?

`ஆய்த எழுத்து' படத்தில் சூர்யாவிற்கு ஜோடியாக நடித்தவர், இஷா தியோல். அந்தப் படத்தில் வரும் `உண்மை சொன்னால் நேசிப்பாயா' என்ற பாடல் இன்றும் பலரின் ப்ளேலிஸ்ட்டில் இருக்கும். தமிழ்ப் படங்களில் இவர் தொடர்ச்சியாக நடிக்கவில்லை என்றாலும் ஹிந்தி படங்களில் அதிகம் நடித்துள்ளார். சமீபத்தில் இஷா தனது 12 வருட திருமண வாழ்வில் இருந்து விலகியதாக அறிவித்துள்ளார். ஒருமித்த மனதோடு இந்த முடிவை இஷாவும் அவரின் கணவரும் தொழிலதிபருமான பாரத் தக்தானியும் எடுத்துள்ளனர். ஆய்த எழுத்து கர்ப்பப்பைவாய் புற்றுநோய்... பூனம் பாண்டே நினைத்தது நடந்ததா? உண்மை காதல் பிரிந்தது ஏன்?!... பள்ளிப் பருவத்தில் இன்டர்ஸ்கூல் போட்டிகளில் இவர்கள் இருவரும் சந்தித்தனர். தனது போன் நம்பரை டிஷ்யூ பேப்பரில் எழுதி பாரத்திடம் இஷா கொடுத்த நாள் முதலே இவர்களுக்கு இடையே டீன் ஏஜ் காதல் தொடங்கியது. 2012-ல் இவர்கள் திருமணம் செய்துகொண்டனர். இவர்களுக்கு ராத்யா, மீராயா என்ற இரண்டு பெண் குழந்தைகள் இருக்கிறார்கள். கடந்த ஆண்டு தங்களது 11வது ஆண்டு திருமண நாளைக் கொண்டாடி புகைப்படங்களை சோஷியல் மீடியாவில் பதிவிட்டு இருந்தனர். ஆனால், யாரும் எதிர்பாராத விதமாக தங்களது பிரிவு குறித்த அறிவிப்பை தற்போது வெளியிட்டுள்ளனர். இவர்கள் பிரிந்ததற்கான காரணம் என்னவாக இருக்கும் என்று ரசிகர்கள் பலரும் சிந்திக்கத் தொடங்கியுள்ளனர். பல வருடங்கள் கடந்த காதல்கூட பிரிவதற்கு சில காரணங்கள் இருக்கும். அந்தக் காரணம் புறக்கணிக்கப்பட்ட அன்பினால் கூட இருக்கலாம். இஷா 2020-ல் 'Amma Mia: Stories, Advice and Recipes from One Mother to Another' என்ற புத்தகம் ஒன்றை எழுதி இருந்தார்.  அந்தப் புத்தகத்தில் இரண்டாவது மகள் பிறந்த பிறகு பாரத் புறக்கணிக்கப்பட்டது குறித்து குறிப்பிட்டுள்ளார். அந்தப் புத்தகத்தில், ``இரண்டாவது குழந்தை பிறந்த பிறகு, பாரத் என் மீது வெறுப்புடன் எரிச்சலுடன் இருப்பதைப் பார்த்தேன். நான் அவருக்கு போதுமான கவனம் செலுத்தவில்லை என்று அவர் உணர்ந்தார். ஒரு கணவர் இப்படி நினைப்பது இயல்பானது தான். அந்தச் சமயத்தில் ராத்யாவின் ப்ளேஸ்கூல், மிராயாவுக்கு உணவு கொடுப்பது, புத்தகம் எழுதுவது, புரொடக்ஷன் மீட்டிங் என பலவற்றை சமாளித்துக் கொண்டு இருந்தேன். `அப்பாவாகியிருக்கிறேன்!’ - பாலின மாற்று அறுவைசிகிச்சை செய்துகொண்ட காவலருக்குக் குழந்தை! அதனால், அவர் புறக்கணிக்கப்பட்டதாக உணர்ந்து இருக்கலாம். என் தவற்றை நான் உடனடியாக கவனித்தேன். அவர் அவரின் உடைகளை கவனிக்காதது, அவர் வேலைக்குச் செல்லும்போது மதிய உணவிற்கு என்ன எடுத்துச் செல்கிறார் என்பதை கவனிக்காமல் விட்டதெல்லாம் என்னுடைய நினைவிற்கு வந்தன’’ என்று எழுதி இருந்தார். சராசரி ஆணின் எதிர்ப்பார்ப்பே அவருக்கும் இருந்துள்ளது. காதல் மறைந்து கடமைகள் அதிகரித்துள்ளன என பலர் தெரிவித்து இருந்தனர். தற்போது இவர்கள் ``நாங்கள் பரஸ்பர சம்மதத்துடன் இணக்கமாகப் பிரிந்து செல்ல முடிவு செய்துள்ளோம்’’ என பிப்ரவரி 7 அன்று அறிக்கையை வெளியிட்டுள்ளனர்.  குழந்தைகள் பிறந்த பின்னர் காதல் குறைந்து விடுகிறதா... உங்களின் கருத்தென்ன, கமென்டில் சொல்லுங்கள்!

விகடன் 8 Feb 2024 11:52 am

Doctor Vikatan: சாப்பாட்டுக்குப் பிறகு சிறிது வெல்லம் எடுத்துக்கொள்வது சரியா?

Doctor Vikatan: சாப்பிட்ட பிறகு சிறிதளவு வெல்லம் எடுத்துக்கொள்கிற வழக்கம் பலருக்கும் இருக்கிறது. இது சரியானதா....? சாப்பிட்ட பிறகு ஏதேனும் இனிப்பாகச் சாப்பிடத் தோன்றும்போது இப்படி வெல்லத்துக்கு பதில் வேறு என்ன சாப்பிடலாம்? -AMJAD, விகடன் இணையத்திலிருந்து பதில் சொல்கிறார், சென்னையைச் சேர்ந்த ஊட்டச்சத்து ஆலோசகர் அம்பிகா சேகர் அம்பிகா சேகர் Doctor Vikatan: மரணவலியை மிஞ்சும் அவதி; எண்டோமெட்ரியாசிஸ் பாதிப்புதான் காரணமா, சிகிச்சைகளே கிடையாதா? சாப்பாடு எடுத்துக்கொண்ட உடனே ஏதேனும் இனிப்பு சாப்பிடுகிற வழக்கம் நிறைய பேருக்கு இருப்பதைப் பார்க்கிறோம். விருந்துகளில் பந்தி பரிமாறப்படும்போது இனிப்புதான் முதலில் இடம்பெறும். இனிப்பு என்பது அதிக எனர்ஜி உள்ள உணவு. அது செரிமானத்தை வேகப்படுத்தும் என்பதும் இதற்கு ஒரு காரணம். சாப்பாட்டுக்கு முன்பு எடுத்துக்கொள்ளும்போது அது பசி உணர்வைத் தூண்டும் என்பது இன்னொரு காரணம். பொதுவாக இனிப்புகளை சாப்பாட்டுக்கு முன்பு எடுத்துக்கொள்வதைவிட, சாப்பிட்ட பிறகு எடுத்துக்கொள்வதுதான் சரியானது. சாப்பாட்டுக்கு முன்பு இனிப்பு சாப்பிட்டால், மற்ற உணவுகளை ஒழுங்காகச் சாப்பிட முடியாமல் போகும்.  கடலை மிட்டாய் Doctor Vikatan: சாதம் வடித்த கஞ்சி, சருமம் மற்றும் கூந்தல் ஆரோக்கியத்துக்கு உதவுமா? இனிப்பாகச் சாப்பிட வேண்டும். அதே நேரம், கலோரி அதிகமில்லாததாகவும் இருக்க வேண்டும் என நினைக்கிற பலரும் சாப்பாட்டுக்குப் பிறகு சிறிது வெல்லம் எடுத்துக்கொள்வார்கள். வெல்லத்துக்கு பதில் வேர்க்கடலை உருண்டை, பொட்டுக்கடலை உருண்டை, எள்ளுருண்டை போன்றவற்றில் சின்னதாக எடுத்துக் கொள்ளலாம்.  பொதுவாக இனிப்புத் தேடல் ஏற்படும்போது இனிப்புகளுக்கு பதில் பழங்கள் சாப்பிடுவது நல்ல சாய்ஸ். ஆனால், பழங்களை எப்போதும் சாப்பாட்டுக்கு அரை மணி நேரம் முன்பு எடுத்துக்கொள்வதுதான் சரியானது.  பழங்கள் எளிதில் செரிமானமாகக் கூடியவை. சாப்பாட்டுக்குப் பிறகு பழங்கள் எடுத்துக்கொள்ளும்போது, முதலில் பழங்கள்தான் செரிமானமாகும். அதற்கு முன் சாப்பிட்ட உணவு செரிமானமாக தாமதமாகும். அது தேவையற்ற அசௌகரய்ததைத் தரும்.  பழங்கள் Doctor Vikatan: வெறும் வயிற்றில் பழங்கள் சாப்பிடுவது சரியானதா..? எனவே, சாப்பாட்டுக்கு முன் பழங்களையும், சாப்பாட்டுக்குப் பின் இனிப்புகளையும் எடுத்துக்கொள்வதுதான் சரியானது. உடல்பருமன், நீரிழிவு உள்ளிட்ட பிரச்னைகள் உள்ளவர்கள், எப்போதுமே இனிப்பு சாப்பிடுவதைத் தவிர்ப்பது நல்லது. உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 8 Feb 2024 9:00 am

``குழந்தைகளுக்கு பஞ்சு மிட்டாய் கொடுக்காதீர்கள்உணவுப் பாதுகாப்புத் துறை அதிகாரிகள் எச்சரிக்கை!

`குழந்தைகளுக்குப் பஞ்சு மிட்டாய் வாங்கிக் கொடுக்காதீர்கள்' என உணவுப் பாதுகாப்புத் துறை அதிகாரிகள் எச்சரித்துள்ளனர்.  பூங்காக்கள், கண்காட்சிகள், மைதானங்கள், பள்ளிகள் எனக் குழந்தைகள் அதிகம் இருக்கும் இடங்களில் ரோஸ் கலர் பஞ்சு மிட்டாய்கள் விற்கப்படுவதுண்டு. ரோஸ் நிறத்தில் விற்கப்படும் பஞ்சுமிட்டாய்களில் புற்றுநோயை ஏற்படுத்தக்கூடிய, தடை செய்யப்பட்ட நிறமி உள்ளதாக அதிகாரிகள் கூறியுள்ளனர். pixabay மாடித்தோட்டம் போடுவதற்கு எந்தப் பட்டம் சிறந்தது? சென்னையில் நடந்த வீட்டுத்தோட்ட நண்பர்கள் சந்திப்பு! இதற்காக புதுச்சேரியில் உள்ள ஒரு நர்சிங் கல்லூரியில் பஞ்சு மிட்டாய் விற்று வந்த வடநாட்டு இளைஞரை அழைத்து, அவர் விற்பனை செய்யும் பஞ்சு மிட்டாயை பரிசோதனை செய்தனர். இந்திய உணவுப் பாதுகாப்பு மற்றும் தர நிர்ணய ஆணையத்தால் (FSSAI) அங்கீகரிக்கப்பட்ட நிறமி அதில் பயன்படுத்தப்படுகிறதா அல்லது தடை செய்யப்பட்ட நிறமி பயன்படுத்தப்பட்டுள்ளதா என்று ஆய்வகத்தில் பரிசோதனை செய்தனர். அப்போது தடை செய்யப்பட்ட அங்கீகரிக்கப்படாத விஷமுள்ள  `ரோடமைன் பி' (Rhodamine B) என்ற நிறமி பயன்படுத்தப்பட்டு இருப்பது தெரிந்தது.  இது குறித்து உணவுப் பாதுகாப்புத் துறை அதிகாரிகள் கூறுகையில், ``ஊதுவத்தியின் குச்சி போன்ற பகுதியில் ரோஸ் அல்லது பச்சை நிறத்தில் சாயம் பூசப்பட்டு இருக்கும். இதனை இண்டஸ்ட்ரியல் டை (Industrial Dye) என்று அழைக்கின்றனர். இது உண்பதற்கு ஏற்றதல்ல. Cancer awareness விலங்குகளுக்கும் புற்று நோய் வருவதுண்டு... காரணம் என்ன தெரியுமா? பஞ்சு மிட்டாய்களில் ரோஸ் கலர் வருவதற்கு ரோடாமைன் பி-ஐ பயன்படுத்துகின்றனர். இது புற்றுநோயை ஏற்படுத்தும் ஆபத்துடையது. குழந்தைகள் இதை விரும்பி உண்பதால் எளிதிலேயே இந்த ஆபத்திற்கு உள்ளாகலாம். அதனால், ரோஸ் கலரில் பஞ்சு மிட்டாய்கள் இருந்தால் குழந்தைகளுக்கு வாங்கிக் கொடுக்காதீர்கள்.  வடநாட்டு வாலிபர்களும் இதன் விஷத்தன்மை அறியாமல் விற்கிறார்கள். அவர்களுக்கு இது குறித்த போதுமான விழிப்புணர்வு இல்லை. விழிப்புணர்வு ஏற்படுத்துவதற்கு நடவடிக்கை எடுக்கப்படும்’’ என்று எச்சரித்துள்ளனர். 

விகடன் 7 Feb 2024 7:16 pm

Doctor Vikatan: மரணவலியை மிஞ்சும் அவதி; எண்டோமெட்ரியாசிஸ் பாதிப்புதான் காரணமா, சிகிச்சைகளே கிடையாதா?

Doctor Vikatan: என் வயது 44.  கடந்த 8 வருடங்களாக மாதவிலக்கின்போது கடுமையான வலியை அனுபவிக்கிறேன். பல சிகிச்சைகளை மேற்கொண்ட பிறகு கடைசியாக எனக்கு எண்டோமெட்ரியாசிஸ் எனும் பிரச்னை இருப்பதாகச் சொன்னார்கள் மருத்துவர்கள். சிலர் இதற்கு சிகிச்சையே இல்லை என்றும் சொல்கிறார்கள்.  உயிரே போகும் அளவுக்கு  வலியை ஏற்படுத்தும் இந்தப் பிரச்னையை சரி செய்ய வாய்ப்பே இல்லையா? பதில் சொல்கிறார், சென்னையைச் சேர்ந்த மகளிர்நலம் மற்றும் குழந்தையின்மை சிகிச்சை சிறப்பு மருத்துவர் மாலா ராஜ். மகளிர்நலம் & குழந்தையின்மை சிகிச்சை சிறப்பு மருத்துவர் மாலா ராஜ் | சென்னை. Doctor Vikatan: சாதம் வடித்த கஞ்சி, சருமம் மற்றும் கூந்தல் ஆரோக்கியத்துக்கு உதவுமா? கர்ப்பப்பையின் உள்ளே உள்ள லேயரை எண்டோமெட்ரியம் என்று சொல்வோம். மாதவிலக்கின்போது இந்த எண்டோமெட்ரியம் திசுக்கள்தான் உதிர்ந்து ரத்தப்போக்காக வெளியேறும். மாதந்தோறும் அது உதிர்ந்துகொண்டே இருக்கும்.  கர்ப்பப்பைக்கும் கருக்குழாய்களுக்கும் இடையில் சின்னதாக ஓர் இணைப்பு இருக்கும். சிலருக்கு மாதவிடாயின்போது ரத்தப்போக்கானது இந்த இணைப்பு வழியே, குழாய்களுக்கு வெளியே கசிய ஆரம்பிக்கும். நோய் எதிர்ப்பாற்றல் நன்றாக உள்ளவர்களுக்கு இந்தக் கசிவானது உட்கிரகித்துக்கொள்ளப்படும். அதுவே, நோய் எதிர்ப்பாற்றல் குறைவாக உள்ளவர்களுக்கு அந்தக் கசிவானது உறிஞ்சப்படாமல் உறுத்த ஆரம்பிக்கும். இதைத்தான் 'எண்டோமெட்ரியாசிஸ்' என்கிறோம். கர்ப்பப்பை Doctor Vikatan: லிப் பாம் தேர்ந்தெடுக்கும்போது கவனிக்க வேண்டிய விஷயங்கள் என்னென்ன? கர்ப்பப்பையின் அருகில் உள்ள சிறுநீர்ப்பை, மலம் வெளியேறும் பாதை போன்றவற்றையும் இது பாதிக்கும். குழாய் வழியே கசிவானது வெளியேறி சினைப்பையில் சேகரமாகும். நிறைய சேர்ந்ததும் அது உள்ளே போய் பலூன் போன்று சாக்லேட் சிஸ்ட்டாக உருவாகும். பெண்களை பாதிக்கும் பிரச்னைகளில் மிகவும் வலி நிறைந்தது இந்த எண்டோமெட்ரியாசிஸ்.  நரம்புகளையும் பாதிக்கும். அலட்சியப்படுத்தினால் சிறுநீரகங்களைச் செயலிழக்கச் செய்யும் அளவுக்கு இது மோசமான பிரச்னை. நம் உடலில் இயல்பாக உள்ள திரவமானது, இந்த எண்டோமெட்ரியம் கசிவை உடலின் எந்தப் பகுதிக்கு வேண்டுமானாலும் தூக்கிச் செல்லும்.  நெஞ்சுவரைகூட அது போகலாம். வலி Doctor Vikatan: பிரசவத்துக்குப் பிறகான டிப்ரெஷன்... முன்கூட்டியே தவிர்க்க முடியுமா? புற்றுநோயைவிடவும் கொடுமையான பாதிப்பு இது. பீரியட்ஸின் போது கடுமையான வலி இருக்கும். இயல்பு வாழ்க்கையை பாதிக்கிற அளவுக்கு அது தீவிரமாக இருக்கும். ஸ்கேன் செய்து பார்த்தால் எண்டோமெட்ரியாசிஸ் பாதிப்பை உறுதி செய்யலாம். குழந்தையின்மைக்கான  பிரதான காரணங்களில் இந்தப் பிரச்னையும் ஒன்று. கருமுட்டை வரவேண்டிய பாதையில் சாக்லேட் சிஸ்ட் இருப்பதால் முட்டை வருவதே தடைப்படும். முட்டைகளின் எண்ணிக்கையும் பாதிக்கப்படும். எண்டோமெட்ரியாசிஸ் பிரச்னை உள்ளவர்களுக்கு சினைப்பையில் முட்டைகளின் இருப்பு மிகக் குறைவாக இருக்கும். ரத்தப் பரிசோதனையில் இதை உறுதிசெய்வோம். முட்டைகளின் தரத்தையும் பாதிக்கும். அப்படியே கருத்தரித்தாலும் கருவின் தரம் மோசமாக இருந்து அபார்ஷன் ஆகலாம்.  கரு Doctor Vikatan: வீட்டில் பாசிட்டிவ், மருத்துவமனையில் நெகட்டிவ்: பிரெக்னன்சி கிட் பொய் சொல்லுமா? எந்த வயதில் இந்தப் பிரச்னை பாதித்திருக்கிறது என்பதைப் பொறுத்து சிகிச்சைகள் வேறுபடும். குழந்தை பெறாதவர்களுக்கு மருந்து மாத்திரைகள் மூலம் சிகிச்சை தருவோம். குழந்தை பெற்றவர்களுக்கு கர்ப்பப்பையையும், தேவைப்பட்டால் சினைப்பைகளையும் நீக்கும் சிகிச்சை பரிந்துரைக்கப்படும். எனவே, உங்கள் விஷயத்தில் நீங்கள் குழந்தைப் பிறப்பை முடித்திருப்பீர்கள் என்றே தெரிவதால், எண்டோமெட்ரியாசிஸையும் அகற்றி கர்ப்பப்பையும் அகற்றும் அறுவை சிகிச்சை தீர்வாக இருக்கும். தாமதிக்காமல் மகப்பேறு மருத்துவரிடம் ஆலோசனை பெறவும். உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 7 Feb 2024 9:00 am

5 வருட கோமா... அம்மாவின் ஜோக் கேட்டு சிரித்தபடி எழுந்த மகள்!

அமெரிக்காவின் மிச்சிகனை சேர்ந்த பெண் ஜெனிஃபர் ஃப்ளெவெல்லன். இவர் 2017 செப்டம்பர் மாதம் எதிர்பாராத விபத்தில் சிக்கியுள்ளார். இதனால் மீள முடியாத கோமா நிலைக்கும் சென்றுள்ளார். 5 வருடங்களாக இவருக்கு சிகிச்சை அளிக்கப்பட்டு வந்தது. ஜெனிஃபர் காய்ந்த மலர்களிலிருந்தும் காசு பார்க்கலாம்... சென்னைக்கு அருகில் வழிகாட்டும் பயிற்சி! ஜெனிஃபரின் 60 வயது அம்மா பெக்கி மீன்ஸ் தன் மகளை மீட்டெடுக்கும் முயற்சியில் மன உறுதியோடு போராடி வந்துள்ளார். அதோடு இவருக்காக மாற்றுத்திறனாளி வேன் வாங்கவும், வீட்டை மறுசீரமைக்கவும் `GoFundMe' என்ற நிதி திரட்டும் தளத்திலும் உதவி கோரப்பட்டது. இந்த நிலையில் ஆகஸ்ட் 25, 2022 அன்று தன் அம்மாவின் ஜோக்கை கேட்டு சிரித்தபடியே அவர் எழுந்து இருக்கிறார். இது குறித்து பெக்கி கூறுகையில், ``இதற்கு முன்பு அவள் அப்படிச் செய்ததில்லை; அவள் முதலில் எழுந்ததும் நான் பயந்துவிட்டேன், ஏனென்றால் அவள் சிரித்துக் கொண்டிருந்தாள்.  அவளால் முழுமையாக எழ முடியவில்லை, பேசவும் முடியவில்லை. ஆனால், அவள் தலையசைத்தபடி இருந்தாள். அவளுக்கு நினைவு திரும்பிய பின்னும் நன்றாகத் தூங்கி கொண்டே இருப்பாள். மாதங்கள் செல்லச் செல்ல வலுப்பெற்று விழித்திருக்க ஆரம்பித்தாள். எல்லா கனவும் நனவாகும். இன்று நான் அதைச் சொல்ல முடியும். எங்களைப் பிரித்திருந்த மூடிய கதவு ஒன்று இன்று திறந்தது. நாங்கள் திரும்பி வந்திருக்கிறோம்’’ என்று மகிழ்ச்சியுடன் கூறியுள்ளார். அம்மா செய்த குற்றம்! - சிறுகதை ஜெனிஃபருக்கு சிகிச்சையளித்த மருத்துவர் ரால்ப் வாங் கூறுகையில், ``இது மிகவும் அரிதானது. மீளமுடியாத கோமாவில் இருந்து எழுவது மட்டுமல்லாமல், இவரது உடல்நலமும் முன்னேறி வருகிறது. இதுபோன்ற நிலையில் ஒன்றிரண்டு சதவிகித நோயாளிகள் எழுந்திருக்கும் அளவுக்கும் முன்னேற்றம் அடையலாம்’’ என்று விளக்கமளித்துள்ளார்.  ஜெனிஃபர் தன் மகன் ஜூலியனின் கால்பந்து விளையாட்டைப் பார்க்கச் சென்றுள்ளார். ஜெனிஃபர் கோமா நிலைக்குச் செல்கையில் அவரின் மகன் ஜூலியனுக்கு 11 வயது இருக்கும். இப்போது தன் மகனின் விளையாட்டைக் காண மைதானம் சென்றுள்ளார். இந்தச் செய்தி மக்களிடையே கவனம் பெற்று வருகிறது. அவங்க அம்மா என்ன ஜோக் சொல்லி இருப்பாங்கனு நினைக்குறீங்க?!... கமென்ட்டில் சொல்லுங்கள்!  

விகடன் 6 Feb 2024 5:09 pm

`நிர்வாணமாக கட்டிலில் அமர்ந்திருந்தார்..'அடுத்தவர் வீட்டுக்குள் அத்துமீறி நுழைந்து குளித்த நபர்!

அமெரிக்காவின் டென்னசி தென்கிழக்கு நாஷ்வில்லியை சேர்ந்த நார்டியும் அவரின் மனைவி கெரிகன் நார்டியும் சனிக்கிழமையன்று இரவு டேட்டிங்கிற்காக வெளியே சென்றுள்ளனர். இரவு 7 மணியளவில் அவர்களுக்கு செக்யூரிட்டி அலாரம் வந்துள்ளது. அவர்களது வீட்டில் நாய் வளர்ப்பதால் முதலில் அது சென்சார் ஆஃப் செய்யும் தங்களது செல்ல நாய்களில் ஒன்று என்று கருதியுள்ளனர்.  bathroom (Representational Image) ஸ்ரீதேவி மரணம்: பிரதமர் அலுவலகம் பெயரில் போலி கடிதம்... பெண் மீது குற்றப்பத்திரிகை! செக்யூரிட்டி கேமராவை ஒருமுறை பார்த்துவிடலாம் என அவர்கள் பார்த்தபோது, அதில் வீட்டில் ஒரு நபரின் நடமாட்டம் இருப்பது தெரியவந்தது. அந்த நபர் முன்பக்க கதவை உதைத்து வீட்டிற்குள் நுழைந்து, குளியலறைக்குச் சென்று குளித்துள்ளார். இதனைக் கண்டு பயந்தவர்கள் உடனடியாக அவசர உதவி எண்ணை டயல் செய்தனர்.  வீட்டில் நாய்கள் இருப்பதாகவும் அத்துமீறி ஒரு நபர் வீட்டிற்குள் நுழைந்து இருக்கிறார் என்றும் தகவல் தெரிவித்தனர். அதிகாரிகள் அங்கு செல்கையில், தம்பதியினரின் அறையில் அந்த நபர் வெறும் டவலை மட்டும் கட்டிக் கொண்டு உட்கார்ந்து இருந்துள்ளார்.  சாமுவேல் ஸ்மித் என அடையாளம் காணப்பட்ட நபர்  போதைப்பொருளைப் பயன்படுத்தியதற்காக குற்றம்சாட்டப்பட்டு கைது செய்யப்பட்டார்.  இந்தச் சம்பவத்தால் அதிர்ச்சியடைந்த தம்பதியினர், அந்த நபர் பயன்படுத்திய டவலை அப்புறப்படுத்தி அறைகளையும், குளியல் அறையையும் முழுமையாகச் சுத்தம் செய்தனர்.   ``அவர் நிர்வாணமாக எங்கள் படுக்கையில் அமர்ந்திருந்தார். அவர் குளித்துக்கொண்டிருந்தபோது என் வீட்டில், மலம் கழித்துவிட்டும் சென்றிருக்கிறார். வீட்டு உரிமையாளர்களுக்கு இது ஒரு நல்ல பரிசாக இருக்கும் என்று அவர் முடிவு செய்திருப்பார் என்று நான் நினைக்கிறேன். Cleaning (Representational Image) கேள்வி பதில்கள்: வீட்டு வாசலில் கண்ணாடி மாட்டி வைக்கலாமா? நீங்கள் எந்த மாதிரியான மனநோயில் இருக்கிறீர்கள் என்பது முக்கியமல்ல, நீங்கள் எந்த வகையான மருந்துகளை எடுத்துக் கொள்கிறீர்கள் என்பது முக்கியமல்ல, நீங்கள் மக்களின் வீடுகளுக்குள் நுழைந்து அவர்களை அப்படி அச்சுறுத்த வேண்டாம்’’ என்று கெரிகன் மனம் வருந்தியுள்ளார்.  வீட்டின் பாதுகாப்பை மேலும் வலுப்படுத்த கூடுதல் கேமராக்கள் வாங்க இவர்கள் திட்டமிட்டுள்ளனர். மேலும், மக்கள் செக்யூரிட்டி கேமராக்களை பயன்படுத்த வேண்டும் எனவும், எப்போது என்ன நடக்கும் என்பது தெரியாததால் கவனமாக இருக்க வேண்டும் என்றும் எச்சரித்துள்ளனர்.  உங்களது வீட்டில் செக்யூரிட்டி கேமரா உள்ளதா? கமென்டில் சொல்லுங்கள்!

விகடன் 6 Feb 2024 3:05 pm

Doctor Vikatan: சாதம் வடித்த கஞ்சி, சருமம் மற்றும் கூந்தல் ஆரோக்கியத்துக்கு உதவுமா?

Doctor Vikatan: சாதம் வடித்த கஞ்சியை கூந்தலுக்கும், சருமத்துக்கும் பயன்படுத்துவது சரியானதா.... அது உண்மையிலேயே பலன் தரக்கூடியதா? பதில் சொல்கிறார், சென்னையைச் சேர்ந்த சருமநல மருத்துவர் பூர்ணிமா    சருமநல மருத்துவர் பூர்ணிமா Doctor Vikatan: திடீரென ஏற்படும் தசைப்பிடிப்புக்கு உணவுகள் தீர்வாகுமா? சாதம் வடித்த கஞ்சியைக் கூந்தலுக்கும். அரிசி களைந்த நீரை சருமத்துக்கும்  பயன்படுத்துவது என்பது சமீபகாலமாக கொரியன் அழகு சிகிச்சைகளில் மிகவும் டிரெண்டாக உள்ள ஒன்று.  சாதம் வடித்த கஞ்சியை சருமத்துக்கும் கூந்தலுக்கும் பயன்படுத்தும் பாரம்பர்யம் அந்தக் காலத்திலிருந்தே உண்டு. சாதம் வடித்த கஞ்சியை சீயக்காய் கலக்கப் பயன்படுத்துவார்கள். இந்தக் கஞ்சியில் பெப்டைட்ஸ்   (Peptides)  மிக அதிக அளவில் இருக்கும். பெப்டைட்ஸின் பலன்களை உறுதிசெய்ய நிறைய ஆய்வுக்கட்டுரைகள் உள்ளன. சாதம் வடித்த கஞ்சி... Doctor Vikatan: பிரசவத்துக்குப் பிறகான டிப்ரெஷன்... முன்கூட்டியே தவிர்க்க முடியுமா? பெப்டைட்ஸ் என்பவை அமினோ அமிலங்கள் தான். அதாவது, ஒருவகை புரதம். இதை வெளிப்பூச்சாகப் பயன்படுத்தும்போதும் சரி, உள்ளுக்கு உட்கொள்ளும்போதும் சரி, மிக மிக நல்ல பலன்கள் கிடைக்கும் என்பதில் சந்தேகமில்லை.  இது சருமத்தின் இளமைக்கும் எலாஸ்டிக் தன்மைக்கும் காரணமான கொலாஜென் உற்பத்தியை அதிகரிக்கும். 'ஆக்ஸிஜனேற்ற அழுத்தம்' எனப்படும் ஆக்ஸிடேட்டிவ் ஸ்ட்ரெஸ்ஸில் இருந்து சருமத்தைப் பாதுகாக்கும்.  வெயிலின் தாக்கத்தால் சருமத்துக்கு ஏற்படும் பாதிப்பையும். டிஎன்ஏ பாதிப்பையும் தடுக்கும் தன்மை பெப்டைட்ஸுக்கு உண்டு என்பதை உறுதிசெய்யும் தகவல்கள் ஏராளமாக உள்ளன. அந்த வகையில், சாதம் வடித்த கஞ்சியில் பெப்டைட்ஸ் ஓரளவு உள்ளது உண்மைதான். அதனால் இந்தத் தண்ணீர் அழகு சிகிச்சையில் பயன்படுத்தப்படுவது சரியானதுதான். ஆனால், இது மட்டுமே பெப்டைட்ஸ் தேவைக்குப் போதுமானதா என்றால் நிச்சயம் போதாது. ஸ்கின் Doctor Vikatan: சன் ஸ்கிரீன் உபயோகித்தால் முகத்தில் வெள்ளைப் படிமம் வருவது ஏன்... தீர்வு உண்டா? நம் சருமத்துக்குள்ளும் கூந்தலுக்குள்ளும் ஊடுருவும்படியான  வடிவில் பெப்டைட்ஸ் உள்ள பொருள்களை உபயோகிப்பதுதான் சரியானது. வெளிப்பூச்சைவிடவும் உள்ளுக்கு எடுத்துக்கொள்ளும்போது அதன் பலன் இன்னும் அதிகமாக இருக்கும். முகத்தைக் கழுவவும் கூந்தலை அலசவும் இந்தத் தண்ணீரை தாராளமாக உபயோகிக்கலாம். அதனால் எந்தப் பக்க விளைவும் ஏற்படாது. உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 6 Feb 2024 9:00 am

HIV: லக்னோ சிறையில் 63 கைதிகளுக்கு ஹெச்.ஐ.வி பாதிப்பு... பரிசோதனையில் வெளியான அதிர்ச்சி தகவல்!

இந்தியாவில் உள்ள சிறைச்சாலைகளில் ஒவ்வோர் ஆண்டும், சிறைக்கைதிகளுக்கு உடல் பரிசோதனை நடத்துவது வழக்கம். அதன் அடிப்படையில், உத்தரப்பிரதேச மாநிலம், லக்னோ சிறைச்சாலையில், கடந்த ஆண்டுக்கான உடல் பரிசோதனை டிசம்பர் மாதம் நடத்தப்பட்டது. அதன் முடிவுகள் தற்போது வெளியாகி, அதிர்ச்சியை ஏற்படுத்தியிருக்கிறது. மருத்துவ சோதனை இது தொடர்பாகச் சிறைக் காவல் அதிகாரி, ``வழக்கமான முறையில் சிறைக் கைதிகளுக்கு மருத்துவச் சோதனை மேற்கொள்ளப்பட்டது. இந்தச் சோதனையின்போது புதிதாகச் சிறைக்கு வந்த 36 சிறைக் கைதிகளுக்கு ஹெச்.ஐ.வி இருப்பது உறுதி செய்யப்பட்டிருக்கிறது. இதன் அடிப்படையில், சிறையில் உள்ள மொத்த கைதிகளில், ஹெச்.ஐ.வி பாதிக்கப்பட்டோரின் எண்ணிக்கை, இப்போது 63 -ஆக அதிகரித்திருக்கிறது. செப்டம்பரிலிருந்து ஹெச்.ஐ.வி பரிசோதனைக் கருவிகள் கிடைக்காததே சோதனை தாமதமானதற்குக் காரணம். பாதிக்கப்பட்ட கைதிகளில் பெரும்பான்மையானவர்கள் போதைப் பழக்கத்திற்கு அடிமையானவர்கள். அவர்கள் சிறைக்கு வருவதற்கு முன்பு, பலர் பயன்படுத்திய ஊசிகளைப் பயன்படுத்தியதால் இந்த நோய்க்கு ஆளாகியிருக்கலாம் எனக் கருதுகிறோம். ஹெச்.ஐ.வி பாசிட்டிவ் கைதிகள் அனைவரும் இப்போது லக்னோவில் உள்ள மருத்துவமனையில் சிகிச்சைப் பெற்று வருகின்றனர். ஹெச்.ஐ.வி சிறை நிர்வாகம் விழிப்புடன், பாதிக்கப்பட்ட கைதிகளின் உடல்நிலையைக் கண்காணித்து வருகிறது. கடந்த ஐந்து ஆண்டுகளில் ஹெச்.ஐ.வி தொற்று காரணமாக எந்த உயிரிழப்பும் ஏற்படவில்லை. மற்ற சிறைக் கைதிகளுக்கு மேலும் பரவுவதைத் தடுக்க தற்போதுள்ள சுகாதார நெறிமுறைகளை மதிப்பாய்வு செய்துவருகிறோம் எனக் குறிப்பிட்டிருக்கிறார். எச்.ஐ.வி பாதிப்பு மாணவருக்கு அரசுப் பள்ளியில் அனுமதி மறுப்பு!- களமிறங்கியது மனித உரிமை ஆணையம்

விகடன் 5 Feb 2024 4:42 pm

Doctor Vikatan: லிப் பாம் தேர்ந்தெடுக்கும்போது கவனிக்க வேண்டிய விஷயங்கள் என்னென்ன?

Doctor Vikatan: எனக்கு லிப்ஸ்டிக் பயன்படுத்தப் பிடிக்காது என்பதால் லிப் பாம் மட்டும் உபயோகிப்பேன். சரியான லிப் பாமை தேர்ந்தெடுப்பது எப்படி? எந்த விஷயங்களை கவனித்து வாங்க வேண்டும்? பதில் சொல்கிறார் சென்னையைச் சேர்ந்த, சருமநல மருத்துவர் தில்லைக்கரசி சருமநல மருத்துவர் தில்லைக்கரசி லிப் பாம் தேர்ந்தெடுப்பது எப்படி என்று பார்ப்பதற்கு முன், எந்தக் காரணத்துக்காக லிப் பாம் பயன்படுத்த விரும்புகிறீர்கள் என்பதைத் தெரிந்துகொள்ள வேண்டியது அவசியம். அந்தக் காரணத்துக்கேற்ற லிப் பாம் வாங்கிப் பயன்படுத்துவதுதான் சரியாகவும் இருக்கும். சிலருக்கு உதடுகள் எப்போதும் வறண்டு காணப்படும். அவர்களுக்கு மாய்ஸ்ச்சரைசிங் தன்மை கொண்ட லிப் பாம் பயன்படுத்தினாலே போதுமானதாக இருக்கும். இன்னும் சிலருக்கு உதடுகள் வெடித்துப் போகும் பிரச்னை இருக்கும். அவர்கள் அதற்கான காரணத்தை முதலில் தெரிந்துகொள்ள வேண்டும்.  Dry Lips (Representational Image) Doctor Vikatan: பிரசவத்துக்குப் பிறகான டிப்ரெஷன்... முன்கூட்டியே தவிர்க்க முடியுமா? சரும மருத்துவரை அணுகி, உதடுகள் வெடித்துப் போவதற்கான காரணம் அறிந்து அதற்கேற்ற லிப் பாம் பயன்படுத்தலாம். இன்னும் சிலருக்கு உதடுகளின் இயல்பான நிறம் மாறி, கருமையாக இருக்கும். குறிப்பாக, புகைப் பழக்கம் உள்ளவர்களுக்கு, அலர்ஜி உள்ளவர்களுக்கு இப்படி இருக்கலாம். இவர்கள் லிப் பாமில் மாய்ஸ்ச்சரைசர் மட்டுமன்றி, சன் ஸ்கிரீனும் உள்ளதுபோல தேர்ந்தெடுத்துப் பயன்படுத்தலாம். சரும மருத்துவரை அணுகினால், உதடுகளின் கருமையைப் போக்கும்படியான லிப் லைட்டனிங் தன்மை கொண்ட லிப் பாமை பரிந்துரைப்பார்.  இப்படி எந்தத் தேவையும் இல்லை.... வெறும் அழகுக்காக மட்டுமே லிப் பாம் உபயோகிக்கிறேன் என்பவர்கள், மாய்ஸ்ச்சரைசர் உள்ள லிப் பாம் பயன்படுத்தினாலே போதுமானது. உதடு பராமரிப்பு Doctor Vikatan: காலை உணவுக்கு எனர்ஜி டிரிங்க், ஸ்மூத்தி எடுத்துக்கொள்வது ஆரோக்கியமான சாய்ஸா? ஆனால், அதில் வாசனையோ, அலர்ஜியை ஏற்படுத்தும் விஷயங்களோ இல்லாதபடி பார்த்துத் தேர்ந்தெடுக்கலாம்.  உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 5 Feb 2024 9:00 am

Doctor Vikatan: பிரசவத்துக்குப் பிறகான டிப்ரெஷன்... முன்கூட்டியே தவிர்க்க முடியுமா?

Doctor Vikatan: எனக்கு முதல் பிரசவத்துக்குப் பிறகு கடுமையான மன அழுத்தம் இருந்தது. யாருடனும் பேசப் பிடிக்காமல், குழந்தையைக் கொஞ்சப் பிடிக்காமல் இரண்டு வாரங்களுக்கு அவதிப்பட்டேன். பிறகு மனநிலை நார்மலானது. இப்போது நான் இரண்டாவது முறையாக கர்ப்பமாக இருக்கிறேன். இந்த முறையும் அப்படி டிப்ரெஷன் வருமோ என பயமாக உள்ளது. இதைத் தவிர்க்க முடியுமா.... அப்படியே டிப்ரெஷன் வந்தாலும் அதிலிருந்து உடனே மீள முடியுமா? பதில் சொல்கிறார்  சென்னையைச் சேர்ந்த , காக்னிட்டிவ் பிஹேவியரல் மற்றும் செக்ஸ் தெரபிஸ்ட் சுனிதா மேனன். சுனிதா மேனன் Doctor Vikatan: திடீரென ஏற்படும் தசைப்பிடிப்புக்கு உணவுகள் தீர்வாகுமா? சில பெண்களுக்கு பிரசவத்துக்குப் பிறகு மனநிலையில் இப்படிப்பட்ட மாற்றங்கள் வருவதுண்டு. அந்த மனநிலை, இரண்டு, மூன்று வாரங்களுக்குத் தொடரலாம். சிலருக்கு மாதக் கணக்கிலும் இருக்கலாம்.  பிரசவமாகி 2-3 வாரங்களுக்குப் பிறகும் டிப்ரெஷன் தொடர்ந்தால் அதை உளவியலில் 'பேபி ப்ளூஸ்' என்று சொல்வோம். 3-4 வாரங்களுக்கு மேலும் தொடர்ந்தால் அதை 'போஸ்ட் பார்ட்டம் டிப்ரெஷன்' என்று சொல்வோம். இன்னும்  சில பெண்களுக்கு கர்ப்ப காலத்திலேயே டிப்ரெஷன் ஏற்படுவதும் நடக்கும். அது பிரசவத்துக்குப் பிறகும் தொடரலாம். அதை 'பெரி பார்ட்டம் டிப்ரெஷன்' என்று சொல்வோம்.  பிரசவத்துக்குப் பிறகான 'போஸ்ட் பார்ட்டம் டிப்ரெஷனு'க்கு, சிசேரியன் பிரசவம் என்றால் அந்த வலி, தாய்ப்பால் கொடுப்பதில் அசௌகர்யங்கள், தூக்கமின்மை, ஹார்மோன் மாற்றங்கள் என பல விஷயங்கள் காரணங்களாக இருக்கலாம். அது இயல்பானதுதான். பெரும்பாலும் தானாகவே சரியாகிவிடும். கர்ப்பம் Doctor Vikatan: கர்ப்பிணிகளை ஒருக்களித்துப் படுக்கச் சொல்வது ஏன்? மற்றபடி, 3-4 வாரங்களுக்குப் பிறகும் மன அழுத்தம் நீடிப்பது, குழந்தையைப் பார்த்தாலே வெறுப்பாக இருப்பது, கணவர் அருகில் வந்தாலே பிடிக்காமல் இருப்பது, தனிமை, அழுகை, சோகம் போன்றவற்றை உணர்ந்தால் உடனடியாக மகப்பேறு மருத்துவரை அணுகுங்கள். உங்களுடைய மனநிலையைக் கேட்டறிந்து மருந்துகள் தருவார் அல்லது உளவியல் மருத்துவர் அல்லது ஆலோசகரை அணுக பரிந்துரைப்பார்.  ஒருவேளை அந்த டிப்ரெஷனுக்கு மருந்துகள் எடுத்துக்கொள்ள வேண்டியிருந்தாலும் அவை உங்களுக்கும் உங்கள் குழந்தைக்கும் பாதுகாப்பானவையாகவே இருக்கும். தாய்ப்பால் கொடுப்பது குறித்தும் நீங்கள் கவலைப்படத் தேவை இருக்காது. முக்கியமாக, நீங்கள் மன அழுத்தத்தில் இருப்பதை வீட்டாருக்குத் தெரியப்படுத்துங்கள். அவர்களிடம் உதவி கேளுங்கள். இப்படிச் சொன்னால் உங்களைத் தவறாக நினைப்பார்களோ, நல்ல அம்மா இல்லையோ என்பது போன்ற குற்ற உணர்வுகளில் இருந்து வெளியே வாருங்கள். தாய்ப்பால் Doctor Vikatan: எரிச்சல், மன அழுத்தம், தலைகீழாக மாறிப்போன தாம்பத்திய ஆர்வம் - தீர்வுகள் என்ன? போதுமான ஓய்வு எடுங்கள். தூக்கமின்மையால்தான் பெரும்பாலான அம்மாக்களுக்கு டிப்ரெஷன் வருகிறது. எனவே, குழந்தை தூங்கும்போது நீங்களும் தூங்கி ஓய்வெடுங்கள். மற்ற நேரங்களில் குழந்தையைப் பார்த்துக்கொள்ள வீட்டாரிடம் உதவி கேளுங்கள். பிரசவத்துக்கு முன்பே உங்கள் மகப்பேறு மருத்துவரிடம் இது குறித்துப் பேசி, மன அழுத்தத்தைத் தவிர்க்க ஆலோசனை பெறுங்கள். உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 4 Feb 2024 9:00 am

Happy Teeth: சர்க்கரை நோயாளிகள் பல் பிரச்னைகளால் பாதிக்கப்பட வாய்ப்பு அதிகமா?

சர்க்கரை நோயாளிகளுக்கு பல் தொடர்பான பிரச்னைகள் ஏற்படுவதற்கான வாய்ப்புகள் அதிகம். சர்க்கரை நோயாளிகளில் 90 சதவிகிதம் பேர் ஏதாவது ஒருவகையான பல் சார்ந்த பிரச்னைகளால் பாதிக்கப்படுகின்றனர் என்கின்றன புள்ளி விவரங்கள். Diabetes Happy Teeth: வாய் துர்நாற்றம் நீங்க சூயிங்கம் மெல்வது தீர்வாகுமா? சர்க்கரை நோய்க்கான பல் பாதுகாப்பு குறித்த தகவல்களை வழங்குகிறார் சென்னையைச் சேர்ந்த முக சீரமைப்பு அறுவை சிகிச்சை மருத்துவர் சுரேஷ் வீரமணி: சர்க்கரை நோயும் பல் பிரச்னைகளும் மிகவும் பொதுவானவை. ரத்தத்தில் சர்க்கரை அளவு அதிகரித்தால் ஈறுகளில் நோய்த்தொற்று ஏற்படும். அதே போல ஈறுகளில் நோய்த்தொற்று ஏற்பட்டால் ரத்தத்தில் சர்க்கரை அளவு அதிகரிக்கும் என்று அறிவியல்பூர்வமாக நிரூபிக்கப்பட்டுள்ளது. இதுதொடர்பாக பல்வேறு ஆராய்ச்சிகள் நடைபெற்றுள்ளன. ஈறுகளில் அழற்சி சர்க்கரை நோய் இருப்பது கண்டறியப்பட்டாலே பற்கள் ஆரோக்கியத்திலும் கவனம் செலுத்த வேண்டும். கட்டுப்பாடற்ற ரத்தச் சர்க்கரை அளவு இருக்கும் நோயாளிகளுக்கு கண், சிறுநீரகம் உள்ளிட்ட உறுப்புகள் பாதிக்கப்படுவதற்கு முன்பே ஈறுகள் பாதிக்கப்படும். ஆரம்பத்தில் ஈறுகளில் வீக்கம், ரத்தக்கசிவு ஏற்படும். தொடர்ந்து ஈறுகள் வலுவிழந்து, பல் ஆடத்தொடங்கும். Dental care Happy Teeth: வலி, கூச்சம்... அறிகுறிகளை வைத்தே பல் பிரச்னையின் தீவிரத்தை அறியலாம்! நிறைய பற்கள் ஆடுகின்றன என்ற பிரச்னையோடு மருத்துவமனைக்கு வருவார்கள். சர்க்கரை நோய்க்கான எந்த அறிகுறியும் இருக்காது, பரிசோதனையும் செய்திருக்க மாட்டார்கள். பரிசோதித்தால் ரத்தச் சர்க்கரை அளவு 300, 400 என்று இருக்கும். சர்க்கரை நோயால்தான் பல் ஆடும் நிலைக்கு வந்திருக்கும். சர்க்கரை நோயாளிகளுக்கு வாயில் எச்சில் சுரப்பு சற்று குறைவாக இருப்பதால் வாயில் வறட்சி ஏற்படும். இது வாய் துர்நாற்றம், பல் சொத்தை போன்ற பிரச்னைகளை ஏற்படுத்தும். Sweet odour சர்க்கரை நோயாளிகளின் வாயில் ஒரு பிரத்யேக துர்நாற்றம் (Smell) இருக்கும். அதனை 'ஸ்வீட் ஓடர்' (Sweet odour) என்பார்கள். பல்வேறு காரணங்களால் பலருக்கும் வாய் துர்நாற்ற பிரச்னை இருக்கும் என்றாலும், சர்க்கரை நோயாளிகளுக்கு இருக்கும் துர்நாற்ற பிரத்யேகமாக இருக்கும். சில நேரங்களில் பிரத்யேக வாய் துர்நாற்றத்தை வைத்தே அவர்களுக்கு சர்க்கரை நோய் இருக்கலாம் என்பதைக் கண்டறிவார்கள். Sweet odour) Happy Teeth: 'ரூட் கனால்' சிகிச்சை யாருக்கெல்லாம் தேவை? நமது உடலின் நோய் எதிர்ப்பு மண்டலத்தில் முக்கியமான ஓர் அம்சம் இருக்கிறது. உடலில் எந்த நோய்த்தொற்று ஏற்பட்டாலும் உடலைப் பாதுகாப்பதற்கு அதுதான் முதலில் (First Line Defence) வேகமாகச் செயல்படும். சர்க்கரை நோயாளிகளுக்கு அந்தச் செயல்பாடு சற்று மந்தமாக நடக்கும். அதனால்தான் பல் எடுத்ததற்கு பிற அந்த ரணம் ஆற தாமதமாகும். மேலும் நோய்த்தொற்று ஏற்படுவதற்கும் வாய்ப்புகள் அதிகம். இது தெரியாமல்தான் சர்க்கரை நோயாளிகள் பல் எடுக்கக்கூடாது, பல் சிகிச்சைக்கே செல்லக்கூடாது என்ற தவறான எண்ணம் இருக்கிறது. பல்லில் பிரச்னை இருக்கும்போது சிகிச்சை எடுக்காமல் அலட்சியப்படுத்துவது, பல் எடுக்க வேண்டிய கட்டாயம் இருந்தாலும் அதைத் தவிர்ப்பது போன்ற செயல்கள் பிரச்னையை அதிகப்படுத்துமே தவிர, தீர்க்காது. பல் சொத்தை Happy Teeth: பற்களின் நிறம் திடீரென்று மாறுகிறதா? பராமரிப்பது எப்படி? ரத்தச் சர்க்கரை அளவை கட்டுக்குள் வைத்திருந்தால், ஆரோக்கியமான வாழ்க்கை முறையைப் பின்பற்றினால் பல் சார்ந்த பிரச்னைகள் வருவதற்கான வாய்ப்பு மிகவும் குறைவு. மற்றவர்களைப் போலவே 8 மாதம் முதல் ஓராண்டுக்கு ஒருமுறை பல் மருத்துவரை அணுகி பற்களின் ஆரோக்கியத்தைப் பரிசோதித்துக்கொள்வது, பற்களைச் சுத்தப்படுத்துவது போன்றவற்றைச் செய்யலாம். கட்டுப்பாடில்லாத சர்க்கரை இருந்தால்தான் பல் பிரச்னைகள் தொடங்கும். எனவே, சர்க்கரை அளவைக் கட்டுப்பாட்டுக்குள் வைத்திருக்க வேண்டியது அவசியம். பல் பிரச்னைக்காக மருத்துவரை அணுகும்போது நோய் இருப்பதை முதலில் தெரிவித்துவிட வேண்டும். ஏனென்றால் நோய் கண்டறிதல், சிகிச்சை முறை, எந்த நேரத்தில் சிகிச்சையளிப்பது, மாத்திரை, மருந்துகள் பரிந்துரைப்பது என அனைத்திலும் சர்க்கரை நோயாளிகளுக்கு தனிக்கவனம் செலுத்த வேண்டும். Dr. Suresh Veermani Happy Teeth: சர்க்கரை நோயாளிகள் இனிப்பு கலந்த டூத் பேஸ்ட் பயன்படுத்தலாமா? சர்க்கரை நோயாளிகளுக்கு அதிகம் வலி நிவாரண மாத்திரைகள் கொடுக்க முடியாது. அவை சிறுநீரகத்தை பாதிக்கும். பல்லைக் காப்பாற்றுவதற்காக சிறுநீரகத்தை சேதப்படுத்த முடியாது. அதனால் வேறு மாத்திரைகள் பரிந்துரைக்க வேண்டும். பல் எடுப்பதற்கு முன்பு அல்லது குறிப்பிட்ட சில சிகிச்சைகளைத் தொடங்குவதற்கு ஆன்டிபயாடிக் மருந்துகள் கொடுக்கப்படும். மருந்துகள் எடுத்துக்கொண்டிருக்கும் நிலையில்தான் சிகிச்சை அளிக்க வேண்டும். பல் சிகிச்சைக்காக அப்பாயின்ட்மென்ட் வாங்கும்போதே சர்க்கரை நோய்க்காக என்ன மாத்திரை எடுக்கிறார்கள், எந்த நேரத்தில் எடுக்கிறார்கள் என்பதையும் தெரிவிக்க வேண்டும். சர்க்கரை நோயாளிகள் அதற்கான மருந்துகள் அல்லது இன்சுலின் எடுத்துக்கொண்டிருப்பார்கள். மருந்துகள் உச்ச நிலையில் வேலை செய்துகொண்டிருக்கும் நேரத்தில் உடலில் ரத்தச் சர்க்கரையின் அளவு குறைவாக இருக்கும். அந்த நேரத்தில் பல் சிகிச்சை அளித்தால் அது கூடுதல் அழுத்தத்தை ஏற்படுத்தி, நோயாளி மயக்கமடைவதற்கு கூட வாய்ப்புள்ளது. அதனால், பொதுவாக சர்க்கரை நோயாளிகளுக்கு காலை நேரத்தில் சிகிச்சை அளிப்பது சரியாக இருக்கும் என்றார். Dental Treatment Happy Teeth: 'ரூட் கனால்' சிகிச்சை யாருக்கெல்லாம் தேவை? பற்கள் பாதுகாப்பு, சிகிச்சை, வாய் சுகாதாரம் தொடர்பான சந்தேகங்களுக்கு விடைகளையும் ஆலோசனைகளையும் அளிக்கும் Happy Teeth தொடர் ஒவ்வொரு வாரமும் சனிக்கிழமை மாலை 6 மணிக்கு வெளியாகும். பற்கள் பராமரிப்பு பற்றி உங்களுக்கு ஏதேனும் சந்தேகம் இருந்தால், கமென்ட்ஸில் தெரிவிக்கவும். உங்கள் கேள்விகளுக்கு பல் மருத்துவர்கள் பதில் அளிப்பார்கள்.

விகடன் 3 Feb 2024 6:00 pm

பெற்றோர் எதிர்ப்பால் திருமணத்தை மறுத்த காதலன்... பாலியல் வழக்கு பதிவு செய்த காதலி..!

``ஒரு பெண்ணை திருமணம் செய்துகொள்கிறேன் என்று உறுதியளித்த ஆண், பெற்றோரின் எதிர்ப்பால் தனது வாக்குறுதியில் இருந்து பின்வாங்குவதை, பாலியல் குற்றமாகக் கருத முடியாது'' என மும்பை உயர் நீதிமன்றம் கூறியுள்ளது.   காதல்... திருமணம் என்ற பெயரில் நம்பிக்கையளித்து பாலியல் உறவு கொண்டதாக 31 வயது ஆண் மீது பெண் ஒருவர் வழக்கு பதிவு செய்துள்ளார். இந்த வழக்கு மும்பை உயர் நீதிமன்றத்தில் நாக்பூர் பெஞ்சின் கீழ் விசாரணைக்கு வந்தது.  இந்த வழக்கை விசாரித்த நீதிபதி மகேந்திர சந்த்வானி கூறுகையில், ``உறவின் ஆரம்பத்தில் இருந்தே அந்த நபருக்கு திருமணம் செய்து கொள்வதற்கான எண்ணம் இல்லை என்றும், அவர் தனது காம இச்சையை நிறைவேற்றிக் கொள்ளவே பொய்யான வாக்குறுதியைக் கொடுத்தார் என்பதையும் நிரூபிக்க எந்த ஆவணமும் இல்லை. எஃப்.ஐ.ஆரில் உள்ள குற்றச்சாட்டுகள் அவர் திருமணம் செய்து கொள்ளத் தயாராக இருந்ததைத் தெளிவுபடுத்துகின்றன. அவரின் பெற்றோர் சம்மதிக்கவில்லை என்பதால் தனது வாக்குறுதியில் இருந்து அவர் பின்வாங்கியுள்ளார்.  court order -Representational Image நல்லி எலும்பால் நின்றுபோன திருமணம்... காவல் நிலையம் வரை சென்ற பஞ்சாயத்து! - என்ன நடந்தது? ஆதலால், இந்திய தண்டனை சட்டம் பிரிவு 375-ன் கீழ் ஒரு பெண்ணை விருப்பத்திற்கு மாறாக உடலுறவு கொள்ளும் பாலியல் குற்றமாக இதனை கருத முடியாது.    பெற்றோரின் எதிர்ப்பால் ஒரு பெண்ணை திருமணம் செய்து கொள்கிறேன் என்ற உறுதியளித்த ஆண் தனது உறுதியில் இருந்து பின்வாங்குவதை பாலியல் குற்றமாக கருத முடியாது'' என்று கூறினார். மேலும், பாலியல் குற்ற வழக்கில் இருந்து அந்த இளைஞர் விடுவிக்கப்பட்டார்.

விகடன் 3 Feb 2024 4:41 pm

Doctor Vikatan: திடீரென ஏற்படும் தசைப்பிடிப்புக்கு உணவுகள் தீர்வாகுமா?

Doctor Vikatan:  உடற்பயிற்சிகள் செய்யும்போதோ, வேறு வேலைகள் செய்துகொண்டிருக்கும்போதோ எனக்கு அடிக்கடி தசைப்பிடிப்பு ஏற்படுகிறது.  சத்துக் குறைபாடுதான் காரணம் என்கிறான் என் நண்பன். தசைப்பிடிப்பு பிரச்னை தொடராமலிருக்க, உணவுகள் உதவுமா.... அப்படியெனில் எப்படிப்பட்ட உணவுகள் என விளக்க முடியுமா? பதில் சொல்கிறார், சென்னையைச் சேர்ந்த,  ஸ்போர்ட்ஸ் அண்ட் ப்ரிவென்ட்டிவ் ஹெல்த்  டயட்டீஷியன் ஷைனி சுரேந்திரன். ஷைனி சுரேந்திரன் Doctor Vikatan: நைட் ஷிஃப்ட் வேலை ஹார்ட் அட்டாக்கை ஏற்படுத்துமா? வண்டியில் ஏறும்போது, தூங்கும்போது, ஜிம்மில் வொர்க் அவுட் செய்யும்போது.... இப்படி தசைப்பிடிப்பு ஏற்பட்ட அனுபவம் பலருக்கும் நிச்சயம் இருக்கும். இதை சரியான உணவுப்பழக்கத்தின் மூலம் சரிசெய்யலாம் என்பது உண்மைதான். முதலில் நீங்கள் கவனம் செலுத்த வேண்டியது பி காம்ப்ளெக்ஸ்.  பால் மற்றும் பால் பொருள்கள், பாலிஷ் செய்யப்படாத அரிசி, சிறுதானியங்கள், பாரம்பர்ய அரிசி ரகங்கள் போன்ற உணவுகளில் பி காம்ப்ளெக்ஸ் சத்து அபரிமிதமாக இருக்கும்.  அடுத்து நீங்கள் கவனம் செலுத்த வேண்டியது உங்கள் உடலின் நீர்ச்சத்து. வியர்வையின் மூலம் உங்கள் உடலில் உள்ள உப்பு அதிகம் வெளியேறும்.  தசைப்பிடிப்பு Doctor Vikatan: கர்ப்பிணிகளை ஒருக்களித்துப் படுக்கச் சொல்வது ஏன்? அதன் விளைவாகவும் தசைப்பிடிப்பு வரலாம். இதைத் தவிர்க்க எலுமிச்சைப்பழச் சாற்றில் சிறிதளவு உப்பும், சர்க்கரையும் சேர்த்து எடுத்துக்கொள்ளலாம். இளநீர் குடிப்பதும் சிறந்தது. அதே போல வாழைப்பழமும் இந்தப் பிரச்னைக்கு சிறந்த தீர்வாக இருக்கும்.   வாழைப்பழத்தில் பொட்டாசியம், மக்னீசியம், வைட்டமின் பி 6 போன்றவை உள்ளன. விளையாட்டின் போதும், வேலைகளுக்கு இடையிலும் சிறிது வாழைப்பழம் சாப்பிடலாம். இது திடீர் தசைப்பிடிப்பைத் தவிர்க்கும். எனவே, உங்களுடைய தினசரி மெனுவில் வாழைப்பழம் இடம்பெறுமாறு பார்த்துக்கொள்ளவும். சிறுதானியங்கள் Doctor Vikatan: காலையில் காபி, டீயுடன் பிஸ்கட் சாப்பிடுவது தவறா? அடுத்து நீங்கள் கவனிக்க வேண்டியது உங்கள் உடலிலுள்ள மக்னீசியம் அளவு. பெரும்பாலானவர்களுக்கும் இந்தக் குறைபாடு இருக்கிறது. கம்பு, சோளம், கேழ்வரகு, திணை, சாமை போன்ற சிறுதானியங்களிலும், பூசணி விதைகளிலும், கொண்டைக்கடலை, பல்வேறு வகையான பருப்பு வகைகள் போன்றவற்றில் மக்னீசியம் அதிகமிருக்கும். இந்த உணவுகளை எல்லாம் உணவுப்பழக்கத்தில் கொண்டு வந்தால் தசைப்பிடிப்பு பாதிப்பு இருக்காது.  உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 3 Feb 2024 9:00 am

சயனைடைவிட 1,000 மடங்கு விஷம்... நண்பர் பரிசளித்த மீனை சாப்பிட்டவர் உயிரிழந்த சோகம்?!

பிரேசிலை சேர்ந்த மேக்னோ செர்ஜியோ கோம்ஸ் என்பவருக்கு 46 வயதாகிறது. நண்பர் ஒருவர் பரிசாக அளித்த பஃபர்மீனை (Pufferfish) இவர் சமைத்து சாப்பிட்டு இருக்கிறார். இந்த வகை பஃபர்மீன் `புளோஃபிஷ்’ (blowfish) என்றும் அறியப்படுகிறது. ஏனெனில் தன்னைத் தாக்க வரும் உயிரினிங்களிடத்தில் இருந்து தற்காத்துக் கொள்ள இந்த மீன்கள் காற்றடைத்த பலூன் போல ஊதிவிடும் தன்மை உடையவை.  இந்த மீனை உண்ட மேக்னோ சில நாள்களிலேயே உயிரிழந்து இருக்கிறார். இந்த மீன் 30 பேரைக் கொல்லுமளவிற்கு விஷமுடையது என்று கூறப்படுகிறது.  eating (Representational Image) ``விவசாயம் நமது பலம், நம் பெருமை'' விவசாயிகளுக்கு ஆதரவாகப் பேசிய பிரான்ஸ் பிரதமர்! இந்தச் சம்பவம் குறித்து அவரின் சகோதரி மிரியன் கோம்ஸ் லோப்ஸ் கூறுகையில், ``இதற்கு முன்பு என் சகோதரர் பஃபர் மீனை சுத்தம் செய்ததில்லை, சமைத்ததும் இல்லை. அவரும் அவரின் நண்பரும் மீனை வெட்டி கல்லீரலை வெளியே எடுத்துக் கொதிக்க வைத்து, எலுமிச்சை ஜூஸ் உடன் சாப்பிட்டு இருக்கிறார்கள்.  ஒரு மணி நேரத்திற்குள் இருவருக்கும் உடல்நிலை சரியில்லாமல் போனது. மேக்னோ தனது வாயில் உணர்ச்சியை இழக்க ஆரம்பித்திருக்கிறார். நிலைமை சரியில்லை என உணர்ந்தவர் அவராகவே மருத்துவமனைக்கும் சென்று இருக்கிறார். 35 நாள்கள் சிகிச்சைக்குப் பின்னர், உணர்ச்சியற்ற தன்மை உடல் முழுதும் பரவி, அவருக்கு  மாரடைப்பு ஏற்பட்டு இருக்கிறது. ஆனால், அவரின் நண்பர் உயிர்பிழைத்திருக்கிறார். கால்களில் மட்டும் அவருக்கு பிரச்னை உள்ளது. அவரால் சரியாக நடக்க முடியவில்லை. நரம்பியல் ரீதியாக பாதிக்கப்பட்டு இருக்கிறார், இருந்தபோதும் குணமடைந்து வருகிறார்’’ என்று கூறியுள்ளார்.  ஜனவரி 27 அன்று மேக்னோ உயிரிழந்தார். மருத்துவமனையில் அனுமதிக்கப்பட்ட மூன்று நாள்களுக்குப் பின்னர் அவருக்கு பல முறை வலிப்பு வந்திருக்கிறது. விஷம் அவரது தலைவரை சென்றதாக குடும்பத்தினரிடம் மருத்துவர்கள் கூறியுள்ளனர்.  Treatment (Representational Image) `இந்தியாவில் நான்கு நிமிடங்களுக்கு ஒருவர் பக்கவாதத்தால் இறக்கிறார்' - எய்ம்ஸ் நரம்பியல் பேராசிரியர்! இது குறித்து நோய்க் கட்டுப்பாட்டுக்கான அமெரிக்க மையம் கூறுகையில், ``மேக்னோ `டெட்ரோடோடாக்ஸின்’ (tetrodotoxin) என்ற வலிமையான நஞ்சினால் பாதிக்கப்பட்டு இருக்கிறார். பஃபர்ஃபிஷ் மற்றும் பிற கடல் உயிரினங்களின் கல்லீரல் மற்றும் இனப்பெருக்க சுரப்பிகளில் (gonads) இந்த விஷம் அதிக அளவில் இருக்கிறது.  வேட்டையாட வரும் உயிரினங்களில் இருந்து தங்களைப் பாதுகாத்துக் கொள்ள இந்த மீன்கள் நஞ்சை வெளியிடும். சயனைடை விட 1,000 மடங்கு விஷம் கொண்டது. இதற்கு சிகிச்சையும் இல்லை. இதனை ஒருவர் அதிகளவு உட்கொள்ளும்போது நரம்புகளில் இருந்து தசைகளுக்குச் செல்லும் சிக்னலை தடுத்து உணர்விழக்கச் செய்து மரணத்தை உருவாக்கும். இந்த மீன் உண்பதற்குத் தகுதியற்றது'' ’’ எனத் தெரிவித்துள்ளது.

விகடன் 2 Feb 2024 3:25 pm

Doctor Vikatan: நைட் ஷிஃப்ட் வேலை ஹார்ட் அட்டாக்கை ஏற்படுத்துமா?

Doctor Vikatan: என் வயது 39. பல வருடங்களாக நைட் ஷிஃப்ட் வேலை பார்த்துக் கொண்டிருக்கிறேன். நைட் ஷிஃப்ட் வேலை பார்ப்பவர்களுக்கு ஹார்ட் அட்டாக் வரும் ஆபத்து அதிகம் என்று சமீபத்தில் கேள்விப்பட்டேன். அது எந்த அளவுக்கு உண்மை...  மாரடைப்பு வராமலிருக்க நான் என்ன செய்ய வேண்டும்? பதில் சொல்கிறார் சென்னையைச் சேர்ந்த, இதயநோய் மருத்துவர் அருண் கல்யாணசுந்தரம் மருத்துவர் அருண் கல்யாணசுந்தரம் நைட் ஷிஃப்ட் வேலையில் ரிஸ்க் இருக்கவே செய்கிறது. தொடர்ந்து பல வருடங்களாக நைட் ஷிஃப்ட் வேலை செய்வோருக்கு இதயநோய் மட்டுமன்றி, நீரிழிவு, ரத்த அழுத்தம், உடல் பருமன் உள்ளிட்ட பல பாதிப்புகள் வரலாம். ஆனாலும், பெரும்பாலானவர்கள், வாழ்வாதாரம் கருதி, நைட் ஷிஃப்ட் வேலையைப் பார்க்க வேண்டிய நிர்பந்தத்தில் இருக்கிறார்கள். தவிர்க்க முடியாமல் நைட் ஷிஃப்ட் வேலை பார்ப்பவர்கள், சில விஷயங்களை எப்போதும் நினைவில் கொள்ள வேண்டும். நைட் ஷிஃப்ட் வேலை முடிந்த உடனே, காபியோ, டீயோ குடிப்பதையும், புகை பிடிப்பதையும் நிச்சயம் தவிருங்கள். குறிப்பாக, நைட் ஷிஃப்ட்டின் இரண்டாம் பகுதியில் காபி, டீ குடிப்பதை முடிந்த அளவுக்குத் தவிர்த்துவிடுங்கள். நைட் ஷிஃப்ட் வேலை நேரம் முடிந்ததும் தூங்க முயற்சி செய்யுங்கள்.  தூங்கச் செல்வதில் தாமதம் காட்ட வேண்டாம். நைட் ஷிஃப்ட் செய்பவர்கள் கவனத்துக்கு! Doctor Vikatan: கர்ப்பிணிகளை ஒருக்களித்துப் படுக்கச் சொல்வது ஏன்? ஏனெனில், வெயிலில் போகும்போது உங்கள் தூக்கம் தடைப்படும்.  வெயில்படும்படிதான் போக வேண்டும் என்ற நிலையில் சன் கிளாஸ் அணிந்துகொள்ளுங்கள். நைட் ஷிஃப்ட் வேலை முடிந்து,  வீட்டுக்குப் போய் நீங்கள் தூங்க ஆரம்பிக்கும்போது, அது உங்களுக்கான தூக்க நேரம் என்பதைச் சொல்லி, உங்களை யாரும் தொந்தரவு செய்யாமல் பார்த்துக் கொள்ளுங்கள். செல்போனையும் சைலன்ட் மோடிலோ, 'டு நாட் டிஸ்டர்ப்' மோடிலோ போட்டு வையுங்கள். பகலில் தான் தூங்க வேண்டும் என்ற நிலையிலும் உங்கள் பெட்ரூம் முடிந்த அளவுக்கு இருட்டாகவும் குளிர்ச்சியாகவும் இருக்கும்படி பார்த்துக்கொள்ளுங்கள். தினமும் சிறிது நேரம் உடற்பயிற்சி செய்வதை வழக்கமாக வைத்துக்கொள்ளுங்கள். பகல் நேர தூக்கத்தில் காம்ப்ரமைஸ் செய்ய வேண்டாம். இரவுப் பணியின் போது நல்ல வெளிச்சமான சூழலில் வேலை பார்ப்பதை உறுதிசெய்து கொள்ளுங்கள். அது உங்களை தூக்க கலக்கமின்றி, விழிப்புடன் வைத்திருக்கும்.  வைட்டமின் டி Doctor Vikatan: டிரெட்மில் டெஸ்ட் ரிசல்ட் நார்மல்... அதன் பிறகு ஹார்ட் அட்டாக் எப்படி வந்தது..? பகல்நேரத்தில் உங்களுக்குக் கிடைக்கும் சூரிய ஒளியின் அளவு குறையும் என்பதால், வைட்டமின் டி குறைபாடு ஏற்படாமலிருக்க, மருத்துவ ஆலோசனையோடு வைட்டமின் டி சப்ளிமென்ட்டுகளை எடுத்துக்கொள்ளவும்.  வருடம் தவறாமல் உங்களுடைய முழு உடல் பரிசோதனையைச் செய்து பாருங்கள். ஏதேனும் அசாதாரண அறிகுறிகள் தெரிந்தால் மருத்துவ உதவியை நாடுங்கள். உணவு, உறக்கம், உடற்பயிற்சி போன்றவற்றில் அக்கறை காட்டும்போது, நைட் ஷிஃப்ட் வேலையால் ஏற்படும் பாதிப்புகளில் இருந்து விலகி இருக்கலாம், கவலை வேண்டாம். உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 2 Feb 2024 9:00 am

Doctor Vikatan: கர்ப்பிணிகளை ஒருக்களித்துப் படுக்கச் சொல்வது ஏன்?

Doctor Vikatan: நான் 4 மாத கர்ப்பிணி. என் அம்மா என்னை இயல்பாகப் படுத்து உறங்க அனுமதிக்க மறுக்கிறார். கர்ப்பிணிகள் ஒருக்களித்துதான் படுக்க வேண்டும், அதுதான் குழந்தைக்கு நல்லது என்கிறார். இது எந்த அளவுக்கு உண்மை? வேறு பொசிஷன்களில் படுத்துத் தூங்குவது தவறானதா? பதில் சொல்கிறார் சென்னையைச் சேர்ந்த மகப்பேறு மருத்துவர் ரம்யா கபிலன் டாக்டர் ரம்யா கபிலன் Doctor Vikatan: PCOD எனப்படும் சினைப்பை நீர்க்கட்டி உள்ளவர்களால் கருத்தரிக்க முடியுமா? கர்ப்பகாலத்தின் முதல் மூன்று மாதங்களில் (முதல் ட்ரைமெஸ்டர்) இருக்கும்போது எந்த பொசிஷனில் வேண்டுமானாலும் தூங்கலாம். அதாவது உங்களுக்குப் பிடித்த, வசதியான எந்த நிலையிலும் தூங்கலாம்.  ஒருக்களித்தும் படுக்கலாம், மல்லாந்தும் படுக்கலாம், குப்புறகூட படுத்தும் தூங்கலாம், பிரச்னையில்லை.  முதல் மூன்று மாதங்களில் எந்த பொசிஷனில் படுத்து உறங்கினாலும் பெரும்பாலும் கர்ப்பிணிகளுக்கு அது எந்த சிரமத்தையும் தருவதில்லை. அதுவே, இரண்டாவது, மூன்றாவது ட்ரைமெஸ்டரில், ஒருக்களித்துப் படுத்து உறங்குவதுதான் சரியானது. அதிலும் குறிப்பாக இடப்பக்கமாக ஒருக்களித்துப் படுத்து, தூங்குவதே சரியானது. அது சௌகர்யமாகவும் இருக்கும், அந்த பொசிஷன் பாதுகாப்பானதும்கூட. தூக்கம் Doctor Vikatan: விரதமிருக்கும்போது ஏற்படுகிற மயக்கம்... தீர்வு உண்டா? இடப்பக்கமாக ஒருக்களித்துப் படுப்பதன் மூலம், நஞ்சுக்கொடிக்குச் செல்லும் ரத்த ஓட்டம் சீராக இரக்கும். கர்ப்ப கால சிக்கல்களையும் தவிர்க்க உதவும். படுத்திருக்கும்போது இரண்டு கால்களுக்கு இடையில் தலையணை வைத்துக்கொள்வது, முதுகுப் பகுதிக்கு தலையணை வைத்துக்கொள்வது போன்றவையும் கர்ப்பிணிகளுக்கு சௌகர்யமான உணர்வைத் தரும்.  நல்ல தூக்கத்தையும் கொடுக்கும்.  முதுகுப்பகுதி சமமாக இருக்கும்படி மல்லாந்து படுக்கும்போது, அதிலும்,  பிரசவ காலம் நெருங்கும்நேரத்தில் அப்படிப் படுப்பது, ஒருவித அசௌகர்யத்தைத் தரும். ரத்தக் குழாய்களில் அழுத்தத்தை ஏற்படுத்தும். அதன் காரணமாக ரத்த ஓட்டம் குறையலாம். அதனால் உங்களுக்கு மயக்கம், மூச்சு விடுவதில் சிரமம் போன்றவை ஏற்படலாம். ரத்த அழுத்த அளவும் குறையலாம். கர்ப்பிணி கர்ப்பிணிகள் வெண்ணெய் சாப்பிட்டால் சுகப்பிரசவம் நிகழுமா? - அவள் பதில்கள்: 82 இந்தப் பிரச்னைகளை எல்லாம் தவிர்க்கவே, ஒருக்களித்துப் படுக்கவும், தலையணை பயன்படுத்தவும் அறிவுறுத்தப்படுகிறார்கள். ஒருக்களித்துப் படுத்த நிலையிலும் உங்களுக்கு மூச்சு விட சிரமம் இருந்தாலோ, அசௌர்கயமாக உணர்ந்தாலோ மருத்துவ ஆலோசனை பெறுவது பாதுகாப்பானது.  உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 1 Feb 2024 9:00 am

முதலிரவுல மணமக்கள் டென்ஷன் ஆகுறதுக்கு இதுவும் காரணம்... காமத்துக்கு மரியாதை | 139

அந்தக் காலம் தொட்டு இந்தக் காலம் வரை நம் தமிழ்ப் படங்களின் சில முதலிரவுக் காட்சிகள் உங்களுக்கு நினைவிருக்கிறதா..? `பால் வண்ணம் பருவம் கண்டு' என்று எம்.ஜி.ஆர், சரோஜாதேவியின் நாடியைப் பிடித்துக் கொஞ்சுவார். `பாலக்காட்டு பக்கத்துல ஒரு அப்பாவி ராஜா' என பத்மினியைப் பார்த்துப் பம்முவார் சிவாஜி. ரஜினி `விடிய விடிய' மேன்லியாகச் சொல்லித் தருவார். கமல் `நிலாக்காயுது' என்று நாயகிக்கு கண்கள் சொக்க அழைப்பு விடுப்பார். அப்புறம் மாதவனின் ஃப்ரெண்ட்லியான `காதல் சடுகுடு' முதலிரவு சீன். அதற்கும் அப்புறம் `3' படத்தில் ஸ்ருதிஹாசனை `த்தூ வா' என்று மடியில் உட்கார வைத்து ரொமான்ஸ் செய்வார் தனுஷ். `சார்பட்டா பரம்பரை'யில் குத்து டான்ஸோடு ஆர்யா, துஷாராவின் முதலிரவு களைகட்டியது. ஆக, இவற்றின் மூலம் நமக்குத் தெரிய வருவது முதலிரவிலேயே தாம்பத்திய உறவு நடந்துவிடும் என்பதுதான். `நிஜத்தில் எப்படி' என்றோம், பாலியல் மருத்துவர் நாராயண ரெட்டியிடம். Sex Education ``அந்தப் பெண்ணுக்கு வேற யாரும் ஆதரவில்ல... அதனாலதான்...'' - காமத்துக்கு மரியாதை | சீஸன் 4 - 138 ''ஒரு திருமண வாழ்க்கை இதமா ஆரம்பிக்கணும்னா, முதலிரவுலேயே எல்லாம் நடந்திடணும்னு எதிர்பார்க்கக் கூடாது. பெரும்பாலும் அப்படி நடக்கவும் நடக்காது. அப்படியே எல்லாம் நடந்திடுச்சுன்னு நீங்க நம்பிட்டிருந்தாலும், உங்க லைஃப் பார்ட்னரும் அதையே நினைச்சாதான் அது உண்மையா இருக்க முடியும். அதனாலதான், காமசூத்திரம் `முதல் இரவிலேயே தாம்பத்திய உறவு வெச்சுக்க வேண்டாம்'னு அறிவுறுத்துது. திருமணமான முதல் மூணு நாள்கள் தம்பதியர் தனித்தனியாதான் படுக்கணும். அதன் பிறகு, ஏழு நாள்கள் வரைக்கும் ரெண்டு பேரும் நிறைய பேசணும். பிறகு, பக்கத்துல உட்கார்றது, ஒருத்தர் மேல ஒருத்தர் லேசா பட்டுக்கிறது, கைகளைத் தொடுறது, விரல்களைப் பிடிக்கிறது, தோள்பட்டை மேல மோவாயை வைக்கிறதுன்னு இருக்கணும். நம்ம கலாசாரத்துல ஆண்தான் மொதல்ல இயங்கணும்னு பதிய வைச்சிருக்கிறதால, இந்தச் செயல்களைச் செய்யுறதுல பெண்ணைவிட ஆணுக்குத்தான் பொறுப்பு அதிகம் இருக்கணும். அந்தக் காலத்துல பல நாள் கல்யாணம் வெச்சதோட முக்கியமான நோக்கமே, கல்யாணத்துக்கு முன்னாடி அண்ணலும் நோக்கி, அவளும் நோக்குறதுக்குத்தான். அப்புறம், கல்யாணத்துக்கு வந்த சொந்தக்காரங்க எல்லாம் பையன், பொண்ணை பத்தி நல்லபடியா பேசுறது பரஸ்பரம் காதுல விழுந்து லேசா காதல் எட்டிப்பார்க்க ஆரம்பிக்கும். கல்யாணமும் நடக்கும். அதுக்குப்பிறகு நடக்கிற சம்பிரதாயங்கள் எல்லாமே பொண்ணும் மாப்பிள்ளையும் ஒருத்தரையொருத்தர் தொடற மாதிரியே இருக்கும். இதன் மூலமா தாம்பத்திய உறவுக்கு அவங்களை மனரீதியா தயாராக்குவாங்க. அப்படியும் கல்யாணமான அன்னிக்கே முதலிரவு நடத்த மாட்டாங்க. அதுக்கும் நாள், கிழமைன்னு பார்த்துதான் நடத்துவாங்க. மணமக்கள் அந்த நாளை எண்ணி எண்ணி ஏங்கிட்டு இருக்க, கடைசியில எல்லாமே சுபம். திருமணம் ``என்னை ஆம்பளை இல்லைங்கிறியா'னு ஆவேசப்படுவாங்க...'' - காமத்துக்கு மரியாதை | சீஸன் 4 - 137 இப்போ காலையில கல்யாணம், சாயங்காலம் ரிசப்ஷன், அன்னிக்கு நைட்டே முதலிரவுன்னா, மணமக்களுக்கு பதற்றம்தான் மிஞ்சும். அதனாலதான் என்கிட்ட கவுன்சலிங்குக்கு வர்ற பலபேர், `ரூமுக்குள்ள போற வரைக்கும் நார்மலாத்தான் இருந்தேன் டாக்டர். அதுக்கப்புறம்தான் பதற்றமாயிட்டேன்'னு சொல்றாங்க. இது லவ் மேரேஜ் செஞ்சுகிட்ட தம்பதிகளுக்கும் பொருந்தும். கல்யாணத்துக்கு முன்னாடி மணிக்கணக்கா போன்ல பேசுன ஜோடிகளுக்கும் பொருந்தும். காதல் கல்யாணமே ஆனாலும், முதலிரவு அன்னிக்கே முழுமையான தாம்பத்திய உறவு கிடைக்கணும்னு அவசியமில்லை. `அந்தப் பொண்ணுக்கிட்ட உடல்ரீதியா இணையுற விருப்பம் தெரியுற வரைக்கும் தொடாதே'ன்னுதான் காமசூத்திரம் சொல்லுது. உங்க மனசே உங்க உடம்பை தாம்பத்திய உறவுக்கு ரெடியாக்கும். அதை யாரும் யாருக்கும் சொல்லிக்கொடுக்க வேண்டிய அவசியமில்லை. தானா நிகழும். Dr. Naraya Reddy ``இந்த நேரத்துல செக்ஸ் வெச்சுக்கிட்டா கரு பாதிக்கப்படுமா..?'' - காமத்துக்கு மரியாதை | சீஸன் 4 - 136 முதலிரவைப் பொறுத்தவரைக்கும், `அன்னிக்கு நடக்கலைன்னா தனக்கு ஆண்மையில்லையோ'ன்னு பயந்துடுறான் ஆண். பெண்ணோ, `அச்சச்சோ வலிக்குமே'ன்னு பயப்படுறா. அவங்க நண்பர்களோட அரைகுறை செக்ஸ் ஞானம்தான் இதுக்கு காரணம். திருமணமான ஒரு தம்பதியின் மனங்கள் உறவு வெச்சுக்கணும்னு ஆசைப்படற அந்த நொடிதான் முதலிரவுக்கான மிகச் சரியான தருணம். அந்த நேரத்துல வலியிருக்காது; ஆனந்தம் மட்டுமே இருக்கும். பாலுறுப்புகள் இணையுறதுதான் செக்ஸ்னு நினைச்சுக்க வேணாம். திருமணத்தன்னிக்கு நாள்பூரா நடந்த சடங்குகளால ஏற்பட்ட அசதியில நாலு முத்தத்தோட உங்க முதலிரவு முடிஞ்சாலும் ஓகேதான். ஒருவேளை முயற்சி செஞ்சு முழுசா நடக்கலைன்னாலும் அதுவும் நார்மல்தான். `தோத்துட்டோமோ', `ஆண்மையில்லையோ'ன்னு மனசைப்போட்டு குழப்பிக்க வேணாம். நான் ஏற்கெனவே சொன்ன மாதிரி முதலிரவுக்குப் பிறகும் ஆயிரம் இரவுகள் வரத்தான் போகுது'' என்கிறார்.

விகடன் 31 Jan 2024 6:00 pm

`கடந்த 29 நாள்களில் 189 உடல் உறுப்புகள் தானமாகப் பெறப்பட்டிருக்கின்றன!' - TRANSTAN தகவல்

தமிழ்நாட்டில் கடந்த 29 நாள்களில் 30 நபர்கள் மூலம், 189 உடல் உறுப்புகள் தானம் பெறப்பட்டுள்ளதாக தமிழ்நாடு உறுப்பு மாற்று ஆணையம் TRANSTAN தகவல் தெரிவித்துள்ளது. அதன்படி விபத்து, புற்றுநோய், பிறவிக் குறைபாடு மற்றும் தீக்காயம் உள்ளிட்ட பிரச்னைகளால் பாதிக்கப்பட்டு உயிரிழந்தவர்களின் உடல் உறுப்புகள், அவர்களின் குடும்பத்தினரின் முழு சம்மதத்தோடு, அறுவை சிகிச்சையின் மூலம் உடல் உறுப்பு மாற்று அறுவை சிகிச்சை செய்யப்படுகிறது. அந்த வகையில், ஒவ்வோர் ஆண்டும் உடல் உறுப்பு மாற்று அறுவை சிகிச்சை செய்பவர்களுக்கு மாற்று உறுப்புகள் தேவைப்படுவதன் எண்ணிக்கையும் அதிகரித்து வருகிறது. அத்துடன் பொதுமக்களிடையே சாலை பாதுகாப்பு விதிகள் பற்றிய விழிப்புணர்வு இல்லாத காரணத்தால் நாள்தோறும் ஏராளமான சாலை விபத்துகள் ஏற்படுகிறது. போக்குவரத்துக் காவல்துறையினரின் அறிவிப்புகள், போக்குவரத்து விதிகள் என எவற்றையும் மதியாது சரியான பாதுகாப்பு வசதிகள் இல்லாது (ஹெல்மட், சீட் பெல்ட் போடாமல்), பலர் வாகனங்களில் பயணம் செய்கின்றனர்.  இதனால் பெரிய அளவிலான ஆபத்துகளும், சில நேரங்களில் மூளைச்சாவு ஏற்படும் அபாயமும் இருக்கிறது. இதையடுத்து, விபத்துகளில் மூளைச்சாவு அடைந்தவர்களின் உடல் உறுப்புகள் யாருக்கும் பலனில்லாமல் வீணாய் மண்ணுக்குத்தான் செல்கிறது. உடல் உறுப்பு தானம் குறித்த விழிப்புணர்வு இல்லாததும் இதற்கான முக்கியக் காரணமாக விளங்குகிறது. இந்த நிலையில், தமிழகத்தில் கடந்த ஆண்டு செப்டம்பர் 23-ம் தேதி உடல் உறுப்புகளை தானம் செய்பவர்களுக்கு, அரசு மரியாதையுடன் இறுதிச்சடங்கு நடைபெறும் என தமிழ்நாடு முதல்வர் மு.க.ஸ்டாலின் சட்டசபையில் அறிவித்தார். அதன்படி, மூளைச்சாவு அடைந்தவர்களின் குடும்பத்தினர் மற்றும் உறவினர்கள், உடல் உறுப்பு தானம் அளிக்க ஒப்புதல் அளித்தவுடன்தான், உடல் உறுப்புகள் தானமாகப் பெறப்படுகின்றன. இதனைத் தொடர்ந்து அந்தந்த மாவட்ட நிர்வாகம் சார்பில் உடல் உறுப்பு தானம் செய்தவரின் இல்லத்தில் நடைபெறும் இறுதிச்சடங்கில், மாவட்ட ஆட்சியர் நேரடியாகப் பங்கேற்பதோடு இறந்தவருக்கு 21 குண்டுகள் முழங்க அரசு மரியாதை செய்யப்பட்டு வருகிறது. தமிழ்நாடு முதல்வர் சட்டமன்றத்தில் வெளியிட்ட இந்த அறிவிப்பைத் தொடர்ந்து, உடல் உறுப்பு தானம் செய்பவர்களின்  எண்ணிக்கை கடந்த சில மாதங்களாக அதிகரித்து வருவதோடு, உடல் உறுப்பு தானம் குறித்து சாமானிய மக்களுக்கும்  விழிப்புணர்வு ஏற்பட்டுள்ளதாகவும், அதிகப்படியான நபர்கள் தற்போது உடல் உறுப்புகளை தானம் செய்ய முன்வருவதாகவும் தகவல் வெளியாகியிருக்கிறது. முதல்வர் ஸ்டாலின் இந்த நிலையில் தமிழ்நாட்டில் கடந்த 29 நாள்களில், 30 பேர் தங்களின் உடல் உறுப்புகளை தானம் செய்துள்ளனர் என்று, தமிழ்நாடு உறுப்பு மாற்று ஆணையம் (TRANSTAN) தகவல் தெரிவித்துள்ளது. இதன்படி 2024 ஜனவரி 1-ம் தேதி முதல் 29-ம் தேதி வரை நடத்தப்பட்ட கணக்கெடுப்பின்படி, 2008 - ஆண்டுக்குப் பிறகு ஒரு மாதத்தில் பதிவான அதிகபட்ச எண்ணிக்கை இதுவாகும். தற்போதைய நிலவரப்படி, சிறுநீரகம் 48 பேர், கல்லீரல் 27 பேர், இதயம் 10 பேர், நுரையீரல் 13 பேர் என மொத்தம் 30 நபர்களிடமிருந்து 189  உடல் உறுப்புகள் தானமாகப் பெறப்பட்டுள்ளதாகவும், இதனால் உடல் உறுப்புகள் மாற்று அறுவை சிகிச்சை செய்யும் பலருக்கு இது பயன்படும் எனவும் TRANSTAN தெரிவித்துள்ளது. Junior Vikatan-ன் பிரத்யேக Whatsapp Group... இணைவதற்கு இங்கே க்ளிக் செய்யவும்... https://bit.ly/47zomWY வணக்கம், BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள். ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://bit.ly/47zomWY விபத்தில் மூளைச்சாவு அடைந்த தூய்மைப் பணியாளரின் உறுப்புகள் தானம்; அரசு மரியாதையுடன் உடல் நல்லடக்கம்!

விகடன் 31 Jan 2024 2:00 pm

Doctor Vikatan: PCOD எனப்படும் சினைப்பை நீர்க்கட்டி உள்ளவர்களால் கருத்தரிக்க முடியுமா?

Doctor Vikatan: பிசிஓடி பாதிப்பு உள்ளவர்கள், கருத்தரிக்க முடியுமா.... கருத்தரித்தாலும் பிறக்கும் குழந்தை ஆரோக்கியமாக இருக்குமா? prabu, விகடன் இணையத்திலிருந்து... பதில் சொல்கிறார் கோவை, கிணத்துக்கடவைச் சேர்ந்த மகளிர் நலம் மற்றும் மகப்பேறு மருத்துவர் ஸ்ரீதேவி. மகப்பேறு மருத்துவர் ஸ்ரீதேவி Doctor Vikatan: வெறும் வயிற்றில் பழங்கள் சாப்பிடுவது சரியானதா...? நீர்க்கட்டிகளை மருத்துவர்கள் 'ஒவேரியன் சிஸ்ட்' என்று சொல்வோம். ஆனால், இங்கே நீங்கள் குறிப்பிட்டிருப்பது 'பாலிசிஸ்டிக் ஓவேரியன் சிண்ட்ரோம்' (Polycystic Ovarian Syndrome) அல்லது 'பாலிசிஸ்டிக் ஓவேரியன் டிசீஸ்' (Polycystic Ovarian Disease) என்று சொல்லப்படும் நீர்க்கட்டிகள் என்று நான் யூகிக்கிறேன். ஏனெனில், அந்த நீர்க்கட்டிகள்தான் குழந்தையின்மைக்கு முக்கிய காரணங்களாக அமைபவை. நீர்க்கட்டிகள் இருந்தால் கருத்தரிக்க முடியுமா என தெரிந்துகொள்வதற்கு முன், நீர்க்கட்டிகள் என்றால் என்ன என்று தெரிந்துகொள்ள வேண்டும். பெண்ணின் சினைப்பைகளில் இயல்பாக உள்ள  முதிர்ச்சியடையாத முட்டைகளையே நாம் நீர்க்கட்டிகள் என்று சொல்கிறோம். எல்லா பெண்களுக்கும் பிறக்கும்போதே சினைப்பையில் குறிப்பிட்ட எண்ணிக்கையில் முட்டைகள் இருக்கும். அதை `ஒவேரியன் ரிசர்வ்' என்று சொல்வோம். RESEARCH (Representational Image) Doctor Vikatan: விரதமிருக்கும்போது ஏற்படுகிற மயக்கம்... தீர்வு உண்டா? இந்த எண்ணிக்கையானது ஒவ்வொருவருக்கும் வேறுபடும். வயதாக, ஆக இந்த முட்டைகளின் எண்ணிக்கை குறைந்துகொண்டே வரும். சினைமுட்டைகளின் இருப்பிலிருந்து ஒன்று அல்லது இரண்டு முட்டைகள் முதிர்ந்து, வெடித்து அதன் உள்ளிருந்து ஓவம் எனப்படும் கருமுட்டை வெளியே வரும். அந்த நிகழ்வைத்தான் 'ஓவுஷன்' எனப்படும் 'அண்டவிடுப்பு' என்று சொல்கிறோம். இது நிகழ்ந்தால்தான் கருத்தரிக்க முடியும். பிசிஓஎஸ் பாதிப்பு உள்ளவர்களில் முட்டைகளின் இருப்பு நிறையவே இருக்கும். ஆனால், ஒவ்வொன்றும் வெவ்வேறு கட்ட முதிர்ச்சி நிலையில் இருக்கும். எதுவுமே முழுமையாக முதிர்ச்சியடைந்திருக்காது. பெரிதாகி, முதிர்ச்சியடையாததால் அந்த முட்டைகள் ஸ்கேன் பரிசோதனையின்போது சின்னச் சின்ன கட்டிகள் போன்று தெரியும். அவற்றையே நாம் நீர்க்கட்டிகள் என்று சொல்கிறோம். ஸ்கேன் முதல் பிரசவம் சிசேரியன்; அடுத்தது சுகப்பிரசவம் ஆகுமா? - விளக்கும் மருத்துவர்! இந்தக் கட்டிகளை அறுவைசிகிச்சை செய்து அகற்றத் தேவையில்லை.  ஒருவருக்கு சினைப்பை நீர்க்கட்டிகள் இருப்பதை ஸ்கேன் பரிசோதனையை மட்டும் பார்த்து உறுதிசெய்ய முடியாது. அத்துடன் அவர்களுக்கு வேறு சில  அறிகுறிகளும் இருக்க வேண்டும்.  அதை 'ஹைப்பர் ஆண்ட்ரோஜெனிசம்' (Hyperandrogenism) என்று சொல்வோம். அதாவது, அவர்களுக்கு ஆண் ஹார்மோன்கள் அதிகமிருப்பதற்கான அறிகுறிகள் காணப்படும். இந்த பாதிப்புக்கு உள்ளானவர்களுக்கு பருக்கள், உடல் முழுவதும் ரோம வளர்ச்சி போன்றவை தென்படும். இந்த அறிகுறிகளுடன், பீரியட்ஸ் சுழற்சி முறைதவறிப் போவது, ஸ்கேனில் நீர்க்கட்டிகள் தெரிவது என இந்த மூன்றில் இரண்டு அறிகுறிகள் இருந்தால்தான் பிசிஓடி பாதிப்பு இருப்பதாக உறுதிசெய்யப்படும். பிசிஓடி பாதிப்புக்கான முதல் சிகிச்சையே, வாழ்வியல் மாற்றங்கள்தான். உணவுக்கட்டுப்பாடு, எடைக்குறைப்பு, உடற்பயிற்சி போன்றவற்றின் மூலம் இந்தப் பிரச்னையை ரிவர்ஸ் செய்ய முடியும். முகப்பரு Doctor Vikatan: தாய்ப்பால் கொடுப்பதை நிறுத்தினால் மார்பகங்கள் சுருங்குமா? சிலருக்கு மருத்துவ சிகிச்சைகளும் தேவைப்படும். கருத்தரிப்புக்கான சிகிச்சைகளும் தேவைப்படும். எனவே, பிசிஓடி பாதிப்பு உள்ளவர்கள் கருத்தரிக்க முடியாது என்பது தவறான நம்பிக்கை. அப்படியே கருத்தரித்தாலும் குழந்தைக்கு ஏதாவது பாதிப்பு வருமா என்ற பயமும் தேவையில்லை. அப்படி எந்த பாதிப்பும் வராது. எனவே, பிசிஓடி பாதிப்புக்கு சரியான நேரத்தில் முறையான சிகிச்சை எடுப்பது நல்லது. உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 31 Jan 2024 9:00 am

Doctor Vikatan: விரதமிருக்கும்போது ஏற்படுகிற மயக்கம்... தீர்வு உண்டா?

Doctor Vikatan: நான் சமீபகாலமாக விரதம் இருக்க ஆரம்பித்திருக்கிறேன். ஆனால், நான்கைந்து மணி நேரம் எதுவும் சாப்பிடாமல் இருந்தாலே லேசாக மயக்கம் வருவது எதனால்... இதற்கு என்ன தீர்வு? பதில் சொல்கிறார் பெங்களூரைச் சேர்ந்த கிளினிகல் டயட்டீஷியன் மற்றும் வெல்னெஸ்  நியூட்ரிஷனிஸ்ட் ஸ்ரீமதி வெங்கட்ராமன் ஸ்ரீமதி வெங்கட்ராமன் Doctor Vikatan: வெறும் வயிற்றில் பழங்கள் சாப்பிடுவது சரியானதா...? பல மாதங்களாக, வருடங்களாக நீங்கள் விரதம் இருந்திருக்க மாட்டீர்கள். அதனால் திடீரென எதுவும் சாப்பிடாத நிலையில், உங்கள் உடலானது அதற்கு ஒத்துழைக்க வேண்டும். அதற்கு நேரம் எடுக்கும். சமீப காலமாக பலருடம் இன்டர்மிட்டென்ட் ஃபாஸ்டிங் என்ற டயட் முறையைப் பின்பற்றுவதைப் பார்க்கிறோம். உங்கள் விஷயத்திலும் நீங்கள் உங்களுக்குத் தெரிந்த யாரோ அதைப் பின்பற்றுவதைக் கேள்விப்பட்டு நீங்களும் அதைச் செய்ய நினைத்திருக்கலாம். இன்டர்மிட்டென்ட் ஃபாஸ்டிங் முறையில் 8 மணி நேரம், 10 மணி நேரம், 12 மணி நேரம், 16 மணி நேரம் என அவரவர் விருப்பத்துக்கேற்ப இடைவெளி எடுத்துக்கொள்வார்கள்.  இளநீர்! #TenderCoconut Doctor Vikatan: காலை உணவுக்கு எனர்ஜி டிரிங்க், ஸ்மூத்தி எடுத்துக்கொள்வது ஆரோக்கியமான சாய்ஸா? நீங்களும் பல மணி நேரம் சாப்பிடாமல் இருந்திருக்கலாம். அப்படிப்பட்ட நிலையில் உங்களுக்கு உடல் பலவீனமானது போலவோ, வெலவெலத்துப் போனது போலவோதான் இருக்கும். திடமாக எதுவும் சாப்பிடாமல் இருக்கும் இடைவெளியில் வெறும் தண்ணீருக்கு பதில், இளநீர், எலெக்ட்ரால், நீர்மோர் போன்றவற்றைக் குடிக்கலாம். இதெல்லாம் உடல் வெலவெலத்துப் போகாமல் காக்கும். மயக்கமும் வராது. விரதமிருப்பதற்கு உங்கள் உடலானது பழக வேண்டும். முதலில் குறைந்த மணி நேரத்திலிருந்து தொடங்கவும். இரண்டு, மூன்று முறை அதைப் பின்பற்றினால் உடல் அதற்குப் பழகிவிடும்.  ஆனால், சிறிது நேரம் சாப்பிடாமல் இருந்தாலே உடல் வெலவெலத்துப் போவது போல உணர்ந்தால் நீங்கள் ரத்தச் சர்க்கரை அளவை செக் செய்யுங்கள். உங்களுக்கே தெரியாமல் உங்களுக்கு நீரிழிவு பாதித்திருக்கலாம்.  களைப்பு | மாதிரிப்படம் Doctor Vikatan: தேங்காய், புளி சேர்த்த உணவுகளைச் சாப்பிட்டால் நெஞ்சு அடைப்பது ஏன்? எனவே, முதலில் நீரிழிவுக்கான பரிசோதனை மேற்கொண்டு, ஒருவேளை அது உறுதியானால் முறையான சிகிச்சைகளைப் பின்பற்றத் தொடங்குங்கள். உங்களுக்கு ரத்தத்தில் சர்க்கரை அளவு குறையும் 'தாழ்சர்க்கரை நிலை' இருக்கிறதா என்றும் பாருங்கள். நீரிழிவு பாதித்தோருக்கு விருந்தும் கூடாது, விரதமும் கூடாது என்று சொல்வோம். அந்தவகையில் ஒருவேளை உங்களுக்கு நீரிழிவு இருந்தால், நீங்கள்  இப்படி பலமணி நேரம் சாப்பிடாமல் இருப்பதை அவசியம் தவிர்க்க வேண்டும்.  மற்றபடி, சாதாரண நபர்களுக்கு விரதமிருக்கத் தொடங்கிய புதிதில் உடல் பழகும்வரை பலவீனமாக இருக்கும். போகப் போகப் பழகிவிடும். சர்க்கரைத் தண்ணீரோ, சர்க்கரை சேர்த்த ஜூஸோ குடிக்காமல், வெறும் பழச்சாறு குடிக்கலாம்.  உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

விகடன் 30 Jan 2024 9:00 am